Нууц амрагаас эхнэр нь болж чадсан юм

Сайн байна уу би та бүхэнд өөрийн амьдралын багахан хэсгээс товчхон хуваалцах гэсэн юм. Би 10 жилийн ахлах ангид байхдаа ангийнхаа нэг хөвгүүнтэй үерхэж дотносоод оюутан болтлоо 3 жил сайхан үерхсэн. Ёстой л гэнэн томоогүй хүүхэд насны сэтгэлээр хандаж анхны үнсэлт, анхны шөнө гээд хамаг сайхан дурсамжуудаа хамтдаа үдсэн. Гэтэл оюутан болоод нөгөө залуу маань зангаа хувиргаж өөр охин луу гүйж намайг нүдэнд орсон өргөс шиг л хаялаа. Тухайн үед анхны хайр минь байсан болоод тэрүү их л сэтгэлээр унаж өдөр шөнөгүй уйлдаг байсандаа. Тэрнээс өөр эр хүн байхгүй юм шиг санаж эргээд ирнэ гээд араас нь гүйж хүлээдэг байлаа.

Гэтэл нэг мэдэхэд салаад 3 жил өнгөрсөн байсан. Одоо бодохоор зүгээр л хүүхэд насны сайхан дурсамж шиг санагддаг. Юунд нь тэгтлээ шаналдаг байсан юм болоо гээд л инээд хүрэх шиг нээрээ л гэнэн сэвтээгүй сэтгэл байсан болохоор тэгж хүндээр туссан байх. Тэр үед амиа хорлоно гэж эм ууж байсныг яана. Гэхдээ тухайн үед хэцүү байсаан удаан үерхээд ээж аавдаа танилцуулаад сууна барина гэж ярьсан байсан болохоор ч тэрүү намайг өөрөөсөө түлэхэд амьдралын минь хамаг төлөвлөгөө сайн сайхан бүхэн маань нурах шиг болж байсан. Найз залуугийн маань толгойг эргүүлсэн охидыг үзэн яддаг байлаа. Гэтэл өөрөө тийм хүүхэн болно гэж бодсонгүй ээ. Учир нь түүний дараа би намайг гэсэн цөөнгүй залуустай учирсан зарим нь зөвхөн түр зуурын зугаа цэнгэл сексийн үүднээс хандаж байсан бол зарим нь чин сэтгэлээсээ ч хандаж байсан ч нэг л болж өгөхгүй байсаар байгаад тогтсон харилцаагүй 3 жилийг бараг ганцаараа өнгрөөсөн байсан.

Гэтэл одооноос жилийн өмнө гадаадад байдаг найзын маань найз залуу Монголд ирэхээр боллоо. Гадаадад байдаг найз маань нэг хэсэг надтай хамт ажиллаж байгаад гадаадад сурахаар явсан юм. Тэнд очоод нэг Монгол залуутай танилцаж удаан үерхсэн нь тэр байв. Гэхдээ би тэр найзтайгаа үй зайгүй сайн найз байгаагүй ч тодорхой хэмжээгээр бие биенээ мэддэг бас миний сайн найз бүсгүйн хамгийн сайн найз байсан болохоор яалтачгүй холбоотой болж таарч байлаа. Гэтэл хэсэг хугацааны дараа бүх зүйл өрнөж эхлэсэн. Гадаадад байдаг найзын маань найз залуу монголд ирсэн гээд хэсэг найз нөхдөөрөө бөөндөө гарч ордог боллоо. Анх тэр залууг хараад танилцаад огтхон ч юм бодоогүй сэтгэгдэл ч төрөөгүй миний сонирхдог төрлийн залуу байгаагүй гэж хэлж болно. Зүгээр л найзын маань найз залуу байна даа л гэж харсан. Миний нүдэнд торхоор онц гойд зүйл харагдаагүй. Хэсэг хугацаанд найз нөхдөөрөө үе үе гардаг байлаа. Жаал ууж, жоохон бүжиглэхээс хэтрэхгүй байдаг байлаа.

Гэтэл нэг өдөр нөгөө залуу миний утасны дугаарыг авчихсан надруу мсж бичлээ. Өнөөдөр гарах уу уулзах уу энд ийм газар тэнд тийм газар байдаг гэнэ гээд л их л найрсаг хөөрхөн ааштай байв. Би ч зөвшөөрсөн гэтэл 2уулахнаа уулзах тухай ярьж байсан байгаа юм. Үүнийг мэдээж их сонин эвгүй санагдаад тухайн үедээ эелдгээр татгалзлаа. Би дотроо найз хүүхэн нь гадаадад өөрийг нь хүлээж байгаа хэдхэн сар монголд ирж байж ямар шалиг хөнгөн залуу вэ ухааны юм бодоод өнгөрлөө. Хэсэг хугацааны дараа надтай уулзаж зүгээр ч ярьж суух хоолонд орох саналыг хэд хэд тавив. Би шалтаг хэлж татгалзсаар байв. Тэгээд нэг өдөр ажил ч стресстэй байсныг хэлэх үү алжаалаа тайлая гэж бодоод түүнтэй уулзаж оройн хоол идэхийг зөвшөөрөв. 2-уулахнаа уулзахад тэр их хөгжилтэй эелдэг бас цэвэрч зэрэг зан байдал нь ажиглагдлаа. Хэсэг хугацаанд зүгээр л найзын хүрээнд илүү дутуу зүйлгүй уулзаж сайхан ярьж хөөрдөг байлаа. Тэр надтай уулзахдаа шинэ содон газар, амттай хоолтой газар гээд л их л ач холбогдол өгдөг нь анзаарагддаг боллоо.

Нэг өдөр өмнөх шигээ энгийн л уулзаад сууж байтал тэр ярианы сэдвээ хазайлгаж намайг анх харсан мөчөөсөө эхлэж дурлаж татагдсан тухайгаа ярьлаа. Дотроо найз бүсгүйнх нь найз болохгүй гэдгийг мэдсээр байж надруу зүтгэж ингээд уулзаад ярилцаад сууж байгаадаа итгэхгүй байна би түүнд маш их таалагддаг гэж хэллээ. Би бүр юу ч хэлж чадсангүй. Би түүнд татагдах нь бүү хэл зүгээр л хувь хүнийх нь үүднээс хүндэлдэг байлаа. Би түүнд болохгүй гэж анхааруулсан. Би өөрөө ч мэддэг байв. Гэтэл юу болсон гэж санана. Тэр залуу намайг сайхан байлгаж миний сэтгэл санаанд нийцүүлэх гэж бүхнийг хийх болсон. Эмэгтэй хүний хүсдэг, дуртай бүхий л зүйлийг миний төлөө хийх болов. Би ч гэж би нэг мэдэхэд түүнд дасч арай өөр нүдээр харж нэг мэдхэд сэтгэл татагдсан байсан. Тэгээд нэг л мэдэхэд бид дотно болж хосын харилцаанд орж байнга уулзаж хамт байдаг боллоо. Бид 2-ыг ингэснийг мэдсэн юм шиг тэр залуу маань буцаж гадагшаа явах шаардлагагүй болов.

Харин найз охин нь гадаадад түүнийг хүлээсээр л. Манай хүн ч найз охиндоо шууд хэлж чадахгүй хилийн цаанаас энгийн харилцаатай байдаг байлаа. Би дотроо энэ харилцаа болохгүй бүтэхгүй энэ чинь хүний хүн гэж бодсон бодол байнга эргэлдэж өөрийгөө зүхдэг байлаа. Тэгээд нэг өдөр уулзаад юу бодож байгаа бүхнийг хэллээ. Бид буруу замаар яваад байна тэр бүсгүйн хайр, хүлээсэн сэтгэлийг бодоод эртхэн дээрээ болих хэрэгтэй гэж хэллээ тэр ч бас найз бүсгүйгээ хуурсандаа харамссан бололтой миний саналыг зөвшөөрч бие биедээ амжилт хүсээд саллаа. Нэлээн удаан хугацаанд уулзсангүй холбоо барьсангүй. Хаяа миний санаанд орохоос биш өөрөөр нэг их сүртэй бодогддоггүй байлаа. Хүнээс сонсохнээ гадаадад байгаа найз бүсгүйтэйгээ харилцаатай байгаа л гэж байв. Би ч дотроо болждээ Би тэр 2рт гай болоогүй нь яамай гэж боддог байв.

Гэтэл нэг өдөр найз нөхөдтэйгөө явж байгаад дахиад л түүнтэй таарчихлаа. Тэр ч найз нөхөдтэйгөө явж байв. Энгийн л яриа ярьж үдшийг өнгрөөлөө. Маргаашнаас дахиад л хэн хэн нь уулзахыг хүсч дахиад л уулзаж эхэлсэн илүү дотно илүү их бие биеэ хүсэх болсон. Урт хугацаанд ч уулзав. Найз бүсгүй нь бид хоёрын талаар юу ч мэдэхгүй ч найз залуугаа монголд очоод өөр хүнтэй болсныг гадарлаж онлайнаар найз залуутайгаа хэл ам мурийдаг болсон гэж байв. Тэгээд хайртай хүнээ алдахгүй гэсэндээ удахгүй монголд ирж магадгүй гэсэн яриа сонсогдов. Найз залуутай нь яваад байгаа бүсгүйг намайг гэдгийг мэдвэл тэр бүсгүй дээр нь миний бүх найз нөхөд намайг яаж хүлээж авах бол мэл гайхаж цэл хөхрөнөдөө гэж битүүхэндээ санаа зовж айж эхлэв. Ингээд дахиад л салах тухай бодол эргэлдэж түүнд хатуухан үг хэлж саллаа. Өөрөөсөө түлхлээ. Бас нэлээн хугацаанд огт холбоогүй танихгүй хүн шиг боллоо. Тэр залуу маань надтай уулздаг атлаа гадаадад байгаа удаан үерхсэн бүсгүйгээсээ холбоо тасладаггүй байсан юм.

Мэдээж удаан үерхэж харийн оронд бие биедээ хань болсон хүмүүс тийм ч амархан салахгүй сэтгэл нь хөрөхгүй гэдгийг би мэдээд би зүгээр ч тэр залуугийн биологийн хэрэгцээг хангадаг, найз бүсгүйг нь орлож байгаа орлон тоглогч шиг мэдрэмж төрж түүнээс жинхэнэ ганцхан намайг гэсэн хайрыг нууцхан хүсэх болсон ч түүний сэтгэлд найз бүсгүй нь бодогддог гэдгийг би мэддэг байсан юм. Тэгээд л би салсан дахин огт уулзхыг харахыг хүсээгүй. Дахин цаг хугацаа өнгөрлөө. Би эхэндээ түүний талаар их боддог байсан ч сүүлрүүгээ урьдын ганц бие амьдралдаа орж нэг их бодохоо болив. Гэтэл нэг нартай өдөр нөгөө залуу маань надтай холбогдоод ганцхан удаа уулзах боломж өгөөч хэлэх зүйл байна гэлээ. Би ч дотроо гайхаж уулзаж хэлэх үгийг нь сонсоё л гэж бодлоо. Уулзахаар очиход тэр залуу маань ганган хослол, зангиа өмсөж, зоогийн газар захиалга өгч цэцгийн баглаа тэврээд их л догдолсон сандарсан байдалтай намайг угтлаа. Би ч очоод эхэндээ энгийн л зүйл ярьж эхэллээ. Гэтэл тэр залуу маань өөртэй нь нийлж найз бүсгүйг нь хуурсандаа бүү эмзэглэ. Хэдий надтай энд явалдаж найз бүсгүйгээ хуурсан ч тэр бүсгүйг өөрийг нь хүлээж чадна амьдралаа хамтдаа босгоно гэсэн байсан болохоор буцаад очино гэж ярьдаг байсан гэнээ.

Гэтэл хүссэн юм хүзүүгээр татаж найз бүсгүй нь ч байхгүй араар нь гадаад залуутай хэд хэд уулзаж учирч байсныг нь мань хүн хүнээс олоод сонсчихож. Тэгээд найз бүсгүйтээгээ холбоо тасаржээ. Надтай ч холбоогүй байсан. Энэ хугацаанд тэр их бодсон бололтой. Тэгээд миний тухай их бодож гэнээ. Эцсийн шийдвэр нь дахин надтай уулзах гэхдээ бүр хэнээс ч юунаас ч нууж нуугдалгүй сайхан хосууд шиг эхнээс нь бүгдийг эхэлье. Албан ёсоор миний найз бүсгүй болооч гэлээ. Би ч эхэндээ гайхаж хэсэг хугацаанд бодий гэлээ. Гэхдээ надад бас түүнийг гэсэн сэтгэл байсан болохоор татгалзаж чадалгүй зөвшөөрлөө. Эр хүн хэлсэндээ гэдэг шиг тэр маань үгэндээ хүрсээн. Бүхний өмнө надад хайртайгаа зарлаж хэнээс ч нуулгүй бүх үнэнийг хэлсэн. Эхэндээ бид 2 ад үзэгдэж элдвээр хэлүүлж би ч найз нөхдийн дунд хүний залууг булаасан хөнгөн явдалтай хүүхэн нэр зүүлээ. Гадаадад байгаа бүсгүй нь хэд хэдэн удаа ч дайрч довтлов.

Найз залуу маань хэлэхдээ хүмүүс эхэндээ ингэж л байдаг юм тэд хэл аманд дуртай хэсэг хугацааны дараа бүгд мартах болно хамтдаа тэснэ шүү гэдэг байлаа. Янз янзаар л хэлүүлдэг байлаа. Эхэндээ хэцүү байв сүүлдээ хэрүүлдэв дараа нь тоохоо болилоо. Хуучин найз бүсгүйнх нь найзууд элдвээр дайрч хэлдэг байлаа би дотроо уур хүрсэн ч тэвчдэг байлаа. Надруу дайраад байдгүй найз залуугаа яваад удаагүй байхад гадаад залуугын өвөрт орсон найзыгаа эхлээд бодоосой гэж боддог байв. Харин одоо бүх зүйл ард хоцорсон Найз залуутайгаа тусдаа гарч шинэхэн амьдралаа эхлүүлээд аав ээж ах дүү нартайгаа аль аль нь танилцаж айл шиг айл болох гэж хэн хэн нь хичээж явна. Инээхээс өөр хэрүүл маргаан гэсэн зүйл одоохондоо алга би болон миний нөхөр маш их сэтгэл хангалуун аз жаргалтай амьдарч байна. Заримдаа би хүүхэдтэй хүнийг салгаж суугаагүйдээ баярладаг заримдаа надтай энэ хүнийг учруулах гэж тэр найз бүсгүй маань олон жилийн өмнө гадаад явждаа гэж боддог.

Заримдаа хөөрхий тэр эмэгтэй яг л би анхны хайрдаа хаягдаад зовсон шиг зовж шаналж намайг үзэн яддаг байхдаа гэж боддог. Гэхдээ одоо ирээдүйд юу ч болсон бай би өөрийн босгосон бас сонгосон амьдралаа аз жаргал үр хүүхэд сайн сайхнаар ч төсөөлж бас дүүргэх болно. Учир нь миний нөхөр надад хайртай халамжтай намайг сонгосон юм. Энэ чинь амьдрал…