•  Эмэгтэйчүүд өөрсдийгөө үргэлж хайртай хүнийхээ дараа хоёрдугаарт тавьдаг.
• Эмэгтэйчүүд эрчүүдийн сэтгэлийн сайныг нь олж харахаасаа илүүтэй гаднах үзэмж, бэл бэнчин, мэдлэг чадвар, бололцоонд нь дурладаг.
• Эмэгтэйчүүд өөрсдийнхөө давуу тал, мэдлэг чадвараа нуун дарагдуулдаг.
• Эмэгтэйчүүд өөрсдөө сайн дураараа эрэгтэй хүний захиргаанд ордог.
• Эмэгтэйчүүд яг л охид шиг аашилж, хүссэн юмаа эрчүүдээс авахыг оролддог.
• Эрэгтэй хүнд хандахдаа итгэл найдвар тавьж болохуйц, юм мэддэг хүнд хандаж байгаа юм шиг хандвал зохино.
• Чи тийм ийм юм хийх ёстой гэж сануулсны огт хэрэггүй. Өөрөө л шийдэг.
• Эр нөхрийнхөө өдөр тутмын амьдралд байнга оролцож зааж зөвлөх хэрэггүй.
• Таны байнгын оролцоо алга болонгуут эр нөхөр чинь яахаа мэдэхгүй будилна.
• Та эр нөхрөө хараад өрөвдөж болно, харин алхах гишгэх бүрт нь заах хэрэггүй.
• Эмэгтэйчүүд та нар өөрсдөө хайртай хүнээ уруу татдаг.
• Чин үнэнийг хэлэхэд бүх алдааны 50 хувьд нь хүүхнүүд буруутай байдаг.
• Эмэгтэйчүүд “халамжтай” эхнэр болох гээд өөрийн мэдэлгүй алдаа гаргадаг.
• Эр нөхрөө утга учиргүй хардах нь эмэгтэйчүүдийн гаргадаг хамгийн том алдаа.
• Эмэгтэй хүн хэн нэгэнтэй нууц амраг холбоо тогтоосон бол түүнийхээ төлөө гэр бүлээ золиосолж ч мэдэх шийдвэр гаргадаг. Энэ нь гашуун сургамж болж үлддэг.
• Эмэгтэйчүүд өөрөө өөрийгөө эрэгтэй хүний мэдэлд бүрэн шилжүүлчихдэг.

/Хань/

Ихэнх эмэгтэйчүүд хайртай хүндэлдэг эр нөхрөөсөө, эсвэл амрагаасаа зарим нэг зүйлийг асуухыг маш их хүсдэг ч болгоомжтой зангаасаа болоод асууж чаддаггүй гэнэ. Ингээд эрчүүдэд зориулсан дэлхийн N1 сэтгүүл гэгддэг “Mens Health” -т энэ талаар юу гэснийг сонирхуулъя.

Асуулт 1:

Бид хоёр анх учрах үед би охин биш байсан нь чиний санааг зовоодог уу?

Ерөөсөө ч үгүй гэвэл ямар ч мэдрэлгүй тэнэгээ харуулна. Үнэхээр их санаа зовдог гэвэл эмэгтэй хүнийг доромжилсон болно. Энэ сэдвийг огт хөндөхгүй бол хайрт чинь юу бодож байгаа бол гэсээр өвчин тусч магадгүй юм.

Хариулт: Бид хоёрыг анх учрахад чи тодорхой хэмжээгээр амьдрал үзсэн, эмэгтэй хүн болсон байсанд би баярладаг. Тийм ч болохоор намайг шохоорхсондоо биш, харин ухамсартайгаар сонгосон гэдэгт би итгэлтэй байдаг гэх мэтийн хариу хамгийн зөвд тооцогдох гэнэ.

Тодруулга: Энэ сэвдээр элдэв дэмий наргиа, зугаа хийх нь аминд халтай.

Асуулт 2:

Биеийн юм ирчихсэн байхад надаас эвгүй үнэр үнэртдэг үү?

Хариулт: “Ийм өдрүүдэд чамаас нэг л сэтгэл гижигдсэн үнэр үнэртдэг юм” гэх мэтийн хэт илэрхий зусарч биш ч сэтгэлд өөг үг хэлэхэд сэтгэл хангалуун үлддэг.

Тодруулга: Эмэгтэйчүүд ойрхон зайнаас биеийн юмны үнэрийг илүү үнэртдэг бөгөөд үүнийг таагүйд тооцдог. Харин биеийн юманд феромөн буюу эсрэг хүйсийн этгээдийн бэлгийн идэвхийг сайжруулдаг бодис агуулагдаж байдаг тул эр хүнд энэ үнэр зарим талаар таатай байдаг гэдгийг эрдэмтэд баталсан байна.

Асуулт 3:

Миний хөх дэндүү жижигхэн /хэр том, унжсан/ байна уу?

Орчин цагийн 100 эмэгтэй хүнээс 99 нь ямар нэгэн бодит шалгаангүйгээр өөрийнхөө биеийг голж, сэтгэл дундуур явдаг гэсэн тооцоо байдаг. Хэн нэгэн этгээд амаа хамхихын оронд олон юм ярьснаас болж хөх томруулах хагалгаа хийлгэдэг.

Хариулт: Эр хүн нэг сайхан нартай өдөр эхнэрийнхээ хөхөн дээр хагалгааны сорвитой байхыг хармааргүй байгаа бол багаар бодоход сард нэг удаа хэлж магтаж байх хэрэгтэй.

Асуулт 4:

Миний нөгөө газар хэтэрхий том юм шиг санагддаг уу?

Эмэгтэй хүний үтрээнд мэдрэлийн эс тун цөөн байдаг болохоор эр хүний эрхтэнг хэр барьж байгаа талаар бүрэн гүйцэт мэдэх боломжгүй байдаг. Дээр нь бэлгийн хавьталын үед ялгардаг шингэн нь дээрх мэдрэмжийг улам бууруулдаг болохоор эмэгтэй хүн нөгөө газраа том гэж боддог.

Хариулт: Эмэгтэй хүнд нөгөө газар нь үнэхээр бариу байгаа талаар үе үе хэлж магтах нь эр хүний үүрэг гэнэ. Тийм биш байлаа ч заавал магтаж байх хэрэгтэй. Хэрэв сул байвал “юу яах” үед чангалж, суллаж байдаг нь асар их таашаал өгдөг гэж хэлээд үтрээний булчинг бэхжүүлж чангаруулдаг дасгал хийлгэдэг болж болох юм. Ийм дасгалыг өдөрт 10-15 удаа хийгээд байхад хангалттай.

Тодруулга: Төрсөн эмэгтэйчүүдийн үтрээ сунаж томорсон байдаг, эсвэл олон хүнтэй унтсан эмэгтэйн үтрээ сунадаг гэх мэт ташаа ойлголт байдаг. Үтрээний хана хагарч гэмтээгүй л бол уян хатан булчин хуучин хэвэндээ эргэн орж, ямар нэг суналт энэ тэр үүсдэггүй.

Асуулт 5:

Чи БЗХӨ-өөр өвдөж байсан уу?

Бэлгэвч хэрэглэсэн ч БЗХӨ-өөс 100% хамгаалах боломжгүй. Зарим төрлийн өвчин огт эдгэдэггүй болохоор ийм асуулт тавих нь зүйн хэрэг.

Хариулт: Огт өвдөж байгаагүй бол тэр тухайгаа л хэл. Харин “фактлаж” байсан бол хэлэхгүй байсан нь дээр. Өвчин бүрэн эдгэрсэн бол шүү дээ. Эс тэгвээс ритенг навс унана. Ер нь бассейнд сэлэх гэтэл, эсвэл ажилд орох гэтэл шинжилгээ нэхээд гэсэн шалтгаанаар шинжилгээ хийлгэсэн бичгээ тод үзүүлсэн байхад гэмгүй дээ.

Асуулт 6:

Намайг худлаа дур тавьсан гэдгийг чи анзаарсан уу?

Эмэгтэйчүүдийн 7-9 % нь огт дур тавьдаггүй гэнэ. 15-20% нь л жинхэнэ утгаар нь таашаал авдаг гэнэ.

Хариулт: Хэрэв эр хүн эмэгтэй хүний худлаа дур тавьж байхыг мэдээд ганц удаа ч болов хэлсэн байхад цаашид өөртөө итгэлгүй болж, чамд таашаал өгч чадсангүй гэж өөрийгөө болон чамайг хардаж эхэлнэ.

Аливаа нэгэн баяр ёслолын үеэр хайртай, дотны хүнээ баярлуулна гэдэг сайхан зүйл байдаг. Гэхдээ хамгийн гол нь ямар бэлэг сонгохоо аль эсвэл цаад хүнийхээ чухам юунд дуртай болохыг нь сайн мэдэхгүйгээсээ болоод сонголтын тал дээр багагүй бодох хэрэгтэй болдог. Иймд залуу танд туслах үүднээс дараах зүйлсийг хайртай бүсгүйдээ бэлэг болгон өгөхийг санал болгож байна.

- Сарнай цэцэг бол ямар ч бүсгүй хүний сэтгэлийг хөндөж чаддаг. Гэхдээ болж өгвөл өөрийнх нь хамгийн дуртай цэцэг ямар цэцэг болохыг нь мэдээд бэлэглэх юм бол туйлын ихээр баярлах нь дамжиггүй юм.

- Дараа нь мэдээж хэрэг үнэртэй ус орно. Гоо сайхны бүтээгдэхүүн хэрэглэдэггүй бүсгүй хүн гэж үгүй билээ. Тэр дундаа үнэртэй усанд илүүтэй ач холбогдол өгдөг. Хэрэв та бүсгүйнхээ ямар үнэртэй усанд дуртай болон түрхдэгийг нь мэдэхгүй байгаа бол дотны найз нарынх нь хэн нэгнээс Тусламж хүсч болно шүү дээ.

- Цүнх нь эмэгтэй хүний хувьд байнга биедээ авч явдаг өдөр тутмын хэрэглээ нь болсон зүйл байдаг. Яг брэндийнх биш юмаа гэхэд өдөр тутам барьж болохоор цэвэр арьсан цүнх аль эсвэл гоёлын цүнх авч өгвөл илүү тохиромжтой байх болов уу.

- Ээмэг зүүлтний хослол. Гоёх дургүй эмэгтэй хүн гэж үгүй. Энэ бэлгийг авсан бүсгүй хүн ихэд баярлаж, нандигнан зүүж явах болно.

- Хүзүүний алчуур. Торгомсог зөөлөн материалтай, цэцгэн хээтэй байвал илүү чамин харагдуулдаг.

- Бас нэг зүйлийг зөвлөж хэлэхэд улаан дарс болон идэх дуртай амттанг нь заавал дагалдуулж өгч байгаарай. Нэн ялангуяа шоколадны цуглуулга нь хамгийн тохиромжтой амттан байдаг.

- Эцэст нь хэлэхэд сав баглаа боодол дээрээ ч гэсэн анхаарах хэрэгтэй. Хурц тод өнгийн хийгээд гялалзсан материалтай байвал бүсгүй хүнд илүү таатай мэдрэмжийг төрүүлдэг.

/Хань/

Энэ төрлийн зантай хүн ихэвчлэн бусдаас тусгаарлагдмал, ганцаардмал, өөртөө итгэлгүй байдаг. Уг зангаасаа болоод хэн нэгэн танихгүй хүнтэй нэн ялангуяа эсрэг хүйснийхээ хүнтэй чөлөөтэй харьцаж чаддаггүй. Мөн үргэлж биеэ барьсан, үйл хөдлөлөө хянасан, нууцлагдмал байдалтай бах нь олонтоо. Иймд энэ байдлаасаа салахын тулд юу хийх ёстой вэ?

• Үйл хөдлөлөө хэт их хянах хэрэггүй.
• Гүнзгий амьсгаа аваад өөртөө итгэлтэйгээр “би чадна” гэж хэл.
• Бусадтай илэн далангүй нээлттэй харьцаж сур.
• Бусдын шүүмжлэл болон тоглоом шоглоомоор хэлсэн үгийг эмзэглэж хүлээж авах хэрэггүй.
• Ичсэнээсээ болоод хийсэн алдаа дутагдал болон таагүй дурсамжуудаа толгойноосоо авч хаях.
• Ямагт өөрөөрөө байх нь чухал. Бусадтай өөрийгөө бүү харьцуул.
• Сэтгэл хөдлөлөө хэт их барих гэсний хэрэггүй. Аль болох гадагш гаргаж байхад зүгээр. Гэхдээ өөрийгөө хянаж чаддаг байх ёстой.
• Бусдын анхаарлын төвд байлаа гээд өөрийгөө барьж цоожтой авдар шиг байх хэрэггүй. Гагцхүү та яг яамаар байна түүнийгээ л хий.
• Ичгэвтэр зүйл хийгээгүй мөртлөө ямар ч шалтгаангүйгээр бусдаас ичиж эмээнэ гэдэг бол байж боломгүй хэрэг юм.
• Ичсэнээсээ болоод өөртөө итгэлгүй байдлыг бусад хүмүүст хэрхэвч үзүүлж болохгүй. Нэн ялангуяа өрсөлдөгч этгээдийн дэргэд дээрх байдлыг бүр ч гаргаж болохгүй гэдгийг сайтар санаж явах хэрэгтэй.
• Эцэст нь хэлэхэд өөрийгөө ялан дийлж сурах нь хамгаас чухал юм шүү.

/Хань/

Орчин үед ажил хэрэгч, эрдэм боловсролтой, сайхан хүүхнүүд нөхөрт гарахгүй, нөхөрт гарахыг ярихгүй байх нь түгээмэл болжээ. Үүнийг сэтгэл зүйчид дараах шалтгаантай холбон үзэж байна.

• Ирээдүйн нөхөртөө хэт өндөр шаардлага тавих (ажилтай, архи огт уудаггүй, тамхи татдаггүй, амьдралын овсгоотой гэх мэт). Ийнхүү арван хуруу тэгш, төгс төгөлдөр эр хүнийг хүлээх нь хүүхнүүдийн нөхөрт гарахгүй оройтох үндсэн шалтгааны нэг нь аж.
• Албан тушаал ахих, хувийн амьдралаа бүрэн цогцлох, эдийн засгийн хувьд хэнээс ч хараат бус байх, хүсээгүй төлөвлөлтөнд ороогүй хүүхэд гаргахгүй гэх мэтчилэн зарчим нь нөхөрт гарахад ихээхэн саад болдог байна. Ингэсээр байгаад эмэгтэй хүний нас нэг л мэдэхэд явчихсан байдаг. Өөрөө ч анзааралгүй, зожиг, хажиг бусадтай нийцгүй болсон байх нь бий.
• Эр хүний царай зүс, бие галбирт хэт анхаарал тавьж сонголтоо хийх. “Ханхүүгийн мөрөөдөл” амьдралд бол бодитойгоор биелэх нь тун ховор, бараг боломжгүй шүү. Хэт романтик мөрөөдлөөр өөрийгөө хуурсан байх нь ганцаар хоцрох бас нэг шалтгаан.
• Санамсаргүй учир, гэнэтийн сюрприз, аз далласан захидал, чин сэтгэлийн илгээмж зэргийг хүлээх юм уу, амьдралаа хувь зохиолдоо даатгавал нөхөрт мөд гарахгүй.
• Өөрийгөө хэт хаях (бүхнийг ажил төрөлдөө зориулах) хайш яайш хувцаслах, гадаад үзэмжиндээ анхаарал тавихгүй байх, эсвэл эсрэгээр гоо сайхандаа хамаг анхаарлаа хандуулах, мода загвар дэндүү хөөцөлдөхийн аль аль нь нөхөрт гарахад саад болдог.
• Ямар ч сээтэгнүүр зангүй, санаачлагагүй, эр хүнээс бүх зүйл шалтгаална гэсэн итгэл үнэмшилтэй эмэгтэй нөхөргүй үлдэх нь бий.

/Хань/

Сая мэдээ уншиж байтал эмэгтэйчүүдэд зөвлөсөн залуугийн захиа байна. Тэрнийг уншаад бас эрчүүддээ эмэгтэй хүнтэй харицахад хэрэг болох болов уу гээд хэдэн зөвлөгөө өгье гэж бодлоо. Мэдээж зөвлөгөө болохоор дагах үгүй нь таны асуудал…

1. Эмэгтэй хүний гоо сайханг өөлсөн үг бүү хэлж бай. Жишээ нь: тарган эсвэл туранхай юм. Хөл чинь майга, хөх жижигхэн гэх мэт. Мөн нүүрний арьс гарын хумс гээд л. Тэд үүндээ чамаар хэлүүлэлтгүй хангалттай санаа зовж байгаа
2. Тоглоомоор ч гэсэн эмэгтэй хүнд өөрийг нь дайруулсан тоглоом бүү хэлж бай. Жишээ нь: Өө би чам шиг ийм эмэгтэй танина. Дандаа л тэгж байдаг юм гэх мэт. Ихэнх эмэгтэйчүүд тоглоом даадаггүй, наанаа инээвч зэвүүцдэг.
3. Эмэгтэй хүн өөртөө зориулж нүүрээ буддаг юм. Будаж яадаг байнаа гэж хэлэхийн оронд чи будаггүй ч сайхан харагдаж байна гэж хэлвэл илүү зүгээр хүлээж авна.
4. Гудамжаар явахдаа хүүхэн хардагггуй эр хүн гэж юу байх вэ. Гэхдээ бүр илт мэдэгдэхээр шүлэнгэсэн харцаар эмэгтэй хүнтэй хамт явж байхдаа харах хэрэггүй. Харсан ч харсан эмэгтэйнхээ тухай ярих хэрэггүй. Жишээ нь: гоё үстэй юмаа. эгдүүтэй охин байна шүү гэж. Тэгж хэлвэл эмэгтэй хүн өөрийг нь тэр эмэгтэйчүүдээс дорд үзэж байна гэж ойлгоно.
5. Эхнэр болон найз бүсгүйнхээ найзийн тухай ярихаас аль болох зайлхий. Гарцаагүй асуусан ч ярихгүй байсан нь дээр. Яагаад гэвэл эмэгтэй хүн өмчирхөг учир өөрийх нь найз залуу найзийнх нь тухай сайн муу аль ч үг хэлсэн холбож ойлгодог
6. Шаардлагатай үед худлаа хэлж бай. Эр хүн шударга байх ёстой гээд хэт шулуун байвал үр дүн муу байх болно. Эмэгтэй хүнээс илүүг хүсч байвал хүссэн худал үгийг нь хэл. Жишээ нь тийм онц биш байсан ч сайхан байлаа гэсэн үг хэлвэл дараагийн удаад үнэхээр сайхан байх магадлал өсөх болно.
   За за зөндөө их юм бичлээ. Нэг л их бүхнийг мэдэгч шиг. Тэгээд дагах үгүй нь таны хэрэг шүү дээ.

Энэ сайтад yes no нэрээр коммент бичдэг 27 настай ганц бие залуу байна. Сайтаар дүүрэн хэнд ч гологдохооргүй хирнээ гологдсон хүүхнүүд байх юм тэгээд нэг ийм юм бодлоо. Өөрийнхөө туршлага ч гэх юмнаасаа жаахан зөвлөе гэж. Хэрэгтэйг нь аваад хэрэггүйг нь хаяна биз. Гологдсон болон гологдож магадгүй хүүхнүүд уншихад илүүдэхгүй байх. Хүүхнүүд минь ийм байвал зүгээр шүү…

1. Чи нөхрийнхөө нз нартай эелдэг найрсаг харьцаж бай. Нз нарыг нь нөхөртөө битгий муулж бай.
2. Нөхрийнхөө хийсэн онцгүй зүйл бүрийг хүлцэнгүйгээр хүлээж авах хэрэггүй таалагдахгүй байвал шууд хэлж бай.
3. Нөхрийнхөө хийж байгаа ярьж жижиг зүйлд ч гэсэн анхаарлаа хандуулж бай жижиг юман дотор заримдаа том юм байдаг юм.
4. Нөхөртэйгөө сайн сээтэгнэж бай элдэв ёжтой секси үг яриа үйлдэл хэрэглэж бай. Хаа ч явсан зөвхөн нөхөр чинь л ойлгох сээтэн үг хэрэглэ. Тэгээд гадуур энэ тэр гарахдаа тэр үгээ ашиглавал та 2 улам дотно болно.
5. Нөхөртөө битгий их хяналт тавьж бай. Их хяналт сүүлдээ залхаалт бий болгоно шүү.
6. Нөхрийнхөө бодлыг уншиж мэдэрч сурах хэрэгтэй. Санаандгүй байхад нь хэрэгтэй зүйлийг нь хийж өгөх ч юм эсвэл авч өгөх.
7. Эр хүнийг ходоодоор гэдэг дээ тэгэхээр ямар хоол хийх нь гол биш шаардлагатай үед нь час хийсэн юм хийгээд өгчих хэрэгтэй.
8. 2-уулаа ингэх үү эсвэл чи яамаар байна юу хийх уу гэж асуудаг хүн нь зөвхөн нөхөр чинь та ч бас ингэж хэлж болно гэдгийг санах хэрэгтэй. Хаая санаачлага гаргаад халуухан болзоо зохио. Элдэв гэнэтийн бэлэг барьж бай.
9. Энгийн үедээ ч гэсэн нөхөртөө секси харагдах хэрэгтэй. Тачаангүй шилэн оймс ч юмуу эсвэл гутал өмсвөл зүгээр. Тэгээд л бэлтгэлийн хувцас ноосон өмдний гол царайлаад байгаад байвал ямар харагдах уу.
10. Орндоо бол чи нөхөртөө янхан шиг л үйлчлэх хэрэгтэй. Чи сайн үйлчилвэл цаадах чинь чам хариуг нь хангалттай барина даа. Ажил дээр нь айлд гадуур дотуур гарахдаа үзвэр үйлчилгээ үзэхдээ ч ер нь хаа ч юм гэнэт нөхөртөө би чамайг хүсээд байна яг энд хиймээр байна гэж хэл чи өөрөө ч тэгж бодож хүс. Боломж байвал хий байхгүй байлаа гэхэд та 2 орой нь гэртээ алаад өгнө. Ор бол тавтай сайхан унтаж амрахад л зориулагдасн эд болохоос байнга секс хийх газар биш шүү. За тэгээд байрлал элдэв тоглоом кино энэ тэр гээд та 2-н сеъсийг гоё болгох 80 арга байга шүү.
11. Хааяа зүгээр л нөхөртэйгөө сайхан буу хал юу ч хамаагүй ярь. Онигоо мөрөөдөл кино юу ч яадгийн хүн муулсан ч болно улс төр ярьсан ч болно харин амьдрал ярьж болохгүй. Энийг бол байнга ярьж бодож байгаа та 2.
12. Мөнгөтэй эвтэйхэн харьцаж бай. Хэзээ их зардлаас айх хэрэггүй харин байнга бага орлогоос айх хэрэгтэй. Заримдаа мөнгөтэй байснаас мөнгөгүй байхад амар байдаг юм.

За за нээх олон юм биччихэж бүгдийг мэддэг brus биш болоё доо. Авах нь авад хаях нь хаяарай хоо. Нэг иймэрхүү байгаад байвал хүүхнүүд маань гологдох нь арай гайгүй болох байлгүй дээ. Эр хүмүүс бид чинь ердөө л сэтгэлийн амьтад шүү дээ. Хүүхнүүд та нар бидний дасгалжуулагч шиг байх хэрэггүй харин бидний хөгжөөн дэмжигч байх ёстой юм. Бүгдэд нь амжилт мандухай нараа…

Тэр чиний гоо сайхан, гадаад төрх байдлыг чинь учиргүй магтаж эхэлнэ. Үүгээрээ тэр эмэгтэй хүний биеэ тоох занг хөдөлгөж, өөртөө дуулгавартай болгодог байна.

• Тэр чиний талаар элдэв юм асууж сонирхох бөгөөд өөрийнхөө талаар бараг юм ярихгүй. Эмэгтэйчүүдэд өөрсдийнх нь талаар сонирхож байгаа хүмүүс таалагддагийг цаадах чинь мэдэж байгаа учраас.

• Ямар нэгэн шалтгаар чамтай хоёулхнаа танайд очих өөрийнхөө гэртээ аваачих гэж хичээнэ.

• Тэр чамтай аль болох түргэн энгэр зөрүүлэхийг бодно. Түүнийг дэндүү их түргэдэж байна гэвэл үүнийг яаж ч хүлээж авч болох бөгөөд энэ нь заримдаа хүчирхийллээр ч дуусаж магадгүй юм.

• Хэрвээ чи түүний хүссэн өдрөөс нь өөр өдөр уулзахыг санал болговол цаадахын чинь чамайг сонирхох байдал нь эрс буурах нь ажиглагдана.

• Тэр чамайг өнөө орой юу хийхийг чинь аль болох түргэн мэдэхийг хүсэн шавдуулна. Яагаад гэвэл хэрвээ чамайг завгүй бол, тэр чамтай уулзаж дэмий цагаа үрснээс өөр хүн рүү очих нь дээр гэж бодож байгаа хэрэг.

• Танилцаад тийм ч их удаагүйгээ бодож түүний энхрийлэл зэрэг тодорхой бөгөөд маш зоримог байна.

/Хань/

Эрэгтэй та, гадаад үзэмжиндээ анхаарал тавьдаг уу. Гадаад үзэмжиндээ анхаардаг байх нь чухал. Яагаад гэвэл эмэгтэйчүүд зарим эрчүүдийн биеэ авч яваа байдал, гадаад үзэмжээс ой гутаж, зугтаж, дөлж эхэлдэг.

Сахалтай эрийг үнсэх нь өргөст цэцэг үнсэхтэй адил гэнэ
Сахлаа тогтмол хусч, гоё үнэртэй ус түрхэж бай. Сахалтай эрийг үнсэх нь өргөстэй цэцэг үнсэхтэй адил гэж эмэгтэйчүүд үздэг. Эмэгтэйн булбарай арьсыг ч цочирдуулж болзошгүй. Сахалд тань талхны үйрмэг, пивоны хөөс наалдсан байвал танд ямар эмэгтэй дуртай байхав дээ. Ой нь гутна гэсэн үг.

Ногоон, шар өнгийн оймс бүү өмс
Бас нэг чухал зүйл оймс. Таны оймс цэвэрхэн байхаас гадна өнгөнд нь анхаарах хэрэгтэй. Хурц ногоон, шар өнгийн оймс хэзээ ч бүү өмс. Өмд болон оймсны уртын харьцааг тохируулахгүй бол зайнд нь үсэрхэг, туранхай хөлийн шагай харагдаад тун эвгүй дээ.

Нүсэр том бөгжтэй эрчүүдэд хүүхнүүд дуртай биш
Эмэгтэй хүн дээр очих гээд болзсон та хумсаа нэг ажиглаарай. Хумсны завсар хавчуулагдсан хир, бохир бүсгүйд лав таалагдахгүй. Гараа угааж цэвэрлэсний дараа хумсаа ч янзал. Хуруундаа нэг их том бөгж зүүсэн эрчүүд эмэгтэйчүүдэд таалагддаггүй гэсэн шүү.

Үсээ ургуулахын өмнө зөвлөгөө аваарай
Эмэгтэйчүүд урт үстэй эрэгтэйд тийм ч таатай ханддаггүй. Эрчүүд үсэндээ эмэгтэй хүн шиг анхаарал тавьж, арчилж чаддаггүй тул хир буртагтай юм шиг харагддаг. Иймд үсээ ургуулахын өмнө үсчин болон эмэгтэй хүнээс зөвлөгөө аваарай.

Гутал тань чанартай, даруухан өнгөтэй байх ёстой
Хамгийн их анхаарал татдаг зүйл. Гутлаа тослоогүй юмаа гэж бодоход шороо тоосгүй байвал сайнсан. Гутлын загвар ч чухал. Та гуч гарсан мөртөө костюмыг пүүзтэй хослуулаад өмсчихсөн явбал гоо зүйн ямар ч мэдрэмжгүй гэсэн үг.

Сайн чанарын, даруухан өнгийн, тэгээд цас бороонд шалчийгаад өгдөггүй, гутал ботинк сонгоорой. Ер нь эр хүн хөөрхөн, царайлаг байх албагүй.

Цэвэрхэн, жентельмен маягтай, эмэгтэйчүүдтэй аятайхан харьцчихдаг, хувцсаа цэмцгэр, тохируулан өмсдөг, эвгүй зуршилгүй /хамраа ухах, нус цэрээ хамаагүй хаях, ярьж байхдаа үсээ маажих, хумсаа оролдох, чихээ ухаж төнхөх гэх мэт/ байхад л болоод явчихна даа.

Зарим нэг бүсгүйчүүд маань эр хүнтэй танилцахын тулд ямар нэгэн алхам хийдэггүй билээ. Гэтэл нөгөө нэг хэсэг нь таалагдсан эр хүнээ өөрийн болгохын тулд янз бүрийн арга хэрэглэдэг боловч бүх зүйл нь талаар болдог шүү дээ. Ер нь эрчүүд өөртөө итгэлтэй бас ч үгүй сайхан бүсгүйчүүдэд татагддаг нь нууц биш юм. 

Хэрэв та өөрийн мөрөөдлийн эр хүнтэй уулзаж учрахыг хүсч байгаа бол эхний ээлжинд өөрөөсөө эхлэх хэрэгтэй. Тэгвэл өөртэйгээ хэрхэн яаж ажиллах вэ? Бүсгүй та дотоод сэтгэлээсээ гэрэлтэж харагдах ёстой. Элдэв муу бодол, атаа жөтөө, уур хилэн, гутранги үзэл, айдас түгшүүр гээд сэтгэлийн сөрөг муу энергиэсээ салж, сэтгэл санаагаа ариусгах хэрэгтэй.

Мэдлэг боловсролоо дээшлүүлэх. Боловсролтой эмэгтэй хүн ямар ч эр хүнд гологдохгүй билээ. Өөрийн чадвар, төрөлх авьяасаа түшиглэн сонирхсон курс дамжаандаа чөлөөт цагаараа явж байх.

Харьцааны соёлыг эзэмшсэн байх. Хүнтэй эелдэг боловсон харьцана гэдэг маш чухал зүйл юм. Харьцаанаас тань ямар хүн болохыг бусад хүмүүс дүгнэх болно. Үг хэл, үйл хөдлөлдөө анхаарч байх нь чухал юм. Бодлогогүй ярьсан үг, болчимгүй хийсэн үйлдэл тань хэнд ч сайхан санагдахгүй нь лавтай.

Гадаад өнгө төрхөндөө анхаарал тавь. Хамгийн эхний ээлжинд үснээсээ эхлэх хэрэгтэй. Учир нь үс сайхан бол зүс сайхан гэдэг шүү дээ. Иймд өөрийн нүүр царайндаа тохируулж, донжийг нь олж үсээ засуулах нь чухал юм.

Дараагийн нэг алхам бол хувцаслалт. Өөрийн биеийн галбиртаа тохируулж зөв хувцаслах хэрэгтэй. Бусдыг дуурайж өөртөө тохирохгүй хувцсыг өмсөхөөс татгалзаарай. Алхаа гишгээндээ анхаарал тавьж байгаарай. Гол нь цэх шулуун, ойр ойрхон алхаж явж байх хэрэгтэй. Хол хол хурдан алхах нь ямар ч эмэгтэй хүнийг муухай харагдуулдаг.

/Хань/