Эрчүүдээ болгоомжтой байцгаагаач ээ

Манайд ан гөрөө хийх дуртай эрчүүдийн тоо жил ирэх тусам нэмэгдэж байгаа. Үүнд ч гайхах зүйлгүй биз. Өвөг дээдэс нь ан хийж явсан гэх, дээр нь өөрөө мөнгө төгрөгтэй болохоор хурдан буу хурдан машинтай болсон. Гэвч энд анхаарал болгоомж ямагт шаардлагатайг энэ түүх харуулна. Нью-Йоркт амьдардаг Мишел Фокс нэртэй энэ бүсгүйн амьдралыг нөхөр нь нэг мөр сүйрүүлэх дөхжээ.

Хүүхдээ хөхүүлэн суусан эхнэрийнхээ хажууд нөхөр нь шинээр худалдаж авсан ангийн буугаа цэвэрлээд сууж байна. Гэтэл замганд нь сум байсныг мэдэлгүй гох дарахад сум Мишээлийн нүд, хамар, дээд тагнайг юу ч үгүй болгож хаясан байна. Азаар эмч нар Мишелийн амийн аварсан ч нүүр царайг нь яаж ч чадахгүй гэдгээ хэлж. Мишель нэг хэсэг тусгай хаалт, боолт ашиглан аймшигтай зэрэмдэглэгдсэн царайгаа нуудсан байсан ч дандаа ингээд яваад байж болохгүй нь ойлгомжтой болсон нь мэдээж.

Харин аз болж Маржи Голд нэртэй зураач бүсгүй Мишельд силиконоор тусгай зүүдэг маск хийж өгснөөр амьдрал нь огт өөр болсон аж. Зүгээр ч нэг зүгээр болсонгүй аймшигтай буудлагын дараа нөхрөөсөө салаад байсан тэрээр шинэ хайр дурлалтайгаар учирч одоо охинтойгоор гурвуул аз жаргалтай амьдарч байгаа юм байна.

Буу шийдэмд дуртай хүмүүс анхаарал болгоомжтой байхад илүүдэхгүй байх.