Сайн байна уу? Та бүгдээс туршлага зөвлөгөө сонсох гэсэн юм. Жирэмснээс хамгаалах тухай. Миний хувьд 27 настай. Ажил амьдралын шаардлагаар найз залуутайгаа байнгын харьцаанд ороод байх боломж ховор. 7 хоногтоо 1 ч юмуу заримдаа тэрнээс хол зайтай. Тийм болохоор байнгын дааврын эм уух нь тохиромжгүй байдаг. Бас лаа байдаг ч бас нэг талаар дутагдалтай. Бэлгэвч хэрэглэхээр эрэгтэй хүний хувьд эвгүй байдаг гэсэн шалтгаанаар хэрэглэх нь ховор. Одоогоор миний хувьд бэлгийн хавьтлын дараа үтрээгээ бургуйдаж угаадаг. Энэ нь бас нэг их сайн арга биш байх гэж ойлгодог учир нь лаа болон угаах зэрэг нь байнга хэрэглэхээр үтрээний тэнвцэрт орчин алдагдаж бактери үүсдэг гэж сонссон.

Тэгээд бодож бодож байгаад эмэгтэй бэлгэвч хэрэглэх нь зүйтэй юм байна гэсэн шийдэлд хүрсэн ч энэ тухай мэдээлэл хайгаад үзэхээр бас хэрэглэхэд төвөгтэй гэх мэт бэрхшээл сул талууд бас байдаг л юм байна тэгээд эргэлзчихлээ. Та бүгд хэрэглэж үзсэн хүн байна уу? Ер нь жирэмслэхээс яаж сэргийлдэг вэ? Эрүүл ахуй талаасаа ч мөн жирэмслэхгүй байх талаасаа ч найдвартай сайн арга мэдэх хүн байна уу?

Манай эхнэр сүүлийн 2 сарын турш бэлгийн харьцаанд орох үед өвдөөд байна гэдэг боллоо. Зарим үед өвдөх нь зүгээр байдаг л даа бид 2 хааяа л бэлгийн харьцаанд ордог. Уг нь ямар нэг элдэв өвчин байхгүй юм шиг байдаг юм. Байнга хийхгүй болохоор агшина гэж байх уу? Эсвэл дотроо үрэвсэн байж болох юм гэж би таамаглаж байгаа юм. Эхнэрээ үүрээр унтаж байх үед хүсээгүй цагт хавьталт орохоор мэдээж хуурай байгаа л даа тэрнээс болж шалбарч үрэвсэн юм болов уу гэж бодох юм. Хүн өвдөөд байхаар тухтай секс хийж болохгүй юм энэ тал дээр зөвөлгөө өгөөч! Бид 25-тай залуу гэр бүл…

Нас ахихад насжилтын өөрчөлт болон бэлгийн дааврын буурал эрчүүдэд ч адилхан тулгардаг. Онолын хувьд эрэгтэйчүүдэд сарын тэмдэг ирдэггүй учраас тэдэнд цэвэршилтийн үе гэж байдаггүй. Гэвч насжилтын улмаас эр бэлгийн даавар болох тестостерон дааврын хэмжээ буурдаг гэсэн баримт маш их байдаг.

Цэвэршилтийн насанд дөхөөд ирэхэд эмэгтэйчүүдэд халуу оргин хөлрөх, ааш зан өөрчлөгдөх, жин нэмэгдэх болон шөнө хөлрөх зэрэг шинж тэмдгүүд эстроген дааврын хэмжээ огцом буурснаас илэрдэг. Эмэгтэйчүүд цэвэршилтийн үедээ бага зэргийн цочролд ордог боловч эцэстээ түүнд дасан  зохицдог.

 Харин эрэгтэйчүүдийн эр бэлгийн даавруудын бууралт нь алгуурхнаар урт хугацааны турш явагддаг тул эрчүүдийн хувьд энэ нь том өөрчлөлт мэтээр мэдрэгддэггүй. Тестостероны хэмжээ 40 наснаас эхлэн аажим аажмаар унаж эхэлдэг тул эрчүүд ямар шалтгаанаар өөрт нь өөрчлөлт гараад,  өөрийг нь юу зовоогоод байгаа учрыг төдийлөн олж чаддаггүй.  

45-48 нас орчмоос эрэгтэйчүүдэд бэлгийн дур хүсэл буурах, бэлэг эрхтний хөвчрөх үйл ажиллагаа саатах, цаг үргэлж ядрах, ааш зан цухалдуу болох, жин нэмэх /ялангуяа хэвлийн эргэн тойрон/, үс шингэрэн унах болон сэтгэлээр хямрах зэрэг шинж тэмдгүүд мэдрэгдэж эхэлдэг.

Энэ насны онцлогийн талаар тайлбарлавал,  Эрчүүд нас нэмэхийн хэрээр цусанд нь бэлгийн даавар холбогч уураг болох глобулиныг (sex hormone  binding globulin – SHBG) хэмжээнээс хэтрүүлж боловсруулж эхэлдэг. Энэхүү глобулин нь идэвхитэй тестостеронд холбогдон бүх биеэр эргэлдэнэ. Тестостеронд холбогдсон  SHBG уургаас холбоо тасарсан тохиолдолд л өөрийнхөө үйлдлийг үзүүлэх боломжтой болдог ба энэ холбоо тасрах явдал нь өдрийн тодорхой цагуудад тохиолддог. Нас ахих бүр SHBG илүү үүсэх бөгөөд энэ нь эргээд биеэр эргэлдэх идэвхитэй тестостероны хэмжээг бууруулдаг. Идэвхтэй тестостероны хэмжээ буурсантай холбоотойгоор эр бэлгийн дааврын хямралын шинж тэмдгүүд илэрдэг.

Гайхалтай нь, үс унаж халзрах, дүнсгэр царайлах гэдэс суух зэрэг нь тестостерогены хэмжээ буурсантай холбоотой болох нь тодорхой ч гэнэт тэд гялалзсан шинэ машин худалдан авах эсвэл залуу насныхны хэрэглэдэг орчин үеийн шинэ загварын хувцас өмсөх сонирхолтой болдогийг тайлбарлахад хэцүү болдог.

Энэ бүхэн нь зөвхөн бодол санаанд байдагтай холбоотой юу?

Хижээл насны эрэгтэй хүний жин нэмдэг зэрэг өөрчлөлт нь насжилттай холбоотой бие махбодын өөрчлөлт байдаг ч бусад бэлгийн дур хүсэл буурах, сул дорой ядрамтгай болох эсвэл гэнэт гялялзсан машин авах тэр хөөрөл нь бүгд сэтгэл зүйтэй холбоотой юм.

Ихэнх эрчүүд хижээл насаа мэдрэхдээ хөгшрөлт эхэлж байна хэмэн бодож насны хязгаарт дөхөж байгааг мэдэнгүүт цочролд орж амьдралын цаг хугацаа урсан өнгөрч буйг мэдэрнэ. Энэ нь сэтгэл уналд хүргэж чадах ба ялагдал болон ядарсаныг нь мэдрүүлэх болно.

Энэ үед насаа мэдэрч эхлэхээс гадна амьдралын том өөрчлөлтүүдтэй тулгардаг учраас баргийн хүндрэлийг давж туулсан эрчүүдийг хүртэл хямралд оруулдаг байна. Хүүхдүүд өсөж амьдралаа хөөгөөд явахад аав нар бэрх болохоо мэдрэх, эсвэл ажил дээрээ хамт олондоо үнэлэгдэхээ болих айдас бүгд л эр хүнийг сэтгэл санааны тогворгүй байдалд оруулна.

Бусадтай ярилцаж сэтгэл санаагаа хуваалцах хэрэгтэй

Хүндрэлтэй тал нь, хижээл насны эрэгтэйчүүд сэтгэл санааны хямралд орохдоо тэр болгон өөрт тохиолдож буй өөрчлөлтүүдийн талаар ярьдаггүй. Тэд энэ өөрчлөлтөөсөө ичиж, биедээ болон сэтгэл санаанд гарч байгаа хямралыг тэвчих эсвэл аливаа нэг “шидэт” эмчилгээний аргууд хайн өөрт тохиолдож буй зүйлийг өөрөө эмчлэх гэж оролддог.

Харамсалтай нь эрэгтэйчүүд өөрт мэдрэгдэж байгаа өөрчлөлтүүдийг нуун дарагдуулах тусам хямралыг улам гүнзгийрүүлдэг. Стрессээ хэрхэн зохицуулж чадсанаас насжилтийн явцыг зохицуулж чадна.

Стресс, түгшүүр, сэтгэлээр унах болон өөртөө итгэлгүй болох зэргийг дагалдаад бэлэг эрхтний хөвчрөлийн сулралтаар илэрнэ. Өөрт тохиолдож буй өөрчлөлтүүдийнхээ бодит шалтгааныг олохын оронд эрэгтэйчүүд ямар нэг ид шидийн эмчилгээ, үнэтэй унаа, залуу эмэгтэйчүүдээр залуу насаа эргэж олж авах гэж оролддог.

Хэрвээ танд “цэвэршилтийн” шинж тэмдгүүд илэрвэл эмчид хандах нь таны авч чадах хамгийн сайн арга хэмжээ болно. Мөн хэрвээ танд тестостероны хэмжээний бууралтаас шалтгаалан биед өөрчлөлтүүд илэрч байвал цусны шинжилгээ хйдгэх хэрэгтэй.  Шинжилгээндээ бие дэх нийт тестостероны хэмжээг биш харин идэвхитэй тестостероны хэмжээг илрүүлэх хэрэгтэй.

Шинжилгээгээр таны бие дэх өөрчлөлтүүдийн шалтгаан нь тестостероны хэмжээтэй холбоотой байгаа эсэх нь тогтоогдвол тестостерон нөхөх эмчилгээ (Testosterone replacement therapy – TRT) хийлгэж болно. Гэвч энэ эмчилгээ нь эрсдэл дагуулдгийг анхаарах хэрэгтэй. Тестостерон даавар нөхөхөд далд хэлбэрийн  түрүү булчирхайн хавдар идэвхжих хандлагатай байдаг. Иймээс энэхүү эмчилгээг хийлгэх төлөвлөгөөтэй бол түрүү булчирхайн хавдрын сорил урьдчилан сэргийлэх үзлэгт орох шаардлагатай.

Өөрт тохиолдож буй эмгэгийнхээ талаар ярилцаж, гэр бүл болон найз нөхдөөсөө дэмжлэг авч байх хэрэгтэй.

Tестостерон орлуулах эмчилгээ хийлгэх заалт гарвал эмчтэйгээ өөрийнхөө бүх хавсарсан өвчин болон сэтгэл санааны байдлаа заавал тайлбарлаарай. Учир нь даавар орлуулах эмчилгээ нь бусад эмгэгийн шинж тэмдгийг дарагдуулдаг бөгөөд өвчний суурь шалтгааныг эмчлэхгүйгээр даавар дутагдлын өөрчлөлтөнд нөлөөлөх бололцоогүй байдаг.

Тэгэхээр танд бие махбодын болоод сэтгэл санааны өөрчлөлтүүд мэдрэгдэж, ярилцахгүй бол хямралын үеийг давахад бэрх болно гэж зөвлөмөөр байна.

Эрүүл амьдралын хэв маяг нь маш чухал юм. Наслалтын үйл явцын эмгэгийг хялбархнаар давж өнгөрөхөд тогтмол дасгал хийж, тэнцвэрт хоолны дэглэм барьж, архи тамхиныхаа хэрэглээг зохицуулвал таны гоо үзэмж сайжирч, аз жаргалаар баялхаж стрессээс ангижрах болно.

Танд эр хүний “цэвэршилт” байна уу?

Та дараах асуултуудад тийм эсвэл үгүй гэж хариулаарай:

1. Та эрч хүчээр дутаж байна уу?
2. Таны хүч чадал, тэсвэр тэвчээр буурсан уу?
3. Танд бэлгийн дур хүсэл алдагдах, эсвэл ямар нэгэн саатал байна уу?
4. Та үргэлж л цухалдуу, уцаартай болж байна уу?
5. Та өөрийн ажил болон тэтгэвэрт санаа зовж байна уу?
6. Та саяхан жин нэмсэн үү?
7. Таны амьдралын идэвхи буурсан уу?
8. Та байнга түгшүүрлэж, стресстэй байна уу?

Хэрвээ та дээрхи шинж тэмдэгүүдэд гурваас илүү “ тийм” гэсэн хариулт өгсөн бол эмчийн хяналтанд орох шаардлагатай.

Витамин болон нэмэгдэл тэжээлээр тэнцвэржүүлэх

• Б ВИТАМИНЫ АГУУЛАМЖИЙГ ИХЭСГЭХ: Эдгээр нь тестостероны ялгаралтанд хэрэгтэй бөгөөд эрч хүчийг нэмэгдүүлэх, мөн бэлэг эрхтэний цусан хангамжийг сайжруулахад тусалдаг. Өдөр болгон В витамины цуглуулгыг хэрэглэх хэрэгтэй.
• ЦАЙР ХЭРЭГЛЭХ (Zn): Эрэгтэйчүүдийн цайрын хомсдолоос тестостероны түвшин буурч  бэлгийн дуршил буурч, эр үрийн эсийн тоо багасдаг. Цайр нь тестостероныг идэвхитэй хэлбэрт хувиргах энзимийг бий болгоход хэрэгтэй байдаг. Тамхи, архи ба кофе нь таны цайрын хэмжээг биеэс угааж гаргадаг тул эдгээрээс аль болох татгалзах хэрэгтэй. Цайрыг мультвитамин болон эрдэсийн нэмэлт тэжээл хэлбэрээр хэрэглэх хэрэгтэй. Цинк нь жирэмслэлт болон  түрүү булчирхайн эрүүл мэндэд сайн нөлөөтэй.
• ХҮН ОРХООДОЙ (GINSENG): Энэ нь стресс болон эрчмийн түвшинг дэмжиж тестостероны хэмжээг нэмэгдүүлэхэд туслана гэдэгт итгээрэй.

Бэлгийн сэрэл үүсч бэлгийн харьцааг гүйцээхэд олон эрхтэн системүүд харилцан оролцдог ба үүнд тархи, нугас, мэдрэл, цусны судсууд, нөхөн үржихүйн эрхтнүүд ба олон дааврууд (тухайлбал тестостерон даавар маш том үүрэг гүйцэтгэнэ). Эдгээр эрхтнүүдийн аль нэг аливаа хямралд ороход бэлгийн ажиллагааны алдагдалд хүргэнэ.

Хичнээн эрчүүд үүний талаар яриад байдаггүй боловч ихэнхи нь амьдралынхаа нэг үе шатанд бэлэг эрхтний чангарах үйл ажиллагааны алдагдлын шинж тэмдгийг мэдэрдэг байна. Бэлэг эрхтний чангарлын алдагдлаас зовох зүйл огт үгүй. Үндсэн шалтгааныг олоход төвөгтэй байдаг ч сайн тал нь үүнийг үргэлж эмчилж болдог байна.

Бэлэг эрхтний чангаралын үйл ажиллагааны алдагдал нь ихэнхи тохиолдолд эр хүний ажлын ачаалал, стресс болон амьдралд нь тохиолдож буй сэтгэл санааны хямралаас болдог ба харин тэдгээр хямрал нь биеийн эрүүл мэндийн байдал өвчлөлийн гаралтай байгаа эсэхийг олж тогтоох хэрэгтэй. Бэлгийн сулрал гэдэг нь аль нэг шалтгаанаар бэлэг эрхтний шаардагдах хэсгүүдэд хангалттай хэмжээний цусан хангамж очихгүй байснаас өмнө нь чангардаг байсан шиг түвшинд хүрэхгүй болсныг хэлнэ. 

ХЭВИЙН ҮЕД ЧАНГАРАХ ҮЙЛ ЯВЦЫГ ТАЙЛБАРЛАХ НЬ

Бэлэг эрхтний чангарал нь бэлгийн сэрэлээр нөлөөгөөр цусаар дүүрснээс үүснэ. Чангарах үйл явц нь маш нарийн нийлмэл биологийн ухагдахуун ба голчлон 2 төрлийн нэгдлийн оролцоотой явагдана.

Эдгээр нь азотын исэл (АИ) ба циклогуанозинмонофосфат (цГМФ) ба эрэгтэй эмэгтэй хүмүүсийн бэлгийн сэрэл хөдлөлтөнд их үүрэг гүйцэтгэдэг нэгдлүүд юм.

Энэ хоёр хоёулаа бэлэг эрхтний гөлгөр булчинг сулладаг ба эрхтний цусны судсуудыг зохицуулах үүргийг хариуцна. Тестостероны нөлөөгөөр бэлгийн сэрлийн үеэр бэлэг эрхтэнд их хэмжээний цус оруулан дүүргэхийг энэ азотын хүчил болон цГМФ удирдана. Энэ нь АИ, цГМФ– ийн хэмжээ тестостероны дутагдлаас болж буурч чангарах үүргээ гүйцэтгэж чадахгүй болдог байна.

Чангарах үйл явцад бэлэг эрхтний цусан хангамж хэвийн зөөлөн үеийнхээс 30-60 дахин их болдог байна. Бэлэг эрхтнээс буцаж зөөвөрлөхөд 120 мл цусыг эргэж шахаж гаргадаг байна.

Хэвийн үед бэлэг эрхтний доторхи даралт нь 10-15 мм. м.у.б байгаад бүрэн хэмжээгээр чангарсан эрхтний цусны даралт 120 мм. м.у.б-ээс их болдог байна. Дур тавьсны дараа, окситоцин хэмээх дааврын нөлөөнд цГМф- ын хэмжээ огцом буурдаг байна.

Энэ нь цусны судаснууд агшиж эрхтэнд цус их хурч чангарснаас болдог. Үүний дараа эрхтний цусан хангамж буурч, тогтонги байсан цусны урсгал хурдасч цус хангамж буурахад эрхтэн буцан суларч хэвийн байдалдаа ордог.

ЧАНГАРАХ ҮЙЛ А ЖИЛЛЛАГАА АЛДАГДАХ БУЮУ БЭЛЭГ ЭРХТНИЙ СУЛРАЛ

Хамгийн түгээмэл шалтгаан бол цусны судаснуудын эрхтэнд цус хүргэх чадвар алдагдах юм. Энэ нь биеийн болон сэтгэл зүйн шалтгаантай байж болох ба и хэнх тохиолдолд хоёулаа байдаг. Биеийн буюу эд эрхтний чангарал сулрах шалтгаан нь ар хаг хууч өвчнүүдээс болно. Жишээлбэл: -цусны даралт ихдэх -зүрхний өвчин -холестеролын түвшин их -тестостероны түвшин бага -түрүү булчирхайн томрол -чихрийн шижин

• Мэдрэлийн эрхтний тогтолцооны эмгэгээс бэлэг эрхтний мэдрэлийн хямралууд байж болно.
• тайвшруулах, цусны даралт бууруулах эмүүд, антихолинэргик эмүүд, кортокостероид дааврууд болон бусад эмүүд нь бэ лэг эрхтний сулралд хүргэдэг.
• Өнчин тархины үйл ажиллагаа алдагдан пролактин даавар хэт их хэмжээгээр ялг арч тестостероны ялгарлыг дарангуйлдаг.
• Бэлэг эрхтний сулрал нь нас тогтсон эрчүүдэд элбэг тохиолдох нь хань ижилгүйн сэтгэлийн хямрал, ажлын дарамт, гэр бүлийн болон хувийн харилцааны асуудалтай байгаа хүмүүсд тохиолдоно.
• Бэлэг эрхтэн орчмын болон аарцаг хавийн бэртэл гэмтлийн дараа, эсвэл аваар ослоос үүдсэн мэс ажилбарын дараа аарцгийн цусан хангамж муудсанаас болох.
• Дунд насны бэлгийн дааврын бууралын үед эрчүүдийн эр бэлэг эрхтэнд цусан хангамж хүргэгдэх нь сааталтай болж цус хангалттай хэмжээгээр очихгүйгээс эрхтний чангарал сул болж үүргээ гүйцэтгэж чадахгүйд хүргэнэ.
• Өөртөө итгэлгүй байдал, аз жаргалгүй байх, сэтгэл зовних нь 21-р зууны эрчүүдийн дунд их тархаад байгаа. Сэтгэлийн хямрал нь артерийн судсаар бэлэг эрхтэн рүү урсах цусны урсгалыг саатуулдаг байна. Сэтгэл санааны байдал, тааламжгүй мэдрэмжүүд нь сэтгэл зүйн байдлыг бүрэн гэмтээхгүй ч бэлэг эрхтний эрүүл байдалд нөлөөлнө.
• Эрүүл мэндийн байдал болон амьдралын хэв маяг ихээр нөлөөлнө. Тамхи татах, шар айраг уух нь бэлэг эрхтэнд очих цусан хангамжийг бууруулдаг. Судалгаагаар бета блокатор зүрхний болон, тайвшруулах эм бэлдмэлүүд нь ижил төрлийн хортой нөлөөг бэлэг эрхтэнд үзүүлдэг нь батлагджээ.

Өөрийн бэлэг эрхтний чангаралын үйл ажиллагааны алдагдлын зөв шалтгааныг эмчид хандан тодорхойлуулснаар хамгийн тохиромжтой эмчилгээний аргыг нэвтрүүлж эмчлэх боломжтой.

Авах арга хэмжээ

Viagra, Cialis эсвэл Levitra нь цГМФ-ын концентрацыг нэмэгдүүлдэг. Эдгээр эмүүд нь чангаралтыг сайжруулах ашиг тус ихтэй сайн үйлчилдэг эмүүд юм. Гэхдээ эдгээр нь 60% орчим амжилттай үйлчилдэг. Эмүүд зөвхөн эрчүүдийг бэлгийн сэрэл үүссэн үед үйлчилдэг. Бэлгий дур хүсэл султэй эсвэл хүсэлгүй эрчүүдэд үйлчилдэггүй байна. Тестостероны үйлчлэлд ямар нэгэн нөлөөл үгүй ба АИ, цГМФ үүсэхэд тестостерон зайлшгүй хэрэгтэй тул тестостероны түвшин бага үед Viagra, Cialis эсвэл Levitra сайн үйлчилдэггүй талтай.

Энэ үед тестостерон эмчилгээг хийснээр асуудлыг илүү өөрчлөх боломжтой. Эцэст нь хүний бэлэг эрхтэн чангарахад бодсоноос ч илүү тестостерон шаардлагатай байдаг байна. Иймээс эдгээр эмүүдийг болон тестостерон эмчилгээг хэрэглэхийг зөвлөдөг байна.

Виагра нь эдгээр эмүүдээс худалдаанд гарсан анхдагч нь байсан ба хоолны хамт болон согтууруулах ундаатай хэрэглэж болохгүй. Ерөнхийдөө 30-60 минутын дараа үйлчилж эхлэх ба 8 цагийн турш үйлчилнэ. Нэг удаагийн тун нь 50-100 мг.

Levitra нь Виагратай төстэй ба гэхдээ хоол эсвэл согтууруулах ундаатай уухыг зөвшөөрдөг. Нэг удаагийн тун нь 10-20 мг. Үйлчилж эхлэх нь арай хурдан.

Cialis бол нөгөө хоёроосоо арай өөр. Үйлчилж эхлэх нь арай удаан (45 минуутаас – 3 цаг хүртэл) харин үргэлжлэх хугацаа нь хамаагүй урт бөгөөд 2-3 өдөр үйлчилдэг тул амралтын өдрүүдийн дэмжлэг гэж нэрлэгдэх олонтаа.

Дасгал хөдөлгөөн

Хэрэв асуудалд стресс нөлөөтэй гэж үзвэл бэлгийн сулралыг эмчлэх аргад стрессийг удирдах, багасгах аргуудыг зөвлөнө. Мөн дасгал хөдөлгөөний хөтөлбөрд хамрагдах, гүйх, иогын дасгал нэмж болно. Иог дасгалаар хийгддэг амьсгалын дасгалууд стрессийн дарамтнаас гарах тустай байдаг. Олон эрчүүд өөрсдийн стрессийг тайлснаар бэлгийн сулралыг дийлж чадсан гэж үздэг байна.

Байгалийн эмчилгээ

Эдгээр тохиолдлуудад байгалийн уламжлалт аргуудыг эрчүүдэд зөвлөдөг ба үр дүнгээр ялгаатай байдаг. Бэлэг эрхтний сулралын эмчилгээнд хэрэглэхэд судлагдсан ургамлуудад Yohimbe, Gamma-Butyrolactone, Gingko, Maca, L-arginine болон DHEA нар ордог.

ЭРЧҮҮДИЙН БЭЛГИЙН ҮЙЛ АЖИЛЛАГАА БА НАСЖИЛТ

Эрчүүдийн бэлгийн чадамжийн оргил нас нь бэлгийн бойжил хожуу насандаа байдаг. Тэр наснаас хойш мэдрэмж аажмаар буурч эхэлдэг.

Хожуу насанд бэлэг эрхтэн удаж байж чангарч, сэрлийн оргилд удаан хугацааны дараа хүрч, дур тавих болон үрийн шингэн гадагшлуулахад хүчгүй болдог. Үрийн шингэний хэмжээ багасах нь сэрлийн хүч буурсантай холбоотой. Бэлэг эрхтэн бэлгийн харьцааны дараа амархан зөөлөрч хэрэв дахин чангарахад хүрвэл маш удна. Бэлгийн харьцаанд орох сонирхол үгүй болно.

Цэвэршилтийн үед эрчүүдийн дааврын ялгаралт буурч хэмжээ нь багасах ба үүнтэй холбоотойгоор сөрөг шинжүүд ажиглагдана. Эрэгтэй эмэгтэй хүмүүсийн ялгаа нь гэвэл эмэгтэйчүүдэд дааврын өөрчлөлт маш түргэн явагддаг бол эрчүүдэд энэ нь маш удаан аажим болдог байна. Энэхүү аажим өөрчлөлтийг эрчүүд насжилттай холбоотой хэмээн үзэж байхад үүнд хэрэг дээрээ тестостероны түвшин буурсан байх нь олонтаа.

Тестостерон дааврын түвшин буурахад хүргэдэг шалтгаан :

• -эр бэлгийн дааврын тэнцвэрийн алдагдал
• -эстрогений илүүдэл нь тестостеронтой холбогддог SHBG уургийг ихэсгэж сул хэрэглэгдэх тестостероны түвшинг бууруулна
• -тестостероныг эстроген болгож хувиргадаг өөхний эсүүдийн ферментүүд идэвхжсэнээс
• -стрессийн даавар кортизол ихэдсэнээс
• -тестостероны нийлэгжил (DHEA) дарангуйлагднаас
• -яс болон булчингийн эсүүд илүү хурдтай задарсанаас
• -бамбай булчирхайн үйлдэл саатсанаас
• -бэлгийн сэрэл багассанаас

Даавар эмчилгээ

Хэрэв эмч тань андропаузын шинжүүдийг илрүүлж дааврын тэнцвэрийн алдагдлыг оношловол тестостероны гел, тос эсвэл эмүүдийг тэнцвэржүүлэх зорилгоор зөвлөнө.

Тестостерон нь холестеролыг багасгаж, кальцийг хадгалж зүрх судсыг хамгаалдаг ба бэлгийн дур хүслийг нэмэгдүүлдэг. Эмэгтэйчүүдэд 1-2 мг/гр-г зөвлөдөг ба шаардлагатай бол нэмнэ. Эрэгтэйчүүдэд 5%-ийн тосон түрхлэг ба мөн шаардлагатай бол нэмж хасна.

Тестостероны нийлэгжилд оролцдог бөөрний дайвар булчирхайны даавар болох DHEA мөн нилээд их хэмжээгээр багассан байдаг. Мөн DHEA нь эсүүдийг тестостероны үйлчлэлд илүү мэдрэг болгож чаддаг байна. Хэрэв DHEA –ийн түвшин буурвал тестостероны идэвх буурч үр дүнд нь тестостероны дутагдалд хүргэнэ. DHEA-ийн нэмэлт тэжээл нь нь эр даавруудыг үл тэнцлийг зохицуулахад тусалдаг.

Өөрийн бэлэг эрхтний чангаралын үйл ажиллагаа алдагдсаны зөв шалтгааныг өөрийн эмчид хандан тодорхойлуулснаар хамгийн тохиромжтой эмчилгээний аргыг нэвтрүүлж эмчлэх боломжтой.

Сайн байна уу. Би энэ сайтыг хааяа уншдаг юмаа. Энэ хурдан тавьдаг эрийн тухай бичсэн нийтлэлт коммент бичих гэсэн чинь идэвхитэнгүүт таг дүүргэж орхижээ. Тэгээд өөрөө бичие гэж бодлоо. Би биеийн тамираар хичээллэхгүй, хааяа пиво, архи уугаад тамхи татахаар хурдан тавьдаг болчихдог юм. Тэгэхээр хурдан тавьдаг нөхөртэй хүүхнүүд нөхрөө зааланд тоглуулж хөлсийг нь гаргаад үзвэл ямар вэ гэж бодож байна. Мэдээж 1, 2 тоглоод сайжрахгүй. Долоо хоног бүр 1 удаа зааланд тоглох, энгийн үед алхах /зайсанруу алхахгүй юу/ гэх мэтээр байвал 1 сарын дараа үр дүн харагдана аа.

Одоо цаг шөнийн 3 цаг болж байна. Би төрөлхийн том төмсөгтэй буюу /эвэрхий/ энэ байдлаасаа үнэн залхаж байна хүнтэй олигтой унтаж болохгүй эмнэлэгт үзүүлэхэд наад 2 шаариг чинь бүр ажиллагаагүй болчиж гэх юм тэгэхдээ сайн хагалгаанд орвол арай дээрдэж магадгүй гэсэн. Үүнээс болж санаагаар унаад байна ядаж байхад эхнэр маань илт хүн амьтантай гүйгээд гэр орондоо ирэхгүй хоногоор алга болоод хэлээд ч үгэнд орохгүй гэр орон хэрүүл зодооноор тасрахаа байлаа. Ийм байдал бүхэл бүтэн жил гаран үргэжиллээд арга буюу би эхнэрээсээ их гуйсан. Яахуу би сексдээ муу байж болно намайг эмчилгээ хийтэл түр хүлээгээч би эдгэрнэ гэж нэг гуйж уйлж үзлээ огт нэмэр болсонгүй ээ.

Тэр маань намайг орхиод өөр хүнтэй амьдрал зохиолоо. Би яахуу явсаар он жил ховорсоор хааяа бүсгүйчүүдтэй танилцаад дотносоод сексгүй болзоо удаан ургэжилдэггүй юм билээ. Аль болох хөгжилтэй байсан ч удалгуй бас л салалт энэ баахан салалтаас үнэхээр залхаж байна. Би байнга эмнэлгийн хяналт ороод нэг л ДОХ хүрсэн амьтан шиг сексээс тусгаарагдмал амьтан. Хагалгаанд орлоо дээрдсэн юм ер байхгүй нөгөө л зэрэмдэг амьтан. Биэ хаа булчин шөрмөс нүд хөмсөг бүгд байхад хамгийн чухал төмсөг байдаг л юм байна. Одоо 29-тэй болжээ төмсөг маань урьдын шигээ бодвол арай жижгэрсэн. Хүнтэй танилцая гэxэд бүр зориг хүрэхээ болисоон. Би бүр зожигорч дууслаа баахан олон хүнтэй газар очихоороо бухимдаад нэг л ганцаардмал амьтан хүнээс нуугдсаар л… Амиа ч хорломоор санагдаад байдаг болчихлоо. Сексгүй амьдрал үнэн утгагүй гунигтай юмаа.

Би нөхөр хүүхэдтэй, 30 настай, европын нэг оронд амьдраад удаж байна. Сексийн амьдралдаа сэтгэл дүүрэн байдаг. Гэхдээ орал секс маш цөөхөн хийдэг. Нөхөр маань дуртай боловч намайг эсэргүүцэхээр хийлгүй орхидог. Яагаад ч юм онцгүй үнэртэж амтагдаж байгаа бол яанаа санаа зовсоор сексдээ бүрэн анхаарч чаддаггүй. Усанд ордоггүй гэж бүү бодоорой. Эмэгтэй хүн болсон хойно ариун цэвэртээ анхаарч өдөр бүр усанд ордог. Гэхдээ эм бэлэг эрхтэний өөрийн үнэр амт гэж байдаг шүү дээ. Дээрээс нь нэмэгдэд бие засах болгондоо эрхтэнээ угаагаад байлтай биш. Секс хийх болохоороо би угаачаад ирий гээд гүйгээд яваад өгөлтэй биш. Секс гэдэг гэнэт л дур хүсэл оргилоод хаана ч хамаагүй хиймээр санагддаг зүйл учир заавал орой унтахасаа өмнө эрхтэнээ угаачаад орондоо орноо гээд шийдвэрлэчих асуудал биш шүү дээ. Эмэгтэйчүүд та бүхнээсээ асуухад энэ асуудлаа яаж цохицуулдаг вэ? Эрэгэйчүүд та бүхэн эмэгтэй хүний бэлэг эрхтэний үнэрийг хувьдаа юу гэж бодож явдаг вэ?

Сайн байна уу? Та бүхэнд энэ өдрийн мэнд хүргэе. Та бүхнээс нэг юм асуух гэсэн юм. Би нөхөртэйгөө танилцаад 3 жил болж байна. Сүүлийн үед бид 2 давтамжтай мөөгөнцөрдөх боллоо энэ нь муу юу? Яаж эмчилэх вэ? Эмчид үзүүлэхээс санаа зовоод байх юм та бүхнээс өөр тус болох хүн алга туслаарай. Бүр сүүлдээ нөхрөө өөр хүнтэй явалдаад байгаан болуу ч гэсэн бодол төрхийн, би нөхөртэйгөө танилцсанаасаа хойш өөр эр хүнтэй ойртож байгаагүй. Энэ өвчин юунаас болж үүсдэг, яагаад дахин дахин давтагдаад байгаан бол? Та бүхэн мэдэдгээ хэлээд өгөөч ямар эм, тариа хэрэглэдэг юм бол зөвлөөрэй.

Сайн байна уу. Би 25 настай нөxөртэйгөө xамт урд амьдардаг болоxор эмнэлэгт үзүүлсэн ч xэлний бэрxшэлээс болоод сайн ойлголцож чадаxгүй байгааюм. Тэгээд та бүxнээс нэг зүйлийг асууx гэсэн юм. Секс xийж байx үед тараг шиг цагаан зүйл гараад байx юм, надаас уу, эсвэл нөxрөөс үү гэдгээ мэдэxгуй байна энэ юу юм бол? Өвчин юм болов уу гэж бодоxоор өөр өвчний шинж тэмдэг байxгүй. Тэгээд Xятдад эмэгтэйчүүдийн эмчид үзүүлье гэxийг xятадаар юу гэдэг юм болоо xэлж өгч туслаач.

Бэлэг эрхтний ариун цэвэр, угаалга нь зөвхөн эмэгтэй хүнд хамаатай асуудал биш. Бэлгийн ариун цэвэр бол мөн эрчүүдэд адилхан хамаарна. Эр бэлэг эрхтэн, ялангуяа тээрхийн арын ховилд их хэмжээний тосны булчирхай байдгаас байнга тослог өнгөртэй байдаг. Энэхүү тослог өнгөр нь хорт хавдар үүсгэдэг бодис агуулдаг болохыг эрдэмтэд тогтоосон юм. Иймд эрчүүд сексдэхийн өмнө бэлэг эрхтнээ сайтар савандаж угаахгүй бол хорт хавдар үүсгэдэг бодис агуулсан эл тослог өнгөр нь эмэгтэй хүний бэлэг эрхтэнд наалдаж хоцорно гэсэн үг. Vүнээс үүдээд умайн хүзүүний хорт хавдраар өвчлөх нь их байж болохыг судлаачид анхааруулж байна. Зарим үндэстэн, ялангуяа лалын шашинтан нар эрэгтэй хүүхдийн тээрхийн доод талын холбоос хөвчийг багад нь огтолж таслах ёс үйлддэг.

Энэ нь тээрхийн ард шамрангийн дор тослог өнгөр хуралдахаас сэргийлэх зорилготой аж. Судалгаанаас үзэхэд, ийм нөхөртэй эмэгтэйчүүд умайн хүзүүний хорт хавдраар бага өвчилж байна. Гэвч энэ нь умайн хүзүүний хорт хавдраас урьдчилан сэргийлэх зорилгоор хөвчийг огтлох ёсыг дэлгэрүүл гэсэн үг биш. Харин “ингээгүй” ч гэсэн бэлэг эрхтнээ өдөр болгон савандаж угаагаад байвал үүнээс дутахгүй ач холбогдолтойг хэлж байгаа юм. Эмэгтэй хүн ч нөхөр, партнёроо ингэж угааж сургах шаардлагатай. Мөн умайн хүзүүний хорт хавдар үүсэхэд бэлгийн ариун цэврээс гадна олон дахин гэрлэх, олон удаа үр хөндүүлэх, 18 нас хүрээгүй байхад төрөх, эрт цэвэрших зэрэг олон хүчин зүйл нөлөөлж байна.