Залуухан Трампын ховор зургууд

Америкийн шинэ Ерөнхийлөгч Дональд Трампыг анхны эхнэр Иванна Трамптай хамт амьдарч байх үеийн мянга гаруй фото зургийг сэтгүүлчид олж авсан байна. Энэ зургийг Иванна дуудлага худалдаагаар зарахад Флоридад амьдардаг цуглуулагч худалдан авчээ. 

Түүнээс хойш хоёр жил гаруй хэнд ч хэрэггүй хог болон хэвтэж байгаад Трампын Ерөнхийлөгч болсны дараагаар огцом үнэд хүрсэн төдийгүй жинхэнэ супер сенсаци болж хувирчээ. Эдгээр зураг дээр түрэмгий, дээрлэхүү гэмээр авиртай гэж хүн болгонд харагддаг Трамп огт өөр байдлаараа гарсан болохоор сенсаци гэхээс өөр аргагүй.