Секс.мн » Эрүүл мэнд

Өөрийгөө хайрладаг шигээ үр удмаа хайрлаачээ!

gambush Dr — Wed, 28 Jul 2010 16:58:30 +0000

Hi та бүхэнд мэнд хүргье. Би энд нэгэн найзийнхаа дүүд тохиолдсон явдлыг бичиж байна. Энэ түүхийг сайн мэдэх хүн учраас хүмүүст хүргэхийг хүссэн юм. Бүсгүй 1 залуутай учирчээ. Жирийн л хосууд танилцаад үерхээд хүүхэдтэй болж хамт амьдрахаар шийдэж эцэг эх нь ч хүлээн зөвшөөрч харин хурим найр хийж албан ёсоор батлуулаагүй байсан юм. Эхнэр авч эцэг болж байгаа хүүдээ аав ээж нь туслах гэж машин авч өгсөн байна. Түүгээрээ халтуур хийгээд хэдэн төгрөгтэй бол тэгээд цаашдаа залуу хүмүүс амьдрал босго гэж зөвлөсөн юм байх. Залуу халтуур хийж бүсгүй төрөх дөхөж 2-лаа болоод л байж. Эхнэрээ 7 сартайд нь өнгөний өвчин халдаасан байна. Халтуур хийж явахад нь 1 хүүхэн сууж гэртээ хүргүүлээд мөнгө байхгүй тул унтаад тулий гэсэнд үгээр нь болж тэр хүүхэнтэй ямар ч хамгаалалтгүй бэлгийн харьцаанд орсноос болж урагт нь нөлөөлсөн байна. Төрөх болтлоо тэр юу ч мэдээгүй явж байгаад өдвөөд эмнэлэгт очиход нь үзлэгийн эмч маш их уурлаж балиар заваан хүүхэн чи даанч энэн амьтныг яаж байгаа юм энэ тэр гээд загнаад халдвартай тасаг гээч руу шилжүүлж. Тэгээд хүүхэд нь төрөхдөө саажилттай төрсөн байна.

Одоо 5 настай хүүхэд толгойгоо даадаггүй хэлд ороогүй дөнгөж мөлхдөг. Тархи сэтгэн бодох чадвар нь сайн их сэргэлэн ганцхан хөдөлгөөнөө удирдаж чаддаггүй. Харин эцэг нь хаяад явсан гэсэн. Солонгос яваад өөр хүүхэнтэй болсон гэж би сонссон. Тэр хүүгийн эм тан эмчилгээ саажилттай хүүхдийн ццэрлэгийн төлбөр гээд бүх юмыг нь манай найз бас дүү нь төлдөг. Харин тэр залуу толгой дээгүүр гэмгүй хүн шиг алхаж яваа ч гэсэн үр чин ард чинь бий шүү гэдгийг хэлмээр байна. Тэр хүүхнээс бараг 1 мин дотор өвчин авсан биз гэхдээ 1 хүний амьдралыг 1 хүүхдийн хувь заяаг ийм болгоход хангалттай хугацаа. Эрчүүдээ та нар доодохоо хааяа бардам зан шигээ бардам авч яваач өөрийгөө хайрладаг шигээ үр удмаа хайрлаачээ! Жирэмсэн эхнэрээ хуурах бодолтой залуучууд байвал дахин 1 тунгааж үзээрэй!

cekc.mn дээр ирсэн захидал

Холбоотой нийтлэл:

Ийм тохиолдол байж болох уу?

gambush Dr — Tue, 27 Jul 2010 16:45:24 +0000

Сайн байна уу. Энэ сайтын хамт олон болон нийт уншигчдад энэ өдрийн мэндийг хүргэе. Танай сайт их хэрэгтэй зөвөлгөө мэдээлэл өгдөг хэрэгтэй сайт шүү. Би одоо 22 настай. Төрийн байгууллагад ажилладаг. Найз залуутайгаа үерхээд 2 жил болж байна. Бид удахгүй хуримаа хийх гэж байгаа. Найз залуу минь миний анхны эр хүн. Бид хоёрын харьцаа маш сайн бие биедээ халамжтай сайхан хосууд. Гэвч нэг зүйл дээр миний санаа их зовох боллоо. Бид 2 үерхсэнээсээ хойш бэлгийн харилцаанд орохдоо жирэмсэнээс хамгаалах эм бэлдмэл, бэлгэвч, мөчлөг тоолох зэргийн алийг ч хэрэглээгүй хэрнээ би жирэмсэн болохгүй юм. Энэ тухай найз залуудаа хэлье гэхээр санааг нь зовоочих болов уу гэж бодоод байх юм. Би өөрөө яваад эмнэлэгт үзүүлж зөвөлгөө авая гэхээр 1-д санаа зовоод, 2-т ажил ихтэй болохоор амжихгүй юм. Энэ тухай надад зөвлөөч. Ийм тохиолдол байж болох уу?

cekc.mn дээр ирсэн захидал

Холбоотой нийтлэл:

Зуны цагт их хэцүү юмаа арьс нь давчаад үнэр үнэртээд…

gambush Dr — Mon, 26 Jul 2010 16:03:15 +0000

Сайн байцгаана уу миний хайртай Монголчуудаа. Өөрийгөө хальт танилцуулъя. Би одоо 28-тай гадаадад сурдаг нэгэн жирийн Монгол залуу. Би хөвчөө тастуулах гэсэн юмаа. Тэгсэн зарим хүмүүс босохдоо муу болчдог гээд байхын бүүр эргэлзээнд орчоод байна. Уг нь тастуулчвал цэвэрхэн бас олон талын сайн талтай юм шиг. Эндхийн залуус ихэнх нь хийлгэсэн байхын асуухаар багадаа хийлгэсэн одоо бол санах юм алга. Ямар ч байсан босох тал дээр зүгээр асуудалгүй гээд байхын. Барууныхан ч угаасаа унжигар сулбайсан боовтой л доо. Манай залуустай адил чулуу шиг хатуурдаггүй л юм байна лээ.

Зуны цагт их хэцүү юмаа арьс нь давчаад үнэр үнэртээд нялаагаад байхын. Тэгээд л авахуулах гээд байгаа юмаа. Хийлгэсэн хүн байвал үнэтэй зөвлөгөө өгөөч гуйя. Цус нэгт Монгол ах дүү нараа. Худлаа юм битгий бичээрэй мэдэхгүй бол. За ингээд та бүхэн дээ баярлалаа. Та бүгдийг үнэтэй зөвлөгөөгөө өгнө гэдэгт итгэж байна.

cekc.mn дээр ирсэн захидал

Холбоотой нийтлэл:

Төрөлхийн сулралтай байна гэж байх уу?

gambush Dr — Mon, 26 Jul 2010 15:46:50 +0000

Hi та бүхэнд энэ өдрийн мэндийг хүргье би одоо 30-тай залуу л даа. Тэгээд анхнаасаа л хийж чадаагүй юм л даа голдуу л бүтэлгүйтдэг байсын одоо жирийн үед секс хийхийг маш их хүсдэг ч гэсэн яг хийх гэхээр эрхтэн ч босохгүй сэрэл ч хөдлөхгүй юм. Төрөлхийн сулралтай байна гэж байх уу? Мэргэжлийн эмч байвал зөвлөгөө өгч туслаач хэтэрхий удаан ганцаараа явсан л даа одоо би солонгост ажил хийдийн бусдын л адил гэр бүлтэй болж сайхан амьдарахыг их боддог л доо. Мөн чин зүрхнээсээ намайг ойлгож хайрлаж чадах бүсгүйг харж л явна цаашдаа ганцаараа амьдарлыг дуусгана гэхээс их айдаг одоо би яахуу туслаач?

cekc.mn дээр ирсэн захидал

Холбоотой нийтлэл:

ДОХ-ын цаана…

gambush Dr — Mon, 26 Jul 2010 00:57:12 +0000

Сүүлийн өдрүүдэд манай улсад ХДХВ/ДОХ-ын тохиолдол хэд хэдээрээ бүртгэгдэж, нийт 78 хүн энэ өвчний вирусыг тээж яваа нь тодорхой боллоо. ХДХВ/ ДОХ-ын илрэл бүрийг харахад нийслэлээс хэдийнээ хальж, хөдөө орон нутагт эрчимтэй тархаж буй нь эрхгүй айдас зовнил төрүүлэх аж. Гэтэл хүн бүрт ийн санагддаггүй бололтой. Манайхан чинь угаасаа сонин дээрээ соохолзоод сониноо буухаар гоохолздог зантай хүмүүс юм болохоороо нэгэн үе амтай болгон ярьж айхтар сэрэмжлэнгүй байснаа сүүлдээ хамрын ханиадны чинээ тоож үзэхээ больжээ. Хааяахан сонин хэвлэлийн хуудасны эхний нүүрт ДОХ-ын төд дэх тохиолдол илэрлээ, тийм насны, ийм хүйсийн хүн байжээ гэж гардаг мэдээлэлд ч хэн хүнгүй цочирдохоо байж, мэргэжилтнүүд ч дэвэргэхээ байсан. Харин Монгол маань даанч цөөхөн хүн амтай.

Өдгөө илрээд буй 78 тохиолдын цаана багаар бодоход 500 хүн бий. Тэгэхээр хэзээний хяналтаас гарч, Монгол Улс ХДХВ-ын халдвар хурдацтай тархаж байгаа улсын тоонд оржээ гэсэн үг. Халдвар авсан хүмүүсийг харахад 18-55 насныхан байна. Нэгэнт илэрсэн тэднийг хэн гэдэг, хэдэн настай, ямар ажилтай, хэдэн хүүхэдтэй нь одоо бол сонин биш. Гэтэл монголчууд маань хүний мууд дуртай юм болохоороо халдвар авсан хүнийг л мэдэхсэн гэж сонирхоод байхаас өөрийгөө, хань ижлээ, үр хүүхдээ энэ өвчнөөс сэргийлэх тухайд юм санахгүй байна уу гэлтэй.

ДОХ өвчин болохоор хэн ч, хэзээ ч тусч болно. Ялангуяа манайх шиг хүн ам цөөтэй, архидалт ужгирсан оронд маш хурдацтай тархаж байна. Одоогоор илэрсэн тохиолдлууд бүгд бэлгийн замаар халдварласан байгаа ч энэ янзаараа бол эмнэлгийн орчинд, цусаар дамжихгүй гэх баталгаагүй. Яагаад гэвэл манай эмнэлгийн үйлчилгээ тийм ч найдвартай биш. Тэгээд ч замбараагаа алдсан энэ олон шивээсний үйлчилгээ гээд ХДХВ/ДОХ-ын халдвар бусад тохиолдлоор тархах суурь хангалттай байгаа. Хамгийн гол нь бэлгийн замаар асар хурдацтай тархаж буй тархалтыг хазаарлахгүй бол монголчууд мөхөхөд ойрхон байна.

Амь биеэрээ ч, эдийн засгийн байдлаараа ч тэр. Халдвартай хүмүүсээс 10 хүн нас барж, 16 хүн сүүлчийн шатандаа ороод бай-гаа. Эрүүл мэндийн хуулийн дагуу ДОХ-той хүнд сард 1000 ам.долларын эмчилгээг улсаас үнэ төлбөргүй хийдэг. Хүний амь насыг мөнгөөр хэмжих боломжгүй ч тархалт нэмэгдээд байвал яваандаа улс орон эдийн засгийн хувьд доройтно. Аливаа өвчин өрх гэр, улс орны амьдралд ядуурал авчирдаг. Олноороо өвчилбөл үнэ төлбөргүй эмчилгээний чанар доошилж болно. Тэр хэрээр өвчилсөн хүмүүс эрсдэлд орно. Тэгээд ч бид өнөөдөр мөнгөний нийгэмд амьдарч байгаа.

Мөнгөгүй хүн үхэж л байгаа нийгэм. Тэгэхээр ДОХ-ыг азгүй нэг нь тусдаг өвчин мэтээр ойлгохоос илүүтэйгүүр өөрийгөө золиод зогсохгүй эрүүл нэгнээ ч чирдэг урхагтай өвчин гэдгийг нь хүүхэд, залууст ойлгуулмаар байна. Халдвар авсан хүн яваандаа хөдөлмөрийн чадвараа алдаж эмнэлэг бараадахаас аргагүй болно. үүний цаана тухайн өвчтөний үр хүүхэд, гэр бүлийн амьдрал доошилж, эдийн засгийн уналтад орно. Манайхны ихэнх нь ДОХ-той хүнийг хүлээн авч хамт ажиллах, нийгэмшүүлэх ухамсар дутмаг байгаа болохоор өвчтэй нэгнээ ялгаварлан гадуурхах үзэл ихэснэ.

Энэчлэн ДОХ-ын цаадах үр дагавар их. Монгол хүний зан араншингийн нэг онцлог бол байнга хэлүүлж, сануулах дуртай. Басхүү ниргэсэн хойноо чангаас чанга хашгирч, ухаарцгаадаг билээ. Ингээд бодсон ч ДОХ-ын аюулыг үргэлж сануулж сурталдаж байхгүй бол дөжирсөн ард дөжрөөд л дуусах гээд байна. Хэдийгээр өнөөдөр мэдээллийн эрин зуунд амьдарч байгаа боловч сонин уншдаггүй, интернэтэд ордоггүй хүмүүс олон бий. Тэдэнд ДОХ-ын талаархи мэдлэг хангалттай бий гэж үү? үгүй л болов уу.

Эл өвчин өнөөдөр өсвөр үеийнхэн, залуучуудын дунд хурдацтай тархаж буй нь аюулын харанга дэлдэж байна. Тиймээс эцэг эхчүүд өсвөр насны хүүхэддээ анхаарал хандуулж, ерөнхий боловсролын сургуулийн сургалтын хөтөлбөрт нөхөн үржихүй, ДОХ-оос сэргийлэх хичээлийг өдөр бүр оруулж, эмч нар сургалт зөвлөгөөгөө тэдэн рүү чиглүүлмээр байна. Тэгэхдээ гэр бүлийн амьдралын үнэ цэнэ, хайр сэтгэл, хосдоо үнэнч байх өс суртахууны хичээлийг заах нь оновчтой болохоос “бэлгэвч хэрэглэ” хэмээн үргэлж ухуулах нь харин ч тэднийг замбараагүй бэлгийн харьцаанд уруу татахаас наашгүй. Ирээдүй маань ДОХ-той нийгэмд амьдрах нь гарцаагүй болсон энэ эмгэнэлт цаг үед үр хүүхдийг маань ёс суртахуун л аврахаас бэлгэвч аварч чадахгүй биз.

Л.Эрдэнэ

Холбоотой нийтлэл:

Хэнд итгэх вэ?

gambush Dr — Sun, 25 Jul 2010 22:36:35 +0000

Сайн байцгаана уу. Би та бүхнээсээ нэг зүйл лавлах гээл бичиж сууна. Би солонгост амьдардаг эмэгтэй л дээ. Анх Монголоос ирээд удаагүй байхдаа энд учиргүй ханиагаад (сэрүү орж байсан) хоолой шархираад амьсгал авч болохгүй хэцүү байсан. Тэгээд амнаас гарч байгаа зүйл нь шүлс биш хөөс гарна. Эмнэлэгт очихлоор Чингэлтэй дүүргийн Сүрьeэгийн лабарторт сүрьeэгийн шинжилгээ өгвөө. Тэгсэн чинь Сүрьeэ гэдэг онош гарлаа ёстой тэнгэр хөмрөх шиг. Гадаа гараад баахан уйлав. Эмчдээ учраа хэлээд солонгост эмчилгээ хийлгэхээр боллоо. Аан ти бас болоогүй ээ Зуун айлд байдаг (Энхжин Б) гэдэг эмэгтэйчүүдийн эмнэлэг байдаг тэнд үзүүлээ. Цусны шинжилгээ өгсөн чинь намайг тэмбүүтэй гэдэг юм байна. Би сандарсандаа эхний нэг тариаг нь тариулсан . Тэгээд бүр гайхаад яахлаараа тэмбүү тусдаг байна аа гээд цусны шинжилгээ өөр газар давхар давхар өглөө тэгсэн чинь сүүлийн хоёр лабартор нь эрүүл гэсэн онош гарлаа. Гэхдээ би эмч нартаа хэлсэн л дээ би эхний нэг тариаг нь хийлгэсэн яадаг бол гэсэн чинь зүгээр ээ дахиад шинжилгээ өгч болно тийм хурдан эмчлэгдэхгүй гэсэн. Дараа нь эмчээсээ асуусан л даа тэр үлдсэн сүүлийн 2 тариаг яах уу гэтэл хийлгэ хийлгэ нэгэнт мөнгөө төлсөн бас тэр тариа нь бөөрөнд сайн тариулахад муудах юм байхгүй гэсэн. Тэгээд долоо хоногийн зайтай аймаар өвддөг тариа тариулсан.

Тэгээд удалгүй солонгостоо ирээд Гурван ч тусдаа том эмнэлэгт сүрьeэгийн шинжилгээ өглөө тэгсэн чинь Сүрьeэ биш Бронхит гэсэн онош гарлаа. Энэ нь Бронхит мөн болж таарсан. Үүсэл гарал нь тоосноос болсон гэнэ тэр нь даамжираад Бронхит болоод бүр удахлаараа Астам болдог гэнэ ээ. Би ч бараг Астам болоод байгаа сая хавар хоолой боогоод амьсгалж чадахгүй болоод хэд хэдэн удаа эмнэлэгт очиж хүчилтөрөгч амьсгалав. Тэгж нэг гайгүй болсон eр нь гүйхлээр амьсгааддаг болсон. Бронхит чинь 100% эмчлэгдэхгүй юм шиг байна лээ байнга бөгшүүлж ханиана. Ойр орчимийн хүмүүсээс санаа зовох юм. Эм тан уувал торгоох маягтай юм. Нэг сайхан уужим амьсгалахад ч хэцүү далнаас нэг юм татаад байгаа юм шиг. Би тэгээд солонгос эмнэлэгт итгэх үү Монгол эмнэлэгт итгэх үү бүр ойлгохоо байлаа. Солонгос мэдээж өндөр хөгжилтэй орон тэгээд ч би 3-н 3-н эмнэлэгт шинжилгээ өгөхөд сүрьeэ гараагүй. Солонгост байдаг хүмүүс мөн над шиг ингэж өвдөж байсан хүмүүс зөвлөгөө өгвөл сайн байна шүү. Би уг нь энэ сайтын байнгын уншигч орой ажлаасаа сайтруугаа яаран яаран ирдэг шүү хэхэ. Миний нийтлэлийг цаг заваа гарган уншсан та бүхэндээ баярлалаа та бүхэнд сайн сайхныг хүсьe. 2010.7.25

секс.мн дээр ирсэн захидал

Холбоотой нийтлэл:

Тэр тарианаас болов уу?

gambush Dr — Sun, 25 Jul 2010 17:05:50 +0000

Энэхүү сайтын нэгэн зочин байна. Надад тулгараад байгаа асуудлын тухай бусадтай ярилцахаар шийдлээ. Би нэгэн хувийн байгууллагад ажилладаг. Одоо 30 настай залуу. Надад нэгэн бэрхшээл тулгараад жир гаруйн хугацаа өнгөрлөө. Ингээд энэ түүхээ эхнээс нь өгүүлье. Одоогоос 5 жилийн өмнө амралтаа аваад Эрдэнэтэд аавындаа очлоо. 7-р сар байсан тул зуны ид халуун үе байв. Аавынх маань нэгэн аж ахуйн хашаанд байдаг юм. Олон жил болсон хөрсний элэгдэлтэй газар тул хашаа нь нил шарилж. Ингээд нохой гаслам халуун үд дунд байсан тул ном, бичиг баримтын агуулахруу ороод унтчихсан юм. Тэр агуулах зуны халуунд маш сэрүүн байсан хэрэг. Ингээд жаахан унтаж байгаад сэртэл найтаалгаад, хамраас ус гоожоод, нүд загаднаад эхэлсэн дээ. Би ч халуун зун ханиад хүрэх гэж байгаа юм байлгүй, ямар хачин юм бэ гэж бодож байсан. Ингээд л тоосны харшилтай болж орхив оо. Тэр зундаа час улаан нүдтэй, нус, нулимастайгаа хутгалдасан, нэг найтаахаараа “30 найтаадаг” амьтан л явсан. Хойтон жил нь боллоо. Бас л 7-р сард наадам дөхөж байтал өнөөх шинж тэмдэг дахиад л эхэллээ. Сүүлдээ бүр их найтаахаар хамраас цус гардаг боллоо. Нэг найз маань “Наадах чинь харшил байна” гээд эмчид очихыг зөвлөлөө. Ингээд эмчид очтол ургамалын тоосны харшил буюу шарилжны аллерги гэж оншлов.

“Хлорфенамин” гэж эм бичиж өгөв. Тэрийг нь уугаад ч нэмэр алга. Ингээд зун бүр л найтааж, тургисан, час улаан нүдтэй амьтан явдаг болов. Эмчид үзүүлэхээр янз бүрийн л эм тан бичиж өгнө. Зарим нь нэмэргүй, зарим нь нэг хэсэгтээ үйлчилж байгаад л сүүлдээ больчихно. Гэтэл өмнөх жил манай ажлын нэг эгч нэг сайн тариа байдаг тухай хэлэв. Таньдаг эмч дээрээ давхиад хүрэв. Тэрээр “Кенлог” гэж тариа хийлгэхийг зөвлөсөн. Тэр дор нь эмийн сангаас аваад сувилагчаар нь тариулж орхив. Жижигхэн шилтэй, тараг шиг цагаан тариа. Тэгээд л өнөөх харшил гээч өвчин орйоноос нь эхлээд гайгүй болсон доо. Хүн шиг хамраараа амьсгалдаг болоод, нүд загаднахгүй сайхан гэж. Тэгээд л урам зоригтойгоор хойшоо ОХУ-руу ажлаар явсан. Ингээд наадмаар эргэж ирдэг юм. Хэдэн нөхөдтэйгөө хөдөө сумын наадам үзэхээр гарч өгөв. Тэнд баахан айраг уучихдаг юм. Гэтэл айрганд сэдэрдэг юм уу яасан юм, дахиад л өнөөх харшил хөдлөөд эхлэх нь тэр. Бүр өмнөхөөсөө ч дордов. Ингээд хотруу орж ирэнгүүтээ л нөгөө “Кенлог” гэдэг тарианаасаа аваад хийлгэчихэв.

Харшил хөдлөхөө байсан ч нэг том асуудал тулгарсан. Ер нь л хэрэг бишдэж эхэлсэн. Өмнө нь бусдын л адил байдаг байсан бол эхнэртэйгээ долоо хоногт ганцхан удаа секс хийнэ. Заримдаа түүнээс ч удах нь энүүхэнд. Заримдаа ид нөгөө ажлаа хийж байхад өнөөх маань бууж орхино. Эсвэл тавихгүй. Сэрэл хөдлөх нь ч өмнөхөөсөө багассан юм шиг. Ер нь л чалх буурч эхэлсэн. Анх нь тэр тариатай холбоогүй гэж бодож байлаа. Учир нь би 2009 оны хавар шинэ удирдах албан тушаалд томилогдсон тул маш их ажилтай байсан тул ядарснаас болж байна гэж бодож байсан.

Одоо бодоод байхад тэр тарианд учир байх шиг байна. Хүмүүсээс сонсохнээ хүний дааварт нөлөөлдөг хүчтэй тариа гэнэ. Эмэгтэй хүн түүгээр тариулвал маш их таргалдаг ч гэх шиг. Намараас тарианы үйлчилгээ буурах болов уу? Өвлөөс эргээд хуучин хэвдээ орох болов уу? хэмээн гордож байсан ч бараг л талаар болов. Өвөл байдал арай дээрдсэн ч олигтой болсонгүй.

Энэ зун дахиад л харшил хөдлөж эхлэхэд нөгөө тариагаа аргагүйн эрхэнд бас л хийлгэсэн. Ингээд одоо эхнэртэйгээ хааяа нэг ойртчихоод л яваад байна даа. Би хаширлаад өнөөг хүртэл ямар нэгэн чалх сайжруулах эм тариа хэрэглэж үзээгүй. Хүмүүсээс зөвлөгөө авъя. Болохгүй бол мэргэжлийн эмчид үзүүлж байж болъё гэж бодож байгаа. Ийм л нэг асуудал тулгараад байна даа. Шоолж, наргилгүй чин сэтгэлээсээ зөвлөгө өгөхийг хүсье.

секс.мн дээр ирсэн захидал

Холбоотой нийтлэл:

ДОХ-ын аюул хүүхдүүдийг заналхийлж байна

gambush Dr — Thu, 22 Jul 2010 15:54:01 +0000

Өсвөр насныхны дотор ХДХВ-ийн халдвар эрс нэмэгдэж байгааг НҮБ-ын Хүүхдийн сангийн мэргэжилтнүүд онцолж, энэ үзүүлэлт Зүүн Европ, Төв Азид өндөр байгааг анхааруулжээ. Өсвөр насныхан хар тамхинд донтож, эмх замбараагүй бэлгийн хавьталд орох явдал их байгаа бол энэ чиглэлийн мэдээ, мэдээлэл сул байна гэсэн судалгааг мэргэжилтнүүд гаргасан байна.

Зүүн Европ, Төв Азид ХДХВ-ийн халдвар тээгч 1.6 сая хүн бий. 2000-2001 онд өсвөр насныхны дотор явуулсан судалгаагаар мянга орчим тохиолдол илэрчээ. Манай улсад ХДХВ-ийн аюул хүүхдүүдийг тойрсонгүй. Энэ оны эхээр 11 дүгээр ангийн сурагч ДОХ-ын вирүс тээгчээр бүртгэгдсэн бол сүүлийн үед илэрсэн тохиолдлын дөрөв нь 18-19 насныхныг хамарч байна.

Хүүхдүүдийг бэлгийн мөлжлөгт ашиглах, хүчирхийлэх гэмт хэргийн золиос болгох явдал манай улсад газар авсан нь мөн ДОХ-ын аюул даллаж байна гэж болно. Он гарсаар энэ төрлийн гэмт хэрэг 12 бүртгэгджээ. ДОХ-ын халдвар нууц байдалд маш хурдан тархаж буйг мэргэжилтнүүд сэрэмжлүүлдэг ч тархалт нэмэгдсээр байна.

Манай улс 78 ДОХ-ын вирүс тээгчтэй /анхны тохиолдол бүртгэгдсэнээс хойш найм нь нас барсан/ байсан бол өнгөрсөн долоо хоногт дөрвөөр нэмэгдсэн. Зэрэг бүртгэгдсэн дөрвөн тохиолдлын гурав нь эрэгтэй, нэг нь эмэгтэй бөгөөд 19-43 насныхан. Он гарсаар 16 тохиолдол бүртгэгдсэнийг өмнөх жилүүдтэй харьцуулахад огцом өссөнийг ХӨСҮТ-ийнхөн сэрэмжүүллээ.

Ч.Зотол

Холбоотой нийтлэл:

SOS! ДОХ-ын вирүс тээгч дөрвөөр нэмэгдлээ

gambush Dr — Wed, 21 Jul 2010 16:43:56 +0000

ХӨСҮТ-ийн Тандалт судалгааны төвд өнгөрсөн долоо хоногт ДОХ-ын вирүсээр өвчилсөн дөрвөн хүн бүртгэгджээ. Дээрх тоог нэмбэл манайд одоо мэдэгдэж байгаагаар ДОХ-ын вирүс тээгч 78 боллоо. Дөрвөн тохиолдол зэрэг бүртгэгдсэн нь эмч нарыг түргэн авахуулсан байна.

Халдвар тээгчид 19-43 насных, гурав нь эрэгтэй, нэг нь эмэгтэй гэнэ. Тэдний нэг нь ижил хүйстэн бусад нь бэлгийн хэвийн амьдралтай, тодорхой ажилтай хүмүүс аж. Халдвартын эмч нар шинээр бүртгэгдсэн өвчтөнүүдэд өөр хавьтагч байсан эсэхийг тогтоохоор ажиллаж эхэлжээ.

Он гарсаар ДОХ-ын халдвартай 16 тохиолдол бүртгэгдсэн. Өмнөх жилүүдтэй харьцуулахад огцом өссөн гэдгийг мэргэжилтнүүд хэлж байна. ДОХ-ын вирүстэй хүн манай улсад бүртгэгдсэнээс хойш найман иргэн уг өвчний улмаас нас барсан юм.

Холбоотой нийтлэл:

Секслогичид хандвал яах бол?

gambush Dr — Fri, 16 Jul 2010 16:28:32 +0000

Сайн байцгаана уу? Та бүхэн миний асуудлыг чин сэтгэлээсээ хуваалцахыг хүсье! Би 23 настай, нөхөртэй. Нөхөр маань 24-тэй. Бид хоёр хүүтэй болоод 8 сар болж байна. Нөхөртэйгөө танилцаад 4 жил, бэлгийн харьцаанд ороод 2 жил болж байна. Тэр минь миний анхны эр хүн байсан. Түүнтэйгээ секс хийх гайхалтай сайхан байдаг ч дур тавьж үзээгүй л байна. Таашаал авч чаддаг ч дур тавибал үүнээс гоё байх байхдаа гэж бодогддог. Нөхөр бид 2 энэ тал дээр нэлээд анхаарч илэн далангүй ярилцдаг. Бичлэг үзэж байгаад янз бүрийн байрлал туршиж, төрөл бүрээр сексддэг. Манай хүн биерхүү болохоор эрхтэн нь ч боломжийн. Өмнөх найз охид нь бүгд л тавьдаг байсан гэсэн. Би туранхай, нэлээд өндөр. Биерхүү болохоор миний эрхтэн дундаж эмэгтэйчүүдийнхээс том юм болов уу гэж бодох юм. Нөхөр маань тэгэж хэлдэггүй ч надад л асуудал байгаа юм шигээ. Эмэгтэй хүн хүүхэд төрүүлэхээрээ тавьдаг болдог гэж сонсож байсан.Харин би хүүхэд гаргасан ч тавьдаггүй хэвээрээ. Эхэн үедээ бид 2 болно доо гээд нэг их тоодоггүй байсан ч цаг хугацаа өнгөрөх тусам санаа зовох боллоо. Тэр маань хоёулаа сайн секслогичид хандсан нь дээргүй юу гэсэн. Ингэлээ гээд тус болох болов уу? Ийм аргаар асуудлаа шийдсэн хосууд байвал тэр секслогичийнхоо хаягийг өгөөч. Та бүхнийг бид 2-т тусална гэж найдаж байна.

cekc.mn дээр ирсэн захидал

Холбоотой нийтлэл: