Найз охид маань ихэнхи нь хүнтэй суучихсан. Хүнтэй суухаараа найз охидтойгоо уулзах завгүй болчихдог юм. Саяхан 3 жил уулзаагүй найзтайгаа арайхийж нэг уулзсан. Бид хоёр салдаггүй сайн найзууд байсан, гэхдээ элдэв буруу юманд оролцож байгаагүй зөвхөн өдөр бүр бие биендээ тусалж хичээлдээ ханиндаа явдаг хаа ч цуг хэлхэлддэг найзууд байлаа. Тэгсэн одоо хэдэн жилийн дараа ганц уулзаж хуучнаа ярьж дурсаж шөний клубт орж нэг үдшийг сайхан өнгөрөөтөл нөхөр нь хардсан янзтай. Би найз охиноо яав л гэж дээ. Эмэгтэй хүн нөхөрт гарахаараа эмэгтэй найзуудтайгаа ч уулзах эрхгүй болдог юм шиг байх юм. Тайван тухтайхан ганц өдөр хэдэн үг сольчихож чадахгүй бүлтэлзээд байгаа найз охиноо хараад их өрөвдлөө. Би хүнтэй суувал ийм байдлаар амьдрана гэж төсөөлж чадахгүй байна. Эрчүүд бүгд ийм хартай байдаг юм уу эсвэл зөвхөн Монгол эрчүүд үү?

Сайн байцгаана уу би одоо 25 настай эхнэртэй хүүхэдтэй. Солонгост ирж ажиллаад 3 жил болж байна. Зун буцдаг юмуу гэж бодож байна. Өнгөрсөн 3 жилийн хугацаанд нэгч удаа монгол буцаагүй л дээ. Миний гол асуух гээд байгаа юм нь би эхнэртэй намайг хуурахгүй байгаа гэдэгт сайн итгэхкү байна. Хүнтэй унтсан унтаагүй гэдгийн яаж мэдэх үү? Ямар нэг мэдэх арга бий юу? Нөгөө юм нь бариу болсон байх гэж боджийно эсвэл үгүй юм болов уу надад туслаач?

Хардалт бол хамгийн хүчтэй сүйтгэлтэй эрүүл биш сэтгэлийн хөдөлгөөн юм. Ихэнх хүмүүс хардалтыг хэн нэгийгээ хайрлах хайр дурлалын хэмжүүр мэт үздэг. Нөгөөтэйгүүр хардахгүй байх нь халамж анхааралгүй мэт ойлгогдог бөгөөд өөртөө итгэлгүй байгаа зарим хүн ханийн хайрыг сорьж үзэхийн тулд хардуулах гэж янз бүрээр оролддог аж.

Хардалт дурлалын илэрхийлэл биш 

Харин ч хайр дурлалыг алдахаас айсан түгшүүр мөн. Ухаалаг биш байнгын хардалт нь таны ханьдаа итгэхгүй байгааг илэрхийлэхээсээ илүү өөртөө итгэдэггүйг харуулж буй хэрэг. Тодруулбал өөрсдийн нандин холбоондоо итгэдэггүй гэсэн үг. Харддаг хүмүүс ханийхаа ямар ч тайлбарт итгэдэггүй. Тийм болохоор “Түүнд өөр хүн бий” гэдэг улигт үзэн ядах бодлоос салж чаддаггүй.

Хардалт хэзээ утга учиртай байдаг вэ? 

Хардалт таны хамгийн үнэт, эгэл биш зүйлээ алдахаас айсан аймшиг юм.

Та бүхэнд толилуулж буй доорх тэмдэглэл таны болон ханийн тань одоогийн хардалт зөв эсэхийг ойлгох, таны ой ухаанаас энэхүү таагүй үйлдлийг үлдэн хөөхөд тус болох болов уу?

• Мэдээж таны ханийн ааш зан сүүлийн үед нэг л сэжигтэй өөрчлөгдвөл танд хардах сэтгэл төрнө. Ялангуяа амьдрал нь төвхнөсөн эмэгтэйн заншил, ааш араншин санаандгүй, мэдэгдэхүйц, ойлгомжгүйгээр өөрчлөгдвөл сэжиг төрөх нь зүйн хэрэг билээ. Батлагдсан батлагдаагүй баримт цуглахын хэрээр сэжиг улам лавшрах нь мэдээж. Ийм үед ханьдаа урьдчилан сануулж, сэтгэл тавгүй байгаагаа өөрөөр хэлбэл хардаж байна гэдгээ сануулахыг хэн ч үгүйсгэхгүй.
• Хайртай эмэгтэй тань дэргэд чинь хэн нэгтэй илт аальгүйтвэл танд эвгүй бөгөөд хардах сэтгэл төрөх биз. Та түүнд энэ нь тэнэг хэрэг гэдгийг хэлэх бүрэн эрхтэй. Уг нь найз эмэгтэй тань ингэснээр таныг гомдооно гэж санаанд ороогүй ч байж мэднэ. Эсвэл таны хайр дурлалыг шалгах буюу танд гомдсоноо илэрхийлэхийн тулд өдөөн хатгаж байж болох юм. Ямар ч шалтгаан байсан ийм үед бодол сэтгэлээ ил хэлэх нь танд ашигтай.
• Хэрэв өөрийгөө сул дорой, донгио, араараа тавиулсан гэж бодож харддаг бол ямар ч утгагүй юм. Бүсгүй танаас хол өнгөрөөсөн хугацаандаа юу хийж байсан тухай байнга асууж шалгаан хашраах, “Надаас гадна нэг хүн бий” гэсэн сэжиг дээр үндэслэсэн хардлага бол эцсийн эцэстээ зэвүүцэл төрүүлдэг. Хэрэв таныг хуурч болох ултай үндэслэл үгүй бол түүний үнэнчийг үгүйсгэх баталгаа олно гэж цүнх, хувцсыг нэгжих нь ухаалаг хэрэг биш юм.
• Хэрэв та өнгөрсөн юмыг байнга сөхөж харддаг бол маш ухаангүй хэрэг. Тантай ойртож танилцахаас өмнө мэддэг, таньдаг, хайрладаг байсан хүмүүстэй бүү хард. Одоо тантай хамт байгаа нь түүний хайр дурлалын хангалттай баталгаа билээ. Хэрэв та өнгөрсөнтэй нь харддаг бол үүнийгээ дотроо хадгалж яваарай!
• Та хэзээ ч хардсанаа илэрхийлдэггүй бол мэдээж ухаалаг хүн бололтой. Гэвч таныг гомдоох юмуу та хоёрын холбоонд цав суулгаж болохоор зүйл үйлдвэл дуугүй байгаад байсны хэрэггүй. Энэ тухай ханьтайгаа нухацтай ярилцах л хэрэгтэй.
• Хэрэв танд хардах сэтгэл огт төрдөггүй бол та өөртөө их итгэдэг бөгөөд өөрсдийн харилцаанд маш итгэлтэй байх нь ээ. Эсвэл та найзаа алдахаас ч айдаггүй, түүндээ төдий л анхаарал халамж тавьдаггүй бололтой.

/Хань/

Энэ тухайгаа бичих зөв ч юмуу буруу юмуу бүү мэд. Эхнэр бид 2 амьдраад 10-аад  жилийг ардаа орхижээ. Нэг хүүхэдтэй. Эхнэртэйгээ анх танилцаад найзалж байхдаа харгүй үнэхээр сайхан байлаа. Жил ирэх тусам л хардах нь ихсээд намайг байж суулгах газаргүй болчих юм. Эхнэрийнхээ хардалтаас болод хүнтэй чөлөөтэй ярьж уулзаж чадахгүй болчих юм. Уул нь эхнэртэйгээ учирсанаас хойш хуурч мэхлэж амьдраагүй л юмсан. Зөвхөн амьдралаа өөд татах гээд хамаг  зүйлээ ажил гэрийнхээ хаяж байгаа юмсан. Гэтэл сүүлийн үед бүр хэрээс хэтрээд байх юм. Утас байнга шалгаатай. Хэн нэгэн залгасан бол надаас хэн залгасан талаар байнга тайлбар авч байж санаа нь амардаг бас юуны талаар ярьсан энэ тэр гээд үнэхээр лайтай байна. Ажлынтайгаа жаахан сууж пиво уух гэхлээр залгаад мсж бичээд салахгүй.

Одоо бүр миний ажлынхны утсыг олоод авчихсан бас эхнэрүүдийнх утсыг олоод авчихсан 5 минут амгалан суулгахаа болилоо. Өөрөө ажлынхтайгаа суухаараа хэдэн цагаар алга болчихдог надаа ийшээ тийшээ явлаа хэлдэггүй хэдэн цагт ирэхээ ч хэлдэггүй. Тэгсэн хэрнээ намайг хардаад байх юм. Авчирч ирсэн цалин юунд зарцуулсан нь мэдэхгүй алга болчих нь тэгсэн хэрнээ өөрөө миний халаасанд байгаа ганц 2-хон мянган төгрөгийг юунд зарцуулсан талаар тайлбарч авч байж тайвширдаг. Үнэхээр хэцүү байна. Би яах ёстой бэ? Салчихмаар л байна хүүхдээ бодоод салчихаж чадахгүй юм. Түр хугацаагаар бүр хол явах хэрэгтэй юм болуу?

Би нэг талаар хүмүүсээс зөвлөгөө авах гэсиймаа. Бид 2 нэг хүүтэй хүү маань цэцэрлэгт явдаг гэртэй нэг оюутан асрагчтай маа цэцрэлэгт нь хүргэж өгч авдаг юм. Би гадаад руу сургуульд явая гэтэл ирэхэд чинь асрагчтай сууман байж байх вий дээ гэдэг юм байна нөхөр. Энэ нь надад жоохон тиймэрхүү санагдаад нөхрийнхөө утсыг шалгатал тэрэнтэй 6 минут гаран ярьсан өөр ч бас нилээд ярьсан байна л даа уг нь надаар бүх юм дамжигдаж байх ёстой байдаг. Энэ одоо юу гэсэн үг үү…

Сайн байна уу? Энэ сайтын уншигчиддаа энэ өдрийн мэнд дэвшүүлье! Би та нараас одоо өөрт тохиолдоод байгаа нэг зүйлийн талаар асуух гэсэн юм. Би одоо 30 хүрч яваа эмэгтэй манай нөхөр одоо 25-тай. Бид 2 танилцаад жил хагас болж байна. Би саяхан маамуулсан. Манай нөхөр уул нь даруухан архи дарс хэрэглэдэггүй гадуур дотуур тэнээд байдаггүй хүн. Би нөхөртөө хайртай их ч итгэдэг элдэв хүүхэн сонирхож барьдаггүй байх гэж боддог байсан. Гэтэл хэд хоногийн өмнө мессенжерийхнь архивыг санаандгүй үзэж байгаад 4,5 хүүхэнтэй бичсэн бичлэгийг нь уншаад шал өөр хүн олж харах шиг болсон. Манай нөхөр мөн үү гэж гайхсан. Надтай танилцсанаас хойш намайг жирэмсэн байх хугацаанд нь тэр хүүхнүүдийнхээ 3-тай нь  камераа өгдөө чамайг хармаар байна цээжээ харуулаач ямар хөөрхөн болоо вэ чи үнэхээр тачаангүй харагдаж байна найз залуутай болсон уу эр хүнгүй ингэж удаж яаж болох вэ чамтай хэт дотно танилцмаар байна залуухан охин тусмаа амттай л гэнэ өөр юу юу ч гэнэв дээ бараг л мессенжерээр  сексдэхээ шахсан бичлэгүүд байсан. Би уур хүрээд тогтож уншиж ч чадаагүй. Харин 2-той нь болохоор иймэрхүү шалиг үгтэй юм бичээгүй ч надаас өмнө үерхдэг байсан хүүхнүүд нь бололтой байсан.

Хамгийн инээдтэй нь бүгдэд нь би ганц бие хүнтэй суугаагүй уулздаг ч хүн байхгүй гэж бичсэн байгаа юм даа. Өөрөө болохоор үүнийгээ уулзаж учраагүй ээ наад хүүхнүүдтэй чинь зүгээр л уйдаад тоглоом маягийн зүйл хийсэн эрэгтэй хүн болгон л ийм байдаг энэнд буруу юу байгаа юм гэсэн юм яриад байдаг л зүйл гэсэн аятай инээгээд суугаад байх юм. Жирэмсэний 8 сар хүртэл бид хоёр хамтдаа амьдардаггүй гэр гэртэй байдаг байсан. Би бол нөхрийндөө тэр болтол очиж байгаагүй гэр лүү нь залгаж ч үзээгүй. Харин манайд долоо хоногтоо 2-3 л ирдэг байсан болохоор намайг хуурч өөр хүнтэй уулзаж байгаагүй гэдэгт нь би итгэхгүй байна. Гэхдээ надад ямар нэгэн өөр хүнтэй уулздаг гэсэн юм мэдэгдэж байгаагүй л дээ. Эхнэртэй хүн иймэрхүү юм бичээд сууж байх нь хэвийн зүйл мөн үү?

Би одоо 30 настай. Би жилийн өмнө гадаадаас ирээд 1 бүсгүйтэй танилцаж нилээн дотно болсон. Эхэндээ уулзаад учраад явахад бүх юм зүгээр сайхан байсан. Сексийн тал дээр ч гэсэн гайхалтай байдаг. Гэтэл сүүлийн үед тэр надаас гэрлэх, хүүхдийн талаар яриж эхлэхэд миний санаа зовж байна. Учир нь тэр секс дээр илүү санаачлагатай (туршлагатай) байдаг. Энэ их туршлагийг олж авахад нилээн хүнтэй дотно харицаанд орсон байх. Гэтэл би олон эртэй холбооотой байсан хүнээс өөрийнхөө хүүхдийг гаргуулж ханилна гэдэг миний сэтгэл зүйд хүндээр тусч байна. Яах вэ?

Бүгдэнд нь миний бичлэгийг унших өдөрийн мэнд хүргэе. Намайг Т гэдэг одоо 23тай. Би гэдэг хүн өөрөөсөө 3 дүү хүнд хайртай болоод /тэр маань ч гэсэн надад хайртай/ бид 2 хүүхэдтэй болж 2-уулаа гаргана гэж шиидсэн. Одоо би бараг өнөө маргаашгүй төрөх болчоод байна. Амьдрал яагаад жоохон хатуу байгаа вэ гэхээр тэр маань жоохон болохоор санхүүгийн асуудал дээр би жирэмсэн учраас хүндрэл гардаг. Би угаасаа хүнд муугаа харуулах хүнээс гуйх дургүй учраас энэ байдал надад таалагдадгүй ч олж болохоос хойш удахгүй энэ асуудал алга болно гэж бодоод тийм хэцүү байна гэж бододгүй. Гэтэл өчигдөр манай хүний ажлын газрын шинэ жил болоод тэрэндээ явахад нь би хориогүйээ өөр юмнаас болж өглөө нь жоохон маргалдсан. Тэгээд орой болоход тэрнийгээ нээх удахгүй оройтохгүй бид 2-оо санаад эрт хүрээд ирэх байх гэж горьдоод орой 10-аас шөнө 2 хүртэл хүлээсэн боловч нэг ч мэссэж байхгүй нэг ч залгаагүй. Эцэст нь хайр нь нөгөө гэрлүү явлаа үнэртүүлсэн болохоор очиж чадахгүйнээ гэсэн мэссэж явуулсан /бид 2 манай гэрт манайхантай амьдардаг/. Гомдож уур хүрсэн ч тэгээд хэдэн гомдлын мэссэж бичээл орхисон.  

Гэтэл өглөө ээжээс нь гэртээ хоноогүй гэдэгийг нь мэдээд бас найзуудтайгаа хамт явсаныг мэдсэн. Тэгээд найзуудлуу нь залгасан чинь утасаа авахгүй хаана байгаа нь мэдэгдэхгүй таг байдымдаа бүгдээрээ. Энэ надад үнэхээр хэцүү санагдсан хаана хэнтэй байгаа бол гэж бодогдоод манай хүн урьд нь ингэж байгаагүй ч найз нар нь 1 шөнийг зүгээр өнгөрөөх хүмүүс биш болохоор болохгүй юм болгон толгойд минь бодогдож байна. Хүүхдийн минь аав зүгээр л уугаад 1нийдээ очиж хоносон гэж хэлсэн боловч би энэнд нь итгэж чадахгүйнээ. Яавал дээр вэ дахиал намайг хуурна гэж бодохоор эртхэн салаад сэтгэл амар байя гэж бодогдсонч гэрийнхэн хамаатан саднаасаа санаа зовж байна. Хүнд хууртагдаж араараа тавиулсан гэж бодоод суух ямар хэцүү юм бэ. Яах вэ тэр найзууд нь амьдралтай нэгнийгээ бодож болдоггүй байсын байхдаа.

Би одоо 31 тэй залуу. 3 жилийн өмнө би эхнэртэйгээ муудалцаад 1 жил түр салсан гэхүүдээ. Тэгэхэд манай охин 3 настай байлаа. Тэр хугацаанд би эхнэртээ муу үзүүлэхгүй гээд нэг бүсгүйтэй суух дээрээ хүрэв ээ. Гэвч эхнэр, охин 2 минь нүдэнд харагдаад би суух гэж байгаа бүсгүйд хайргүй, зөвхөн хүний нүдэнд л хүнд гологдохгүй гэдгээ харуулах гэж яваагаа мэдсэн. Бид 2 албан ёсоор салаагүй байсан юм л даа. Тэгээд би 1 өдөр хуучин эхнэртээ уулзах санал тавихад тэр зөвшөөрсөн юм. Бид 2 нэг кафед уулзаж зөндөө ярьж суулаа. Би өөр хүнтэй болсон суух гэж байгаа гээд л. Манай хуучин эхнэр ч бас нэг залуутай болсон. Тэр нь бас эхнэрээсээ салсан гэж байнаа.  Тэр үед л би охиноо ингээд өөр хойд эцгийн гар үзүүлдэг юм байж гэж бодоод дотор харанхуйлаад явчихлаа. Би бас уугаад нэлээн согтлоо. Би охин та 2 тоо одоогоороо хайртай энэ хүүхэнтэй зүгээр л нэг чамд муугаа үзүүлэхгүй гэсэндээ тэнэгтээд явж байна. Энэ хүүхнийг ч өрөвдөж байна. Нэг мөсөн бүх явдлыг дуусгая хоёулаа буцаад 2 талдаа үнэнгээ хэлээд нийлье гэж хэллээ. Тэгээд бид 2 тэр шөнө буудалд хоносон юм. Маргааш нь босоод 2 уулаа хоолонд ороод сууж байтал эхнэрийн найз залуу нь утасдаад бид 2-ын байгаа газар ирэв. Эхнэр надад танилцуулах зорилготой байв. Би ч танилцлаа. Миний хажууд нялуураад л. Байж суух арга алга…

Би миний хүүхдийг сайн хүн болгоорой, болохгүй бол би авна шүү гэж хэлчихээд яваад өгөв. Түүнээс хойш манай эхнэр байнга утсаар яриад би тэр хүнд хайргүй 2-уулаа бага алдсан дээрээ амьдралаа бодъё гээд би ч дуртайяа зөвшөөрөөд хамт амьдарлаа. Одоо бид 2 ахиад бүл нэмээд сайхан л амьдарч байна. Гэхдээ одоо эхнэрийгээ оройтоод найз нөхөдтэйгөө уулзаад ирэхээр өөрийн эрхгүй хардаад чи тэр нэг юмтайгаа буудалд байгаад ирэв үү? Чи нэгэнтэй нь буудалд хоноод нөгөөтэй нь маргааш нь уулздаг биз дээ гээд хэрүүл тасархаа байлаа. Миний хувьд нөгөө хүүхэндээ үнэн байдлаа хэлээд уучлалт гуйгаад салсанаас хойш 1 ч хүүхэнтэй холбогдсонгүй. Би яах вэ?

Сайн уу? намайг А гэдэг одоо 22 настай эрэгтэй. Би өөрийнхөө амьдралд тулгарсан нэг бэрхшээлийг шийдвэрлэх гэсий. Зарим хүний зовлон бэрхшээлийн дэргэд энэ асуудал юу ч биш байх болов ч миний хувьд бие даан шийдвэрлэхэд тийм ч хялбар бус санагдах юм.  За юу ч гэсэн эхлээд миний хэлэхийг сонсоорой.

Бараг жил хагасын өмнө би санаандгүй учирлаар найз охинтойгоо танилцсан юм. Тухайн үед бараг л бүх зүйл миний бодсоноор болж байсан болохоор их аз жаргалтай мөн өөрийгөө хамгийн их азтай хүн гэж бодож байлаа. Болзоо, үерхэл, хайр гээд л яг л болдог зүйлс бүгд. Харин үерхэж эхэлснээс хойш 6 сарын дараа анх секс хийсэн юм. Тэр маань оюутан. Би ноднин сургуулиа төгссөн. Одоо цуг байдаг би биендээ хязгааргүй хайртай. За нэг иймэрхүү байлаа. Тэрний тухай бүх үнэнг мэдэх хүртэл

Сая зун би ажил хийхээр хэдэн сараар хөдөө явчаад ирсэн юм. Тэр ч яахав хичээл нь амраад л гэрлүүгээ аав ээждээрээ очихоор харьсан юм. 9 сар гараад л бид 2 өмнөх шигээ цуг байх болсон би биенээ санасан гэж жигтэйхэн их. Тэгж байтал нэг мэдэхэд 12 сар болсон шинэ шилийн уур амьсгал ороод л гадаа хүйтрээд л…

Нэг орой найз охин маань усанд орж байх хоогуур утсанд нь мессеж ирсэн юм. Би ч нээх зүйл бодоогүй болохоор утсыг аваад нээж үзлээ. Бид 2 биенээсээ юм нуудаггүй юм. Тэглээ ч өмнө нь бид 2 дугаараа сольж барьдаг байсан юм. Харин тэр мсж танихгүй дугаар бөгөөд: hi oroi zawtai yu uulzii гэсэн байв. Би ч шууд л шоконд оров. Тэгээд хэсэг эргэлзэж байгаад гараад явчихлаа. Гадуур баахан бодол болон алхаж байгаад ингэж бодов: Юу ч гэсэн эхлээд найз охиноосоо асууя гээд…

Тэгээд гэртээ эргэж иртэл намайг хүлээгээд байж байв. Бодуул өөрөө мсж ээ уншаа байлгүй. Тэгээд надруу харж байгаад намайг уучлаарай гэж хэлээд уйлж эхлэв. Тэр маань шөнөжингөө уйлж, би чимээгүй л харж суув. Тэгээд тэр надад 2-лаа салсан нь дээр байх гэв. Би ч учрыг нь гадарлаж эхлэх шиг боллоо. Гэхдээ өөрөөс нь сонсох хавьгүй илүү байх гэж бодоод асуусан юм. Найз охин маань хэлэхдээ бараг л надтай танилцахаасаа өмнө л олон эрчүүдтэй уулзаж учирдаг байснаа хэлсэн л дээ гэхдээ тэр надаа тийм ч чухал бус надад хамаагүй гэдгийг би ч бас хэлсэн. Надтай хамт байдаг болсноос хойш намайг хуурсан уу гэтэл тийм гэв. Хэдэн удаа гэтэл нилээд хэдэн удаа ба нэг хүнтэй бус хэд хэдэн хүнтэй ээлжиж унтсан нтр гэтэл би яг зүрх зогсох шиг болчив. Шууд л алаад хаямаар санагдавч арай яадан тэсэв.

Бурхан минь өөрийнхөө бүх зүйлээс ч илүү их харамлаж хайрлаж явсан энхрийхэн охин минь ингэж зүрхний минь халуун галруу цэв хүйтэн ус цацан ч гэж бодсончгүй, зүүдэлсэнчгүй явлаа. Арайчдээ би юу г буруу хийсэн юм бол, юун дээр алдаа гаргаснаа мэдэхгүй юм. Хүн гэдэг ямар байх ёстой юм бол. Тэгээд тэр өглөө би шууд л хөдөө явсан. Тэгээд найз охиноосоо салаад 7 хонож байлаа. Их л санаад байсан болохоор хотод орж ирэнгүүт л ангийхан охиноос ямар байгааг нь мэдэх гээд асуутал хичээлдээ ирээгүй 7 хоног болсон гэв. Шууд л гэрлүүгээ очив. Гэрт байсангүй, утасруу нь залгатал хамаатныхан эгч нь аваад гэмтлийн эмнэлэгт байгаа гэлээ. Хамаг байдгаараа эмнэлэгрүү яаран очтол ашгүй ухаан орсон гайгүй байгаа гэв. Орж уузангуутлаа л тэврээд авч үнссэн юм. Тэнэг охин чинь надад жирэмсэн гэдгээ хэлэлгүй нууж байсан юм байна лээ. Миний төрсөн өдрөөр гэнэтийн бэлэг барих гэж байсан гэсэн. Намайг явангуут л амиа хорлох гэж оролдсон юм байна лээ аз болж хамаатныхан эгч нь хөдөөнөөс ирж таарсан гэсэн.

Гэхдээ одоо бүүр их эргэлзээ гарч ирсэн л надад шийдэж чадахгүй асуудал болоод байгаа юм.
Энэ яг миний хүүхэд мөн болов уу? Өөрөөс нь асууж зүрхлэхгүй юм.
Миний хүүхэд гэж бодоод гаргуул яах бол? Тэгсэн биш байвал яах вэ? Би юунд найдаж итгэх вэ?
Эсхүл энэ хүүхдийг авхуулуулаад салсан нь дээр уу?
Энэ бүх бодол өдөр шөнөгүй л толгойд эргэлдэх юм. 1 бус удаа хуурсан дахиад хуурахгүй гэх баталгаа байгаа юу? Надад туслаа ч зөв шийдвэр яаж гаргах вэ?