Филиппин руу ажлаар явсан Монгол залуу ДОХ-ын вирүс тээгч болжээ

Филиппин улсад ажлаар яваад ирсэн залуу ДОХ-ын вирүсээр халдварласан болох нь тогтоогдлоо.  Халдвар тээгч 30 орчим насны, бэлгийн хэвийн амьдралтай, орон нутгийн иргэн байжээ. Тэрээр нутгийнхаа эмнэлэгт биеэ эмчлүүлэхээр цусны шинжилгээ өгснөөр ДОХ-ын вирүс тээгч болохоо мэдсэн гэнэ.

Өдгөө манайд албан бүртгэлтэй ДОХ-ын вирүс тээгчдийн тоо 84-д хүрч байна. Өчигдөр Төрийн ордонд аймаг, нийслэлийн Засаг дарга нарын дунд болсон уулзалтын үеэр орон нутгийнх нь Засаг дарга Эрүүл мэндийн сайд С.Ламбаад халдвар тээгчийн хавьтагчдийг богино хугацаанд тогтоож өгөхийг хүссэн байна.

ДОХ-ын вирүс тээгчийн талаар ХӨСҮТ-ийн Хэвлэл, мэдээллийн албаны дарга Ч.Уртнасангаас тодруулахад “Бид мэдээгүй. Орон нутгаас энэ тухай мэдээлэл ирүүлээгүй” гэв.

Зууны мэдээ