Секс.мн » Хардалт

Тэр тэнгэрүүд хүртэл намайг сал гэсэн гээд бод доо…

gambush Dr — Wed, 21 Jul 2010 19:37:13 +0000

Би хуримаа хийгээд 3 жил болж байна. Эхэндээ бүх зүйл сайхан л байсан. Хуримаа хийсэн эхний жил хүү маань төрсөн болохоор би төрсөн ээжийнхээ дэргэд байхыг илүүд үзсэн. Манай нөхөрт хэцүү л байсан байх. Гэхдээ нөхөр маань хүү бид 2-г бодоод юу ч хэлээгүй. Хавар нь би сургуулиа төгсөөд хадмуудынхаа хажууд шинэ барьсан байшиндаа нүүж очсон юм. Би сургуулиа төгсөөд ажиллана, бас цаашид суралцана гэж бодож байсан. Гэтэл нөхөр маань АНУ руу явах виз хөөцөлдөөд бараг бүтнэ эхний жилдээ хүүгээ хараад гэртээ байж бай. Тэгээд очоод жилийн дараа намайг татаж авна гэж ярилцаад би гэртээ байх болсон. Ингээд л ажилгүй гэрийн авгай болсон юм. Гэтэл виз ч бүтээгүй. Бид 2-т хэрэгцээнээс илүү гарах мөнгөгүй болохоор би суралцаж чадаагүй. Тэглээ гээд би юу ч хэлэлгүй гэртээ суух болсон. Дөнгөж төгссөн намайг ажилд авах газар олдоогүй. Худалдагч ч болтугай хийе гэхэд ээж маань зөвшөөрөөгүй юм. Үүн дээр нэмж хэлэхэд миний дураараа зан маань бас нөлөөлсөн байх. Хэдэн сар гэртээ байж байгаад бас л өөрийн төрсөн гэр лүүгээ хүү нөхөр 2-оо дагуулаад хүрээд ирсэн. Ингэж ирэхэд миний хадам ээжийн зан нөлөөлсөн. Би уг нь хадам аав ээж 2-оо асрах ёстой ч тэгээгүй юм. Учир нь манай хадам ээж нөхрийг маань харахаараа өөр болж, бид 2-н хувийн амьдралд хэтэрхий их ороод байгаа юм шиг санагддаг байсан. Нэг удаа бүр намайг “Сэхээтэн хүний эхнэр шиг байгаарай” гэж загнасан. Тэр нь юун дээр вэ гэхээр нөхөр маань өглөө эрт ажилдаа явна гэхэд нь бид 2 сэрүүлэгээ сонсоогүй нам унтчихсан юм. Тэгээд би яараад ус буцалгаж байхуу чанаад нэг өндөг шарж өгсөн. Гэтэл манай хадам ээж хоол хийж цай чанаж өгсөнгүй гэж уурлаж байгаа нь тэр.

Ингээд л би зөрж өөрийн дураар нүүгээд дараа жил нь нэг байр хөлслөж амьдрах болсон. Энэ удаад ч нөхөр маань миний үгээр байж юу ч хэлээгүй. Би өөрийгөө бодоод нөхрөө гомдоож байгаагаа тэр үед үнэхээр ойлгоогүй байсан. Тэгтэл гэнэт нөхөр маань зайран болчихсон. Угаа барьж удмаа буулгахгүй бол болохгүй гээд. Бид 2-т мөнгө байхгүй болохоор юмаа бэлдэж чадалгүй их удсан. Энэ хооронд нөхөр маань их зовсон. Бараг 9 давхраас нисч үхэх шахсан. Аав ээж ах дүү нарынх нь ажил төрөл нь бүтэмжгүй байсан болохоор мөнгө төгрөгөөр нэг их тусалж чадаагүй. Миний аав ээж бид 2-т сая төгрөг зээлүүлээд эхний ээлжинд авах юмаа авсан. Зайран удган болж байгаа хүмүүс эхний жилдээ үнэхээр их зовдог юм байна лээ. Нөгөө сахиусууд нь тоглоно. Архи их ууна. Тэгээд өөрийнх нь ах дүү нар нь тоохгүй болохоор тэд нартаа хэлж чадахгүй гомдоно. Харин тэр гомдсон гомдлоо надад гаргаж элдвээр хэлнэ. Хамгийн гол нь тэр гомдлоо надад гаргахдаа шинэ барьсан байшинд нь амьдарсангүй гэж байнга хэлнэ. Би үнэхээр тэссэн. Саяхан аргаа бараад хадам ээждээ хэлсэн чинь надад удам судраар минь битгий доромжил гэсэн. Би хүүг нь зовоож байна. Амьд мэнд дээр нь хүүгээ надаас салгаж авна гэсэн. Би уг нь зайран болоход нь хэрэглэсэн мөнгөний өрөө төлж чадаагүй, ах дүү нар нь тусалсангүй гэсэн чинь хүүхдүүдээ өмөөрөөд надад тэгж хэлсэн. Ямарч хүн эцсийн эцэст өөрийн мах цусаа бодохоос хүргэн бэрүүдийнх нь зөв байсан хүүхдүүдээ л боддог юм байна лээ. Одоо манай нөхөр байнга архи ууж худлаа үнэн нь мэдэгдэхгүй баахан юм ярьдаг болчихсон. Тэгээд ээж ах дүү нар нь манай нөхрийн үгэнд итгээд, намайг үзэхгүй байгаа. Бараг би л сайн хань байж чадалгүй нөхрөө ийм болголоо гэсэн.

Уг нь бол манай нөхөр өөрийнхөө удмыг буулгадаг зайран болохоос миний удам судар тэрэнтэй ямар ч холбоогүй ш дээ. Тэд нар даанч тэрийг ойлгохгүй юм. Нөгөө удмын тэнгэрүүд нь тэд нараа ирэхийг хүлээгээд хүлээгээд тэд нар нь гуйлгаж байж 2 удаа л ирсэн. Бүтэн жилийн туршид ш дээ. Одоо нөхөр маань надаас сална гэсэн. Надад үнэндээ тийм бодол алга. Би юу гэж хүүгээ өнчрүүлж, нөхрөө тийм болгочихоод орхих юм бэ. Засч авахыг л бодож байна. Тэр тэнгэрүүд хүртэл намайг сал гэсэн гээд бод доо. Би жинхэнэ заяаных нь хань биш болохоор манай нөхөр ингэж зовж байна гэсэн. Энэ тухай хадмууддаа хэлье гэхээр нөхөр маань эрүүл байхдаа яах юм бэ манайхан ойлгохгүй гэдэг байсан.Тэгээд л би нөхрийнхөө үгээр явсаар эцэст нь ийм байдалд хүргэчихлээ. Одоо тэд нар намайг бараг янхан хүүхэн гэж бодож байгаа. Яагаад гэвэл нөхөр маань согтуу энд тэнд явж байгаад зодоон хийхээрээ миний явалддаг залуучууд нийлж зодлоо гэж ах нартаа хэлдэг. Надад тийм юм юу ч байхгүй гэдгийг тэр тэнгэр сахиусууд нь мэдэж л баймаар. Ер нь бол улаач нь юу гэж бодно сахиусууд нь тэр үгээр нь болдог юм байна лээ.

Би чинь хуримаа хийж, хүүхэд төрүүлсөн эх хүн. Яаж ч бодсон би тэгж явахгүй ш дээ. Гэрээс бараг гарахгүй. 2, 3 сар болж байж найзуудтайгаа уулзана. Тэд нар бүгд нөхөр хүүхэдтэй. Нөхөр маань бүгдийг танина. Аан тийм би нөхөртэйгээ танилцахаас өмнө нэг залуутай уулздаг байсныг нөхөр маань мэднэ. Гэтэл хаа хамаагүй танихгүй нэрүүд хэлээд тэрэндээ бүүр итгэчихсэн хэнд ч хамаагүй ярина. Би одоо яах ёстой вэ? Салмааргүй байна. Гэхдээ л надад ямар ч итгэл алга. Намайг яаж доромжилж байсан нь бодогдоод байна. Би нөхөртөө үнэхээр хайртай…

cekc.mn дээр ирсэн захидал

Холбоотой нийтлэл:

Намайг байхгүйд өөр хүнтэй явалдахвий гэж айж байна

gambush Dr — Tue, 20 Jul 2010 17:50:04 +0000

Намайг Б гэдэг одоо 22 настай. Тайваньд сурдаг. Урьд нь хичээл ном гэж хөөгөөд хүнтэй найзалж үерхэж үзээгүй ганц л удаа хүнтэй унтаж байсан. Тэгээд 4 сарын өмнөөс 1 хар залуутай найзалж эхэлсэн. Эхэндээ би өөрөө дургүй байснаа цагийн эрхэнд дасаад одоо сайн болчихсон юм шиг байна. Тэр ч надаа сайн би тэрийг нь мэдэрдэг. Гэхдээ 1 найз охинтой тэр нь хамт байдаггүй л дээ хааяа л ирдэг юм. тэр найз охин нь бид 2ийг гадарлаачгүй. Бусад хүмүүсийн дэргэд би хамаагүй дотно мэт харагдахыг хүсдэггүй юм. Түүнийг найз охинтойг бүгд л мэднэ шүү дээ. Би анхнаасаа л бүтэхгүй дурлал гэж мэддэг байсан ч харийн нутагт ганц намайг гэж байгаа тэр залууд өөрийн эрхгүй л дасчихсан. Урд нь хүнтэй үерхэж байгаагүй болоод ч тэрүү би жоохон хөндий харьцдаг юм шиг байгаа юм. Тэр надад сайн гэдгээ зөндөө хэлдэг ч би 1 ч удаа түүнд сайн гэж хэлж байгаагүй. Түүнээс болоод түүнийгээ хэд хэдэн ч удаа уйлуулаад авсан. Эр хүн уйлуулах муу л байдаг гэсэн. Намайг өөрийг нь тоодоггүй, өөрт нь итгэсэнгүй гээд байнга л гомдоллож байдаг юм. Уг нь ч яг жоохон хүүхэд шиг гэнэн бас уяхан хүн л дээ. Байнга шахуу хамт байдаг болохоор сайн мэддэг болчихсон.

Бид 3 сарын өмнө анх бэлгийн харьцаанд орсон гэвч сарын өмнө жирэмсэн болсноо мэдсэн. Миний анхны хүүхэд гэж бодохлоор эцэггүй ч хамаагүй гаргаад өсгөчихмөөр санагдаж байсан ч өөрөө жоохноороо тэгээд ч хийх бүтээх юм их байна ядаж байхад хар хүний хүүхэд гэж бодоод авахуулахаар гийдэж бид 2 хамт очоод л авхуулчихсан. Хааяа хааяа гэнэт бодоод ганцаараа уйлдаг. Бид 2-н дунд их ч юм болсондоо тэгээд ч сүүлийн үед би сайн гэдгээ хэлдэг болж байгаа.

Яг одоо бол би амралтаараа Монголдоо ирчихээд байж байна. Түүнийгээ байнга санана. Бид 2 байнгын л messenger, msg-ээр холбоотой байгаа. Намайг хурдан ир л гэдэг би ч бас хурдхан очмоор байна.

Тэгээд миний ганц сэтгэлийг зовоож байгаа асуудал гэвэл намайг байхгүйд өөр хүнтэй явалдахвий гэж айж байна. Их л том хардалт явагдаж байх шиг байна. Найз охинтойг нь мэдсэн мөртлөө түүнтэй уулздаг болсон маань үнэн ч гэсэн надаас өөр ахиад хүн гарч ирэхийг нь би тэвчиж чадахгүй ээ. Анх удаа л би ингэж хүнд сайн болж байгаа ш дээ. Хэдий салахаа мэдэж байгаа ч гэсэн гэхдээ ийм хурдан бас муухайгаар лав биш ээ. Хэдий салахаа мэдэж байгаа ч гэсэн энэ хэвээрээ сайхан халамж хайрыг мэдрээд үргэлжлүүлэх үү? Аль эсвэл эртхэн салсан нь дээр үү? Надад зөвлөгөө өгөөч хүмүүсээ.

cekc.mn дээр ирсэн захидал

Холбоотой нийтлэл:

Буруу xаруулаад өмссөн бандаг

gambush Dr — Tue, 13 Jul 2010 18:53:17 +0000

Сайн байцгаана уу? Надад мэргэн уxаан xэрэгтэй байнаа найзуудаа. Xөл бөмбөг үзээд жааxан оройтоод унтсан чинь, өглөө xоцронгоо алдаад аа xө. Сандарсандаа бандагаа буруу xаруулаж өмсөнөө ч мэдсэнгүй ээ. Орой нь бас л xөлбөмбөг гээд найзуудтайгаа оройтоод иртэл эxнэр ууртай байнаа. Жааxан пиво уусандаа ч xалсан байна. Xувцасаа тайлтал буруу xаруулаад өмссөн бандаг. Эxнэр xардаж уурлаад дугардаггүй ээ долоо xонолоо. Яaж зөв ойлгуулж, нэр цэвэр үлдэx вэ xө. Арга байна уу? Найзуудаа.

секс.мн дээр ирсэн захидал

Холбоотой нийтлэл:

Та хартай юу?

gambush Dr — Tue, 13 Jul 2010 17:42:24 +0000

Хардалт ухааныг мохоож, нойрыг хасч, гэр бүлийг салгаж чаддаг. Тэр бүхнийг хийх чадвартай. Эрчүүд, эмэгтэйчүүд өөр өөрөөр харддаг.

Эмэгтэйчүүд

Мэдрэмтгий зангийнхаа ачаар хайртай хүнээ хараад л хардах үгүйгээ шийдэж чаддаг. Хайртай залууг нь бусад эмэгтэйчүүд сонирхож харах үед тэр бахархах сэтгэл төрж, баяр баясалтай болдог. Гэхдээ хайр сэтгэл нь түүнийг сэрэмжтэй байхыг шаарддаг. Тэд хайртай эрийнхээ халаасыг шалгаж, бусдын үнэр ханхалж байна уу гэдгийг шалгахаас огт ичихгүй.

Эрчүүд

Бүсгүйгээ өөрийн болсон гэж үзэх үедээ анхаарал сэрэмжээ алдах нь цөөнгүй. Бусад эрчүүд (өөрийн нь найзууд ч орно) хайртай эмэгтэйг нь дурсан санах, эсвэл магтах үед тэр маш их цухалдаж, түүнийгээ олны нүдэнд өртөхөөр гангарч байна зэргээр буруутгаж эхэлдэг.

Өөртөө хэт итгэлгүй, эсвэл өөртөө хэт итгэлтэй хүмүүс хамгийн их харддаг. Эмэгтэйчүүд уйтгарлаж, гунигласан үедээ их харддаг байна. Тиймээс та байнга хардах мэдрэмжээ сэдрээхгүйн тулд биллиард тоглож сур. Эсвэл Бальзакийн зохиолыг дахиад унш. Хүн нэг дор хоёр зүйлийн талаар бодох чадваргүй байдаг. Хардах сэтгэлийг өөрөөсөө үргээхийн тулд зүг ээр л цай уу.

Гэхдээ өөрийн гал тогоондоо бус, хөршийндөө орж цайлаарай. Хэрвээ та хартай хүнтэй учирсан бол эхлээд үйлдлээрээ, дараа нь үг хэлээрээ түүнтэй ярилцаарай. Эхлээд та түүнийг энхрийлж байгаад, дараа нь яриа өрнүүл. Хардалтаас ангижрах хамгийн найдвартай арга бол энэ нь надад хамаагүй гэсэн царай гаргах явдал юм. Нөхөр тань таныг өдөөн хатгаж болно. Хардах шалтгаан бүү гарга. Ингэхийн тулд та нөхөр л рүүгээ байнга ярьж, төлөвлөж байгаа зүйлийнхээ талаар болон бусад бүх зүйлийг түүнд мэдээлэх хэрэгтэй. Хүмүүс өөрт нь тавих анхаарал, халамж, хайр суларсан үед хардаж эхэлдэг. Гэр бүл болсон өдөр, түүний төрсөн өдрийг бүү март. Юу бодож байгаагаа бие биедээ хэлж сур. Ингэснээр түүнд таныг өөрт нь хайртай гэсэн итгэл бий болж, эргэлзээ арилдаг.

Холбоотой нийтлэл:

Би тэр хүнийг л ганцхан хүлээдэг…

gambush Dr — Fri, 02 Jul 2010 14:52:08 +0000

Сайн байцгаана уу? Би энэ сайтаар байнга зочилдог. Би өөрт тохиолдоод байгаа зүйлийнхээ талаар та бүгдтэй саналаа хуваалцах гэсэн юм. Би одоо 21 настай энгийн нэгэн охин одоогоос бараг хагас жилийн өмнөөс нэг залуутай меснжрээр харилцаж эхэлсэн юм. Тэг өөр газар байдаг. Надаас 9 ах. Ерөөсөө уулзаж байгаагүй хэдий ч цаг хугацаа өнгөрөх тусам би тэр хүнд дассан. Тэр ч надад хайртай гэж хэлдэг, бүр надтай амьдрана гэж ярьдаг байсан. Гэтэл тэр одоо яасан нь мэдэгдэхгүй чимээгүй болчихлоо. Би юу гэж бодохоо ч мэдэхгүй байна. Би нэг удаа утасруу нь залгасан боловч миний хоолойг сонсчоод тасалчихсан. Дахиад залгахад аваагүй. Мсж бичихээр хариу бичихгүй юм.

Урьд нь бас нэг ингэж байсан. Тэгсэн тэр үед өвдөөд надаас бүүр болий гэж байхад нь би өөрөө хөөцөлдөж байж авч үлдсэн. Тухайн үед өөрийгөө ингээд эрүүл хүн байхаа болилоо гэж бодоод надад өөр шиг нь өвчтэй хүн хэррэгүй гэж бодсын байна лээ. Миний төлөө тийм шийдвэр гаргасан байсан болохоор би тэр хүнд итгэж бас үнэлэж эхэлсэн.

Байнга утасдаад месж бичээд байж болно л доо тэхдээ бардам зан гарч ирээд байх юм. Эрэгтэй хүмүүс угаасаа ийм байдаг юм уу? Намайг ингээд түмэн асуултын дунд орхиод алга болчихлоо. Би тэр хүнийг л ганцхан хүлээдэг. Надаас болоод ингээд байгаа гэсэн шалтгаан огт байхгүй. Эсгүй бол би зүгээр л тэр чигт нь чимээгүй хаячих уу? Тэгэх гэхээр бас сэтгэлд хэцүү юм аа. Яавал дээр вэ?

cekc.mn дээр ирсэн захидал

Холбоотой нийтлэл:

Хол байх тусмаа сайхан санагддаг болж байх шиг байна…

gambush Dr — Wed, 30 Jun 2010 20:12:04 +0000

Би 26 тай нөхөртэй хүүхэдтэй бид 2 хамт амьдраад 3 жил болж байна би өөрөө бие даасан ажил төрөлтэй бүсгүй, за тэгээд гол асуудал гэвэл нөхөр бид 2 хамт амьдраад 3 жил болоход ер нь ихэнх хугацаанд нь муудлацаж өнгөрөөдөг салий гэхээр хүүхэд байгаад байдаг. Эхэндээ намайг жирэмсэн байхад манай хүн өөр хүн амьтантай орооцолдож байгаад баригдаад үүнээс эхлэж бид 2-н хэрүүл эхэлсэн тэгээд нөхөр маань гэмшиж буруугаа хүлээсэн л дээ, гэтэл сүүлийн үед манай нөхрийн хар гэж дийлдэхээ байлаа. Учир утгагүй хардалт бараг л залгасан болгонтой нь хардах гээд байхын ядаж байхад миний ажил ихэнх нь эрчүүд дээр нь танил эрчүүд юм асууж залгах юмаа тэр тоолонд хардаж уурлаж бөөн юм ургуулан бодно… үнэхээр залхаж тэсвэр алдмаар. Хол байх тусмаа сайхан санагддаг болж байх шиг байна. Үүгээрээ юу хэлэх гээд байна вэ гэвэл эрчүүд минь, хүүхнүүд минь ханилсан ханиа итгэж хайрлаж чадахгүй хардаад байвал тэр амьдрал чинь зүгээр л нэг л мэдэхэд сөнөдийн байна. Чамайг хэзээч хайрын нүдээр биш за энэ бас юу гэж хэлэх бол гэсэн бодол дүүрэн нүдээр хардаг. Тэгээд бас өөрийн эрхгүй өөр залуучуудтай уулзмаар учирмаар санагдаад ирдийн байна тийм учраас болж өгвөл битгий хард ядаж баталгаатай юман дээр хардаж байгарай хэрвээ тэгж хардах байсын бол өөрсдөө биеэ аятайхан авч яваад эхнээс л амьдралаа зөв зохиогоорой хүн хүнийг өөр шигээ л боддын байна гэдгийг сайн ойлгож авч байна даа.

ceкс.мн дээр ирсэн захидал

Холбоотой нийтлэл:

Зодох бол яахуу, шалдан хүүхний зураг үзээд…

gambush Dr — Tue, 29 Jun 2010 17:18:53 +0000

Сайн байцгаана уу? Намайг М гэдэг. Одоогоор гадаад өөрийн хайртай найз залуутайгаа хамт амьдран ажилладаг мөн суралцдаг. Бид хоёр 10 жилийн нэг ангиас өнөөдөр төгсөх курсын оюутан болтлоо л бие биенийгээ таньсаар ирсэн. Үерхээд бол ойролцоогоор 2 жил, харин хамт амьдраад нэг жил болох гэж байна. Бид хоёр бие биенийхээ анхных нь, бүх зүйлээрээ… Одоо ч тэр хэвээр. Найз залуутайгаа хамт амьдарч эхэллээ… Бүх л зүйл л яг миний хүсэж байсан шиг. Анх удаа би эрэгтэй хүнтэй, тэр маань эмэгтэй хүнтэй гэр бүл мэт амьдрал эхэлж байгаа маань энэ. Хоёулаа ажил хийгээд л, хажуугаар нь сураад л… Мөнгө төгрөгтөй ч өөрстөө сайн харьцаж сураагүй байсан одоо бүгд өөрсдийн толгой дээр… Хэн хэн нь л их л юм сурч байна. Бид хоёр хоёулаа тэгж нээх шоудаж, ууж идээд татаад байдаггүй. Хэн хэн нь тийм юмнаас хол байсан. Тиймээс ч би найз залуугаа тийм л хэвээр нь байлгахыг хүсдэг. Түүний зан характер нь гэвэл үнэхээр үнэнч, нэг хүнтэй орооцолдсон бол өөр хүнтэй орооцолдон л гэж байхгүй. Маш олон жил л намайг гэж ирсэн хүн… Би түүний надад ханддаж (үнэнч, маш халамжтай, үнэхээр сэтгэлээсээ, худлаа ярьж хуурна гэж байхгүй, ямар ч найзуудаас нь би л илүү) байдагт нь үнэхээр татагдаж түүнд хайртай болсон. Зан аашинд л би дасаж хайртай болсон.

Гэтэл аажим аажимаар тэр муу тийшийгээ өөрчлөгдөөд байдаг боллоо… Мэдээж хүн л юм чинь өөрчлөгдөлгүй л яахав. Гэхдээ хамт амьдарч эхлээд удаагүй хальт хальт гар хүрч эхэлдэг боллоо. Сүүлдээ хараал энэ тэр бол энүүхэнд л болсон. Би юм л бол салья, би явлаа гээд л хувцсаа багладаг өвчтөй. Намайг тэгэх тусам бүр л араатан шиг болдог… Тэгээд маш олон юмны дараагаар тэр ойлгосон одоо бол тийм юм бараг л болохгүй. Гэтэл саяхан би түүнийг шалдан хүүхний зураг үздэг болохыг мэдлээ. Үзээд хагас жил гаруй болж байгаан байна. Ер нь гайгүй охин энэ нтр бол нилээн сонирхоно. Би ч бол за баяртай салья л гэлээ… Тэгсэн тэр нөгөө эрэгтэй хүмүүсийн хэлдэг бүхнийг хэлээд л уйлаад байхын би арай гэж л өнгөрсөн. Гэтэл одоо бас л үзээд байгаа юм шиг байхын, бас өөр бүсгүйчүүдын зураг энэ тэрийг бол үздэг юм байна лээ. Харин би болохоор түүнээс хойш түүнд итгэхээ байгаад түүнд ерөөсөө сэтгэлээсээ хандаж чадахаа больчихож. Гэхдээ түүний хайр надад мэдрэгддэг гэхдээ зүгээр дасал ч юм болов уу гэж бодогдохын. Энэ гэр бүл, энэ харилцаа, намайг хуурч эхэлж байгаа энэ бүхнийг би яах вэ? Залуу хосуудад юу зөвлөх вэ? Яавал би үүнийг өөрчилж чадах вэ? Яаж түүний занг өөрчлөхгүй байх вэ?

cekc.mn дээр ирсэн захидал

Холбоотой нийтлэл:

Миний асуух асуулт бол эрчүүдээс…

gambush Dr — Mon, 28 Jun 2010 00:01:37 +0000

Сайн байцгаана уу? Би энэ сайтыг байнга уншдаг. Та бүхнээс нэгэн асуух зүйл байнаа. Ялангуяа эрчүүдээс шүү. Би нөхөртэй хүүхэдтэй, бас одоо удахгүй төрнө. Саяхан бид 2 хүүгийнхээ хамтаар нөхрийнхөө ажлын газрынхантай хамт амралтанд явсан юм л даа. Тэгтэл нөхөр маань надад ямар ч анхаарал халамж тавихгүй зөвхөн ажлынхантайгаа л хамт тоглож өнжлөө. Тэгээд шөнө болоход ерөөсөө ч орж ирдэггүй, би хойноос нь явж байж өрөөнд оруулж ирсэн юм. Гэтэл намайг унтаж байхад өрөөнөөсөө гарч яваад орж ирдэггүй. Би хайж байж олсон. Хамгийн сонин нь өөр өрөөнд 2 хүүхэнтэй хамт нэг хөнжилд унтаж байсан. Би ч уур хүрээд хөнжлийг нь татаж үзтэл бүгдээрээ түрсиктэй байсан л даа. Манай нөхөр болохоор би жорлон орчихоод буцаад өрөөндөө орлоо гэж бодсын. Би юу ч санахгүй байна. Гэхдээ энэ эмэгтэйчүүдтэй юу ч болоогүй гээд байгаа юм. Чи юу ч санахгүй байгаа юм бол яаж юу ч болоогүйгээ мэдэж байгаан гэхээр эрэгтэй хүн тийм зүйл хийхдээ заавал сэрдэг гээд байгаа юм.

Миний асуух асуулт бол эрчүүдээс :

1. Нойрмог жаахан халамцуу үедээ үнэхээр өрөө андуурч өөр хүүхнүүдтэй унтах тохиолдол байх уу? Тэр өрөө нь бүүр өөр давхарт.

2. Юу ч санахгүй байгаа хүн хүүхнүүдтэй юу ч болоогүй гэдгээ баталж чадна гэж уу?

Та бүхэн миний асуултанд чин сэтгэлээсээ үнэнгээсээ хариулт өгч туслаарай. Би ч дотроо их шаналж л байна. Салдаг ч юмуу гэж бас бодох л юм. Гэхдээ үнэхээр нойрондоо өрөө андуурсан бол сална гэхэд арай л хатуудах юм шиг. Тэгээд энэ тухай сайн лавлаж асуух гэхээр дахиад энэ тухай битгий надад сануулаад бай, би ямарч буруу зүйл хийгээгүй гээд уурлаад байх юм. Би бүүр гайхаад байна л даа.

cekc.mn дээр ирсэн захидал

Холбоотой нийтлэл:

Би бүр яг галзуурах нь ээ

gambush Dr — Sat, 19 Jun 2010 19:11:47 +0000

Сайн байцгаана уу. Би та бүхэнд өөрт болоод байгаа зүйлийн талаар бичих гэсэн юм. Би 30 настай эмэгтэй 1 охинтой, би гадаадад сурдаг юм. Ноднин жилээс хойш би нэг залуутай найзалж эхлээд одоо суух дээрээ тулаад байгаа юм. Тэр найз залуу маань бас нэг хүүтэй, гэхдээ хүү нь хуучин эхнэр дээр нь байдаг. Найз залуу маань намайг үргэлж харддагийн дээр тэр чамайг тэгэж байналээ, энэ чиний талаар тэгэж ярьж байналээ. Чиний талаар хүмүүс дандаа л муу амтай байх юм гээд намайг үргэлж тэгэх юм надад их хэцүү байна аа. Үнэнийг хэлэхэд өөртөө болоод байгаа зүйлсийн талаар хэлж яриад хүмүүст нүдний булайгаа чирээд яахав гэж бодоод үргэлж л уйлж суух юм. Хааяа хүүхдээ хуучин эхнэрийхээ гэрээс авчраад хамтдаа хонож өнждөг, тэгэхдээ хүүхдээ өөр дээрээ удаан байлгах дургүй. Би тэгэхэд нь маш их гайхдаг. Яагаад гэвэл өөрийхөө үр хүүхдийг хайрлахгүй байгаа хүн хүний хүүхдийг хайрлаж явж чадах болов уу, олон жил нөхөргүй явсан нь миний буруу юм шиг л байх юм. Би охиныхоо аавтай нь суугаагүй юм. Яагаад гэвэл тэр охиныгоо миний хүүхэд биш гэж хэлээд нэг ч удаа харж байгаагүй. Тэрнээс хойш бүхэл бүтэн 9 жил би нөхөргүй явсан. Одоо удахгүй миний араас ирж надтай хамт сурна гээд байгаа би ямар шийд гаргасан нь дээр вэ надад туслаач. Би бүр яг галзуурах нь ээ. Энэ дэлхийн бүх хүн намайг үзэн яддаг болчихсон юм шиг л надад ойлголт түрүүлээд байх юм. Үгний далимаар намайг хэд хэдэн удаа ийм байдалд оруулдаг юм. Та бүхнийг надад туслана гэдэгт найдаж байна

секс.мн дээр ирсэн захидал

Холбоотой нийтлэл:

Тэр миний үгийг сонсох болов уу?

gambush Dr — Wed, 16 Jun 2010 19:26:35 +0000

Би тэрэнтэй танилцаад жил болж байна. Анх танилцахдаа хуучин залуугаасаа салаад удаагүй байсан юм тэрнээс болсон юмуу одоо намайг байнга хардаж зовоох юм хардаад байхаар нь найз нартайгаа ч уулзхаа больсон, бүр сүүлдээ найз охидуудтайгаа утсаар ярихад хүртэл уурлаад байхын надад тэрнээс өөр хүн байхгүй зөвхөн өөрийгөө гээд яваад байхад хардаад байна. Ямарч асуудалгүй мөртлөөл утас дуугархад хүртэл айдаг боллоо. Нэг удаа гар хүрч байсан тэр үедээ би салаад явчихсан хэд хоногийн дараа уучлалт гуйгаад байхаар нь өрөвдөөд буцаад нийлсэн. Одоо би найз нөхдөөсөө холдоод ганцаарлагдмал хүн болчихлоо найзуудтайгаа уулзана гэхээр уурлаад та нар нийлж юу хийхгээд байгаан гээд уурлаад байхын. Би уул нь өөрөөс нь гадна янз бүрийн хүнтэй явдгүй үнэнч байх тусам хардаад байхын. Одоо 2-лаа хамт амьдрая гээд байх боллоо хамт амьдарвал яах бол. Ахиж намайг хардаж зовоох болов уу би уул нь намайг битгий хардаж бай гэж зөндөө хэлдэг битгий муухай зан гаргаж бай гэж зөндөө хэлдэг тэр миний үгийг сонсох боловуу. Хамт амьдарвал алдаа хийсэндээ харамсах болов уу зөвлөгөө өгч туслаач…

cekc.mn дээр ирсэн захидал

Холбоотой нийтлэл: