Кевин Спэйси уучлал гуйжээ

Нэрт жүжигчин Кевин Спэйси гэнэтийн мэдэгдэл хийсэн байна. Тэрбээр ижил хүйстэн гэдгээ зарлав. Өмнө нь тэрбээр энэ бүхнийг үгүйсгэдэг байсан юм. Кевин өөрийн твиттер дэх хуудсанд эрчүүдтэй, эмэгтэйчүүдтэй харилцаанд орж байсан гэдгээ мэдэгджээ.

Спэйси өмнө нь ямар байснаа бичээд зогсохгүй, цаашид ижил хүйстнээ сонирхож амьдрах болно гэдгээ мэдэгджээ. Тэрбээр энэ талаар “Надад ойрхон бүх хүмүүс намайг эрчүүдтэй, эмэгтэйчүүдтэй дотно харилцаанд орж байсныг мэднэ. Би эрчүүдэд хайртай. Тэдэнтэй бүх амьдралынхаа туршид дотно байж ирсэн. Харин одоо бол би ижил хүйстнээ сонирхож амьдрах болно” хэмээн өгүүлсэн аж.

Энэ бүхнийг Кевин Спэйси асуудалд орсон учраас бичсэн гэж олон нийт үзэж байна. 1986 онд түүнтэй хамт кинонд тоглосон Энтони Рэпп гэдэг жүжигчин Кэвин өөрийг нь оролдсон хэмээн мэдэгдэл хийсэн билээ. Жүжигчин эр согтуудаа эвгүй аашилсан тул Энтонигоос уучлал эрж байгаагаа ч мөн бичсэн аж.

Эх сурвалж www.wikimon.mn

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.