1. Би өөрөө түүн рүү залгаад уулзмаар байгаагаа, санаад байгаагаа хэлбэл буруу зүйл болох уу, магадгүй тэгээд хэлчихвэл надаас холдчих болуу, зарим гаргаж байгаа үйлдэл нь намайг зүгээр л ганц нэг удаагийн sex хийх хүүхэн гэж арай бодохгүй байгаа юм шиг санагдаад байдын. Бас эрчүүд иймэрхүү харилцаанд хүүхнүүдийг ямархуу зан ааш, хандлага гаргаасай гэж хүсдэг бол.

2. Бас яаж би тэр залууг өөртөө дурлуулах вэ. /Тэр залуу маань ерөнхийдөө их ихэмсэг, хүүхнүүдтэй нэг их яриа өдөөд марзагнаад бйдаггүй, цэвэрч хямбай, үнэхээр гоё залуу бас охины ордных/

3. Бас яаж яаж яаж би түүнтэй уулзах вэ. Өөрөө залгаад хэлчихүү /өөрийгөө эвдэхүүү/ эсвэл ямар нэгэн арга хэрэглэх үү. Хэрэв ямар нэг зальтай арга мэх байдаг бол хэлж туслаач…

4. Эрэгтэй хүн унтсан хүүхэн бүр лүүгээ таалагдлаа чи үнэхээр гоё байсан гэж мессеж бичдэг үү. Надад зөвлөгөө өгөөрэй…

Та бүхнэс туслалцаа хүссэндээ энэхүүү захиаг бичиж байна. Би 29 настай, эмч мэргэжилтэй, урьд нь хүнтэй сууж байгаагүй, хүүүхэдгүй эмэгтэй. Сургуулиа төгссөнөөс хойш, гадаад руу сургуульд яваад, ирж очисоор байтал 5, 6 жил болжээ. Энэ хугацаанд найз залуутай байсан, гэхдээ яг нөхөр болох хэмжээний байгаагүй (тэр хүнтэй насан туршдаа байна гэсэн итгэл үнэмшил байгаагүй, хуурсан) болохоор 2 тийш болцгоосон. Сүүлийн найз залуугаасаа салаад 1 жил болж байна, энэхүү хугацаанд харилцаанд орсонгүй.

Одоо гол асуултандаа ороё.

1. Би эмнэлэгийн байгууллагад ажилладаг болохоор дан эмэгтэйчүүдтэй л ажилладаг
2. Ажил, гэрийн хооронд машинтай болохоор хүнтэй танилцах боломж олддоггүй
3. Миний таньдаг ихэнх хүмүүс гадаадад сургууль төгссөн, хэт баруунжсан үзэлтэй хүмүүс байдаг л даа, тэд нарын хувьд чөлөөт харилцааг эрхэмлэдэг, 34, 35 хүртэлээ ганцаараа байж, кареер, залуу насаа сайхан өнгөрөөж, ( гадагшаа аялалд явах, бар шопинг хийх, хүссэн мэргэжилээрээ амжилттай ажиллах) тэгээд хэсэг хугацааны дараа гэр бүл болох хүсэлтэй хүмүүс байдаг, миний хувьд би тийм харилцааг дэмждэггүй.

Миний асуудал бол, би сүүлийн үед харилцаанд орохгүй болохоор бага зэрэг бухимдуу, арьс үсний өнгө хүртэл жавхаагүй болоод байх шиг санагдаад байнаа… залуучууд ч яахав, клаб, пабд ороод, таалагдсан охидуудтай танилцаад л нэг их асууудал биш бололтой, эмэгтэй хүмүүс яадаг юм болоо (би гэр бүлтэй эсвэл найз охинтой хүмүүстэй янз бүрийн харилцаа эхлэхийг ерөөсөө хүсдэггүй… Тиймэрхүү хүмүүстэй ямар нэг контакт анхнаасаа эхлэхгүй), синглчууд яаж энэ асуудлаа зохицуулдаг юм бол?

Таалагдсан эрэгтэй хүн дээрээ очоод, яриа өдөж танилцая гэвэл, намайг юу гэж бодох бол гэх мэтчилэн санаа зовоод байх юм, яаж ч бодсон монгол залуучууд дуртай байхгүй байх…

Бүсгүй та сүүлийн үед уулзаж учирч явсан харчуулаа эргээд нэг сайн бодоорой.

- Тэдний хувьд өөр хоорондоо төстэй юм юу байна?…
- Тэд таныг хоёрдугаарт тавьж байгаа юм шиг санагдаж байна уу?
- Эсвэл тэр ерөөсөө амьдрал огт мэдэхгүй байна уу?

Энэ мэт шинж тэмдгүүд болздог хархүүд чинь байгаа эсэхийг сайтар шинжээрэй.

Хүүхнүүд бид, хэн нэгэн үлгэрийн ханхүү ирээд бидний сэтгэл зүрхийг эзэмдээсэй гэж хүсдэг. Гэтэл хараад л ухаан алдтал дурлахаар тийм сайхан залуус тэр бүр сайн нөхөр, найдвартай үнэнч амраг байж чаддаггүйг амьдрал олонтаа нотолсон.

Тэд гол төлөв хөгжилтэй, нийтэч, сайхан залуус боловч сэтгэл санааг чинь үймүүлэхээс өөр юм бараг чаддаггүй.

Тэд хүүхнүүдийн толгойг эргүүлж, зүрх сэтгэлийг догдлуулж чадах боловч нэг хүнтэй удаан хугацаагаар харьцаа холбоотой байж чаддаггүй.

- Тэд өдөр тутмын гэр бүлийн амьдрал, уйтгар гуниг зэргээс зугтаадаг хүмүүс.
- Та ийм хүнийг яаж ч засаж авахад хэцүү. Цаг хугацаа өнгөрөхөөр тийм харчуулд таны чухам юу хэрэгтэй байсныг ойлгох болно.
- Анхаарал халамжтай, таныг хайрладаг хүн танд хэрэгтэй шүү дээ.

/Хань/

Сайн байна уу, бүгдэд энэ өдрийн мэнд хүргэе. Би нэг зүйлийн талаар уншигчдаасаа зөвлөгөө авахыг хүссэн юм. Миний хувьд одоо 30 гарсан ч хүнтэй сууж амжаагүй залуу байна л даа. Ажлын онцлог ч юм уу (голдуу эрчүүдтэй харьцдаг), нэг их гадуур гарч шоудаж наргиж цэнгээд байдаггүй дээ ч юм уу ер нь л бараг хүнтэй танилцах боломж гарахгүй юм. Гол нь амьдралд хөлөө олж биеэ дааж байтал болох байлгүйдээ гэж бодож явсаар нэг л мэдэхэд 30 гарчихдаг юм байна, 1 зорилго нь амжилттай байгаа ч нөгөөх нь огт байхгүй шүү. Хааяа нэг тохилдлоор бүсгүйчүүдтэй танилцах ч миний санаанд таардаггүй, би өөрөө цэвэрч, нямбай ер нь юугаараа ч хүнд гологдохооргүй гэж боддог тиймдээ магадгүй өндөр шаардлага тавиад байдаг юм болов уу сайн мэдэхгүй юм.

Би даруухан талдаа ч тийм бүрэг ичимхий хүн биш өөртөө итгэлтэй байдаг. Хамгийн гол асуудал нь олон хүмүүстэй харьцаж танилцахгүй байгаад гэж бодож  байна, энэ тал дээр зөвлөгөө өгч санал бодлоо хуваалцаач гэж та бүхнээс хүсэж байна.

Хүүхнүүдээс асууя? Би тайванд ирээд 6 жил болжийно. 29 настай. Нэг асуудал байна. Үс маань унаад халзараад байна энээс болж их стресс авдаг боллоо ядаж авгай аваагүй байдаг энэ жил монгол явна. Хүүхэнтэй танилцахаас санаа зовоод өөртөө итгэлгүй болчихлоо.

Та нарын нүдэнд халзан хүн тийм өрөвдөлтой харагддаг гэжүү…

Царай зүсгологдохгүй энэ тэр гэж олон долоон үг бичихийг алгасъя. Байдаг л нэг залуу байна. Ажлынхаа охиныг харж явдаг байсан, харсаар, хайрласаар дассаныг хэлэх үү. Гэхдээ энэ тухайгаа огт мэдэгдэлгүй энгийн танилууд явсаар бүтэн 2 жил өнгөрчээ. Саяхан хэлээд тавьчихсан. Тийм эсвэл үгүй гэдгээ хэлчих гэсэн. Түс тас л юм болсон байх. Нөгөөх маань ч хоёулаа танилууд хэвээрээ үлдэе л гэж байна. Тэгээд мартахаар шийдлээ. 2 сар хичээлээ. Мартаж чадсангүй ээ. Байнга тааралдах юм. Харсан ч хараагүй царайлах, ярихдаа зөвхөн ажил ярих үнэхээр хэцүү юм аа. Ямар сайндаа дөн өвлөөр амралтаа аваад гэртээ хэвтэж байхав дээ.

Сүүлийн үед эргэлзэх боллоо. Миний шуудхан мартана гэж дайрдаг зөв үү? Буруу юу? Магадгүй би дэндүү түс тас дайраад түргэдчихэв үү? Магадгүй дахиад нэг оролдоод үзэх хэрэгтэй юм болов уу? Магадгүй би хайртай гэдгээ мэдрүүлэхийн тулд өч төчнөөн араас нь гүйх хэрэгтэй байсан юм болов уу? Эсвэл тэр ерөөсөө намайг сонирхдоггүй, миний сэтгэлээ татдаг нь зөв ч юм болов уу? Ёстой чөтгөр бүү мэд болчихоод сууж байна.

•  Эмэгтэйчүүд өөрсдийгөө үргэлж хайртай хүнийхээ дараа хоёрдугаарт тавьдаг.
• Эмэгтэйчүүд эрчүүдийн сэтгэлийн сайныг нь олж харахаасаа илүүтэй гаднах үзэмж, бэл бэнчин, мэдлэг чадвар, бололцоонд нь дурладаг.
• Эмэгтэйчүүд өөрсдийнхөө давуу тал, мэдлэг чадвараа нуун дарагдуулдаг.
• Эмэгтэйчүүд өөрсдөө сайн дураараа эрэгтэй хүний захиргаанд ордог.
• Эмэгтэйчүүд яг л охид шиг аашилж, хүссэн юмаа эрчүүдээс авахыг оролддог.
• Эрэгтэй хүнд хандахдаа итгэл найдвар тавьж болохуйц, юм мэддэг хүнд хандаж байгаа юм шиг хандвал зохино.
• Чи тийм ийм юм хийх ёстой гэж сануулсны огт хэрэггүй. Өөрөө л шийдэг.
• Эр нөхрийнхөө өдөр тутмын амьдралд байнга оролцож зааж зөвлөх хэрэггүй.
• Таны байнгын оролцоо алга болонгуут эр нөхөр чинь яахаа мэдэхгүй будилна.
• Та эр нөхрөө хараад өрөвдөж болно, харин алхах гишгэх бүрт нь заах хэрэггүй.
• Эмэгтэйчүүд та нар өөрсдөө хайртай хүнээ уруу татдаг.
• Чин үнэнийг хэлэхэд бүх алдааны 50 хувьд нь хүүхнүүд буруутай байдаг.
• Эмэгтэйчүүд “халамжтай” эхнэр болох гээд өөрийн мэдэлгүй алдаа гаргадаг.
• Эр нөхрөө утга учиргүй хардах нь эмэгтэйчүүдийн гаргадаг хамгийн том алдаа.
• Эмэгтэй хүн хэн нэгэнтэй нууц амраг холбоо тогтоосон бол түүнийхээ төлөө гэр бүлээ золиосолж ч мэдэх шийдвэр гаргадаг. Энэ нь гашуун сургамж болж үлддэг.
• Эмэгтэйчүүд өөрөө өөрийгөө эрэгтэй хүний мэдэлд бүрэн шилжүүлчихдэг.

/Хань/

Ихэнх эмэгтэйчүүд хайртай хүндэлдэг эр нөхрөөсөө, эсвэл амрагаасаа зарим нэг зүйлийг асуухыг маш их хүсдэг ч болгоомжтой зангаасаа болоод асууж чаддаггүй гэнэ. Ингээд эрчүүдэд зориулсан дэлхийн N1 сэтгүүл гэгддэг “Mens Health” -т энэ талаар юу гэснийг сонирхуулъя.

Асуулт 1:

Бид хоёр анх учрах үед би охин биш байсан нь чиний санааг зовоодог уу?

Ерөөсөө ч үгүй гэвэл ямар ч мэдрэлгүй тэнэгээ харуулна. Үнэхээр их санаа зовдог гэвэл эмэгтэй хүнийг доромжилсон болно. Энэ сэдвийг огт хөндөхгүй бол хайрт чинь юу бодож байгаа бол гэсээр өвчин тусч магадгүй юм.

Хариулт: Бид хоёрыг анх учрахад чи тодорхой хэмжээгээр амьдрал үзсэн, эмэгтэй хүн болсон байсанд би баярладаг. Тийм ч болохоор намайг шохоорхсондоо биш, харин ухамсартайгаар сонгосон гэдэгт би итгэлтэй байдаг гэх мэтийн хариу хамгийн зөвд тооцогдох гэнэ.

Тодруулга: Энэ сэвдээр элдэв дэмий наргиа, зугаа хийх нь аминд халтай.

Асуулт 2:

Биеийн юм ирчихсэн байхад надаас эвгүй үнэр үнэртдэг үү?

Хариулт: “Ийм өдрүүдэд чамаас нэг л сэтгэл гижигдсэн үнэр үнэртдэг юм” гэх мэтийн хэт илэрхий зусарч биш ч сэтгэлд өөг үг хэлэхэд сэтгэл хангалуун үлддэг.

Тодруулга: Эмэгтэйчүүд ойрхон зайнаас биеийн юмны үнэрийг илүү үнэртдэг бөгөөд үүнийг таагүйд тооцдог. Харин биеийн юманд феромөн буюу эсрэг хүйсийн этгээдийн бэлгийн идэвхийг сайжруулдаг бодис агуулагдаж байдаг тул эр хүнд энэ үнэр зарим талаар таатай байдаг гэдгийг эрдэмтэд баталсан байна.

Асуулт 3:

Миний хөх дэндүү жижигхэн /хэр том, унжсан/ байна уу?

Орчин цагийн 100 эмэгтэй хүнээс 99 нь ямар нэгэн бодит шалгаангүйгээр өөрийнхөө биеийг голж, сэтгэл дундуур явдаг гэсэн тооцоо байдаг. Хэн нэгэн этгээд амаа хамхихын оронд олон юм ярьснаас болж хөх томруулах хагалгаа хийлгэдэг.

Хариулт: Эр хүн нэг сайхан нартай өдөр эхнэрийнхээ хөхөн дээр хагалгааны сорвитой байхыг хармааргүй байгаа бол багаар бодоход сард нэг удаа хэлж магтаж байх хэрэгтэй.

Асуулт 4:

Миний нөгөө газар хэтэрхий том юм шиг санагддаг уу?

Эмэгтэй хүний үтрээнд мэдрэлийн эс тун цөөн байдаг болохоор эр хүний эрхтэнг хэр барьж байгаа талаар бүрэн гүйцэт мэдэх боломжгүй байдаг. Дээр нь бэлгийн хавьталын үед ялгардаг шингэн нь дээрх мэдрэмжийг улам бууруулдаг болохоор эмэгтэй хүн нөгөө газраа том гэж боддог.

Хариулт: Эмэгтэй хүнд нөгөө газар нь үнэхээр бариу байгаа талаар үе үе хэлж магтах нь эр хүний үүрэг гэнэ. Тийм биш байлаа ч заавал магтаж байх хэрэгтэй. Хэрэв сул байвал “юу яах” үед чангалж, суллаж байдаг нь асар их таашаал өгдөг гэж хэлээд үтрээний булчинг бэхжүүлж чангаруулдаг дасгал хийлгэдэг болж болох юм. Ийм дасгалыг өдөрт 10-15 удаа хийгээд байхад хангалттай.

Тодруулга: Төрсөн эмэгтэйчүүдийн үтрээ сунаж томорсон байдаг, эсвэл олон хүнтэй унтсан эмэгтэйн үтрээ сунадаг гэх мэт ташаа ойлголт байдаг. Үтрээний хана хагарч гэмтээгүй л бол уян хатан булчин хуучин хэвэндээ эргэн орж, ямар нэг суналт энэ тэр үүсдэггүй.

Асуулт 5:

Чи БЗХӨ-өөр өвдөж байсан уу?

Бэлгэвч хэрэглэсэн ч БЗХӨ-өөс 100% хамгаалах боломжгүй. Зарим төрлийн өвчин огт эдгэдэггүй болохоор ийм асуулт тавих нь зүйн хэрэг.

Хариулт: Огт өвдөж байгаагүй бол тэр тухайгаа л хэл. Харин “фактлаж” байсан бол хэлэхгүй байсан нь дээр. Өвчин бүрэн эдгэрсэн бол шүү дээ. Эс тэгвээс ритенг навс унана. Ер нь бассейнд сэлэх гэтэл, эсвэл ажилд орох гэтэл шинжилгээ нэхээд гэсэн шалтгаанаар шинжилгээ хийлгэсэн бичгээ тод үзүүлсэн байхад гэмгүй дээ.

Асуулт 6:

Намайг худлаа дур тавьсан гэдгийг чи анзаарсан уу?

Эмэгтэйчүүдийн 7-9 % нь огт дур тавьдаггүй гэнэ. 15-20% нь л жинхэнэ утгаар нь таашаал авдаг гэнэ.

Хариулт: Хэрэв эр хүн эмэгтэй хүний худлаа дур тавьж байхыг мэдээд ганц удаа ч болов хэлсэн байхад цаашид өөртөө итгэлгүй болж, чамд таашаал өгч чадсангүй гэж өөрийгөө болон чамайг хардаж эхэлнэ.

Аливаа нэгэн баяр ёслолын үеэр хайртай, дотны хүнээ баярлуулна гэдэг сайхан зүйл байдаг. Гэхдээ хамгийн гол нь ямар бэлэг сонгохоо аль эсвэл цаад хүнийхээ чухам юунд дуртай болохыг нь сайн мэдэхгүйгээсээ болоод сонголтын тал дээр багагүй бодох хэрэгтэй болдог. Иймд залуу танд туслах үүднээс дараах зүйлсийг хайртай бүсгүйдээ бэлэг болгон өгөхийг санал болгож байна.

- Сарнай цэцэг бол ямар ч бүсгүй хүний сэтгэлийг хөндөж чаддаг. Гэхдээ болж өгвөл өөрийнх нь хамгийн дуртай цэцэг ямар цэцэг болохыг нь мэдээд бэлэглэх юм бол туйлын ихээр баярлах нь дамжиггүй юм.

- Дараа нь мэдээж хэрэг үнэртэй ус орно. Гоо сайхны бүтээгдэхүүн хэрэглэдэггүй бүсгүй хүн гэж үгүй билээ. Тэр дундаа үнэртэй усанд илүүтэй ач холбогдол өгдөг. Хэрэв та бүсгүйнхээ ямар үнэртэй усанд дуртай болон түрхдэгийг нь мэдэхгүй байгаа бол дотны найз нарынх нь хэн нэгнээс Тусламж хүсч болно шүү дээ.

- Цүнх нь эмэгтэй хүний хувьд байнга биедээ авч явдаг өдөр тутмын хэрэглээ нь болсон зүйл байдаг. Яг брэндийнх биш юмаа гэхэд өдөр тутам барьж болохоор цэвэр арьсан цүнх аль эсвэл гоёлын цүнх авч өгвөл илүү тохиромжтой байх болов уу.

- Ээмэг зүүлтний хослол. Гоёх дургүй эмэгтэй хүн гэж үгүй. Энэ бэлгийг авсан бүсгүй хүн ихэд баярлаж, нандигнан зүүж явах болно.

- Хүзүүний алчуур. Торгомсог зөөлөн материалтай, цэцгэн хээтэй байвал илүү чамин харагдуулдаг.

- Бас нэг зүйлийг зөвлөж хэлэхэд улаан дарс болон идэх дуртай амттанг нь заавал дагалдуулж өгч байгаарай. Нэн ялангуяа шоколадны цуглуулга нь хамгийн тохиромжтой амттан байдаг.

- Эцэст нь хэлэхэд сав баглаа боодол дээрээ ч гэсэн анхаарах хэрэгтэй. Хурц тод өнгийн хийгээд гялалзсан материалтай байвал бүсгүй хүнд илүү таатай мэдрэмжийг төрүүлдэг.

/Хань/

Энэ төрлийн зантай хүн ихэвчлэн бусдаас тусгаарлагдмал, ганцаардмал, өөртөө итгэлгүй байдаг. Уг зангаасаа болоод хэн нэгэн танихгүй хүнтэй нэн ялангуяа эсрэг хүйснийхээ хүнтэй чөлөөтэй харьцаж чаддаггүй. Мөн үргэлж биеэ барьсан, үйл хөдлөлөө хянасан, нууцлагдмал байдалтай бах нь олонтоо. Иймд энэ байдлаасаа салахын тулд юу хийх ёстой вэ?

• Үйл хөдлөлөө хэт их хянах хэрэггүй.
• Гүнзгий амьсгаа аваад өөртөө итгэлтэйгээр “би чадна” гэж хэл.
• Бусадтай илэн далангүй нээлттэй харьцаж сур.
• Бусдын шүүмжлэл болон тоглоом шоглоомоор хэлсэн үгийг эмзэглэж хүлээж авах хэрэггүй.
• Ичсэнээсээ болоод хийсэн алдаа дутагдал болон таагүй дурсамжуудаа толгойноосоо авч хаях.
• Ямагт өөрөөрөө байх нь чухал. Бусадтай өөрийгөө бүү харьцуул.
• Сэтгэл хөдлөлөө хэт их барих гэсний хэрэггүй. Аль болох гадагш гаргаж байхад зүгээр. Гэхдээ өөрийгөө хянаж чаддаг байх ёстой.
• Бусдын анхаарлын төвд байлаа гээд өөрийгөө барьж цоожтой авдар шиг байх хэрэггүй. Гагцхүү та яг яамаар байна түүнийгээ л хий.
• Ичгэвтэр зүйл хийгээгүй мөртлөө ямар ч шалтгаангүйгээр бусдаас ичиж эмээнэ гэдэг бол байж боломгүй хэрэг юм.
• Ичсэнээсээ болоод өөртөө итгэлгүй байдлыг бусад хүмүүст хэрхэвч үзүүлж болохгүй. Нэн ялангуяа өрсөлдөгч этгээдийн дэргэд дээрх байдлыг бүр ч гаргаж болохгүй гэдгийг сайтар санаж явах хэрэгтэй.
• Эцэст нь хэлэхэд өөрийгөө ялан дийлж сурах нь хамгаас чухал юм шүү.

/Хань/