Би өөрийгөө хэзээ  ч өөрөөсөө дүү тэр тусмаа 5 дүү хөвгүүнийг сонирхож, бүүр дасаж тэрнээс өөр хүнийг надад тохирохгүй гэж бодож байсангүй. Одоо би 20-той тэр 15-тай гэхэд арай дэндүү л дээ. Бодохоор инээд хүрээд байдын. түүний ярьж байгаа нь итгэмээр ч ийм залуу насанд арай л их зөрүү байна гэж боддог. Хэрэв би 27 юмуу 28-тай байсан бол тэр 23-тай яг л таарах байсан байх. Гэхдээ л би түүнд хайртай надад тэрнээс илүү намайг ойлгох, хайрлах хүн байхгүй болов уу гэж боддог. Би ч тэрнийг бодвол хүүхэд шиг санагдах үе байдаг. Тэр надаас илүү ухаантай, миний бодоогүй зүйлсийг аль хэдийн бодчихсон байдаг. Бид 2 харьцааг тэр илүү сайн мэдэрдэг. Ер нь бол би түүнд маш их итгэдэг, ерөнхийдөө бол тэр хүмүүсийн хэлдгээр хашир туршлагатай гэмээр. Тэр ямарч хүнийг өөрийн болгохоор санагддаг.

Түүний хэлж байгаа үгс нь маш тогтвортой, яг үгийг нь олж хэлдгийг нь их гайхдаг. Бас сэргэлэн, хөгжилтэй, найз нөхөд ихтэй, яаж амьдрах юу хийхээ ч ярина шүү. Ер нь бол надтай хэзээ ч учрахааргүй л хүн гэж боддог. Нэг ийм асуудлын талаар ярилцах гэсэн юм…

Би одоо 21 настай төгсөх курсын оюутан ээж аав дүү 3-тайгаа хамт амьдардаг. Одоо надад би энэ гэрт илүүдээд байгаа юм шиг санагдаад ээждээ байнга гомдоод бүр үзэн ядаад ч байгаа юм шиг санагдаад байна. Би бусад охид шиг шоудаад явдаггүй илүү дутуу зан надад байдаггүй л дээ харин гэрийнхэнтэйгээ таарахгүй их хэцүү байна. Дүү маань одоо 17 настай 11-р ангийн сурагч л даа. Энэ гэрт илүүдээд байгаагийн шалтгаан нь манай дүү, тэр байнга л намайг дээрэлхэж доромжилдог зүгээр байсан ч үргэлж л чиний ирээдүйн нөхөр хог түүдэг хүн байна даа чи гуйлгачин болно гээд л намайг элдвээр доромжилдог. Би үүнийг нь тэсэлгүй хэрэлдээд тэгээд сүүлдээ зодолддог болсон одоо бол зодолдох бииш зодуулдаг болсон. Саяхан бас л ийм шалтгаанаар зодолдоод дүү маань нмайг үнэхээр аймар зодсон тэгээд миний дургүй хүрээд гэрээсээ яваад өгсөн юм. Гэртээ очилгүй 3 хоног найзийндаа байлаа. Ээжийгээ над руу утасдах байх гээд их хүлээлээ даанч ээж утасдсангүй. Яагаад гэвэл манай ээж юу ч болж байсан надад дандаа л чиний буруу дүүгийн чинь зөв гэдэг.

Миний зөв байсан ч тэгэж л хэлдэг энэнээс нь болоод манай дүү үргэлж л намайг дээрэлхэж элдвээр доромжилдог. За тэгээд 3 хоночихоод гэртээ иртэл ээж аав 2 намайг хаагуур тэнээд ирэв чиний буруу гээд л тэгээд аав согтуу байснаа намайг зодоод л сандал, ширээ чийдэн гарт нь таарсан юм болгоноор л нүдсэн  тэгээд л бас миний буруу болоод л дууссан. Маргааш нь аав эрүүл болчихоод аргадах гэж хэдэн үг хэлсэн гэхдээ би аавдаа үнэн голоосоо гомдож байна. Хүү нь охиныг нь элгэдэж унагаад дэвсээд зодсон байхад охиноо өрөвдөхийн оронд нэмээд зодож л байдаг. Гэр орны ихэнх ажлыг би хийдэг учир нь манай дүү бөөр муутай гээд юу  ч хийдэггүй ус авах мод түлээ зөөх гээд л бүгдийг л би хийдэг. Ээж дүүг байнга өмөөрдөг болохоор дүү маань одоо намайг улам л дорд үзэж харьцдаг болоод байна. Гэртээ нэг газзар зүгээр суусан ч хажууд ирээд бос би сууна гээд л эсвэл бохирдуулсан юмаа цэвэрлэ гэвэл “чи надад үг хэлдэг хэн юм би чамаар үг хэлүүлэхгүй” гээд л элдэв янзаар доромжилдог.

Ээждээ бол бүр гомдоод хэлэх ч үг олдохгүй байна. Би чинь эмэгтэй хүн шдээ ээжтэйгээ дотно байж ярилцмаар юм зөндөө л байдаг даан ч миний ээж намайг тоодоггүй хэлж байгаа үгийг минь ч сонсдоггүй тэгэсгээд л өнгөрдөг бага байхийн л  ийм байсан болхоор одоо бол би ээжтэйгээ биш бусад хүмүүст л илүү дотно байдаг. Миний ээжээсээ хүсдэг зүйл тийм хэцүү зүйл биш л дээ уг нь бол… миний охин яасан? Миний охин яагаад  ингээд байгаан? Ээждээ хэлчих… энэ хэдэн үгийг хэлчихэд л надад хангалттай. Даанч ээж минь надад энэ үгийг ховорхон хэлдэг юм даа. Надад энэ 3 хүн энэ хорвоогийн хамгийн чухал хүмүүс… Харин тэдний хувьд би хэн ч биш бололтой. Урт захидлыг минь уншсанд баярлалаа надад чин сэтгэлээсээ зөвлөөч битгий хараалын үг бичээрэй

Сайн байцгаана уу. Та бүхэнд энэ өдрийн мэнд хүргэе. Намайг Ундармаа гэдэг 26 настай. Нэг хувийн байгууллагад ажилладаг. Санаандгүй тохиолдлоор нэг араб залуутай танилцаад уулздаг болоод удаж байна. Өмнө нь хэд хэдэн хүнтэй үерхээд бүтэлтэй юм болоогүй. Архи завхайралт, хууран мэхлэлтээс болоод салсан. Анхандаа хэл соёл шашин нтр гээд бүх л зүйл нь өөр байсан учраас  зайгаа их барьдаг байлаа. Гэхдээ монгол хэл заагаад өгөөчээ гэж гуйхад нь сонирхолдоо хөтлөгдөөд зөвшөөрчихсөн. Тэгээд л долоо хоногтоо хэд хэд уулзаж хэл заадаг болсон. Гэрээ хөлс мөнгө нь ч боломжын санагдлаа.  Би ч бас яаж зүгээр байхав ашиглачих санаатай Англи хэл заалгадаг байлаа. Цаг хугацаа өнгөрөх тусам уулзалтууд ч нэмэгдэж тэр хүнийг ч өөр нүдээр хардаг болсон байсан. Олон жил европт сурсан болоод тэрүү лалын орны хатуу дэг жаягаас ангид мэт санагдаж эхэлсэн. Тэр залуутай удах тусамаа улам л дасаж байгаагаа мэдэрсэн учраас салах гэж ч үзсээн.

Хэсэг хугацаанд өөр газарлуу явж, мөн эцэг эх маань зөвшөөрөхгүй байна ч гэж хэлж үзсэн. Гэвч хойноос байнга ярьж, мессенжерт таарахаараа уйлаад үнэхээр хэцүү байсан. Өөрөө ч сайн болсоноо мэдэрсэн. Урьд нь гадаад найз залуутай байсан ч сууна гэж хэзээ ч боддоггүй байсан учраас харьцаагаа гүнзгийрэхээсээ өмнө холбоогоо тасалсан. Харин энэ хүнээс болоод яаахаа ч мэдэхээ больчихоод байна. Монголд олон жил амьдарсан болоод тэрүү зан аашын хувьд яг л монгол хүн шиг. Гэхдээ л гадаад хүн гэхээр хэцүү юм. Интернэтээр янз бүрийн мэдээлэл ч их хайлаа. Шүүрээд авчих юм олдсонгүй. Харин саяхан энэ сайтыг олоод захиа бичээд үзэхээр шийдлээ. Та бүхэн минь зөвөлгөө өгөөч…

Сайн байцгаана уу? Би одоо 22 той. Энэ жил сургуулиа төгсөнө. Бас нэг компанид ажиллаж байгаа. Амьдрал ч уг нь дажгүй л байна. Гэтэл сүүлийн үед би өөрөөсөө гурав дүү хүнтэй хайр сэтгэлийн холбоо үүсгээд ёстой нэг толгой эргэж гүйцэж байна аа. кк. Тэр надад маш их таалагддаг байсан. Тэгээд дүү гээд орхичихдог байсан байхгүй юу. Гэтэл тэр саяхан надад би ч гэсэн таныг харж явдаг, үнэхээр их хайртай болчихсон, танаас өөр төгс эмэгтэй байхгүй гээд л бүх юм эхэлсэн. Одоогоор бид хоёр өдөр болгон мессенжерт, эсвэл утсаар мессеж бичээд л. Би яг л арван жил төгсөхдөө ангийнхаа нэг бандитай халуун дурлал үүсгэж байсан тэр үеийнх шиг мэдрэмж төрдөг болчлоо. Догдлоод л тэнэг юм шиг өдөржин инээд алдаад л. Гэхдээ миний сэтгэлийг нэг зовоогоод байгаа зүйл юу гэхээр тэр надаас дүү болохоор бид хоёрын ирээдүй нэг л бүрхэг юм шиг. Бас би одоо төгсөөд ажил нтэр хийхээр хоосон оюутан бацаанууд хэрэггүй гээд найзууд маань загнаад байхын. Тэгээд бодохоор аймаар хэцүү ч юм шиг. Түүнийг хөлөө олтол нь хүлээе гэхээр наанадаж 4-5 жил шаардагдана. Тэр хооронд юу ч болоо билээ гэж бодогдох шиг.

Уг нь нaдтай одоо сууя нтэр гэсэн залуучууд байдаг. Тэд нар надад таалагдахгүй 3 дүү тэр хүн л бодогдоод байх юм аа. Яах вэ? хүмүүс ээ! би хөгшин биш биз дээ, бүр толгой эргээд тэнэг болчоод байна аа. Ядаж байхад тэр маань өөр хүнтэй үерхэж ч үзээгүй. Аягүй бол зандан гэдэгт би итгэлтэй байна. Яах вэ? надад зөвлөөч. Ийм хайртай учраад бүтээсэн хүн байна уу?

Би бүр яахаа мэдэхээ болиод байна. Энэ сэвх нөсөөний талаар юм л даа. 32 той уг нь нүүрний маань арьс сайхан цэвэрхэн, цагаан байсан юм. Нээрэн шүү, бүр үнэхээр гоё цэвэрхэн, цагаан арьстай байлаа. Харин 2005 онын зун баруун талын хацар дээр бор толбо гараад ирсэн. Тэр нь сэвх нөсөө юм гэнэ. Эхлээд яваандаа алга болчих байх гэж бодсон л доо. Гэтэл жилийн дараа алга болох нь битгийн хэл улам томроод ирсэн. Нүүр царайн дээр гарсан зүйлс дотортой холбоотой байдаг болохоор эмчид үзүүлсэн л дээ. Элэг, цөс, эмэгтэйчүүд, ер нь шинжилгээ хийлгэ гэсэн. Зөвлөсний дагуу шинжилгээ хийлгэсэн. Цөс өтгөлөрөлттэй, эмэгтэйчүүдийн хувьд гистаатай байна гэсэн. Тэгээд л дотрын эмчийн зөвлөсний дагуу хоол ундандаа их анхаарах болсон. Ж: нь өглөө бүр өлөн элгэн дээрээ зөгийн балтай бүлээн ус уух, өглөө бүр ундаа уух, шарсан хуурсан хоолноос татгалзах, витамин С-тэй хүнс аль болох хэрэглэх, орой 7 цагаас хойш хоол идэхээ байх, шингэн юм их уух, исгэлэн тослог ихтэй юм идэхгүй байх, зундаа цөсөө шар усаар зайлах гэх мэтээр өөртөө шинэ дэг тогтоосон. Одоо хүртэл энэ эдгээр дэгийг баримталж байгаа.

Бүр сурчихсан, гэхдээ заримдаа уйтгартай л даа. Би архи пиво уудаггүй, тамхи татдаггүй. Бас эмчийн зөвлөснөөр өөрийн дуртай айраг, шоколад хоёроосоо хүртэл татгалзсан. Ер нь бол одоо рефлексээрээ аль болох байгалийн гаралтай ориг хүнс хэрэглэдэг болсон. Эмэгтэйчүүдийн хувьд уйланхайгаа шимүүлэх эмчилгээг бүтэн хоёр жил хийлгэсэн, хэмжээ нь жаахан багссанаас биш ширгээгүй. Гэтэл энэ хэдэн жилийн хугацаанд нөгөө сэвх улам томроод, хоёр хацар, эрүү, дух гээд нүүрний бүх хэсэгт гараад яг л газрын зураг аятай болчихсон ёстой муухай. Толинд өөрийгөө харахаас, өмнө нь ямар байснаа бодохоор их гутардаг юм байна лээ. Хүмүүс эхлээд яасан айхтар сэвхтээ вэ гэдэг байсан. Хуучин ажлын газрынхан, найзууд маань миний бор болсныг гайхдаг, харин шинэ ажлынхан маань намайг бор царайтай гэдэг.

Харин одоо бол урьдын сайхан арьс маань шанааны хэсгээр л харагддаг юм, удахгүй бас энэ сэвхний нүүдэлд өртөх биз. Өчнөөн жил баримталсан дэг сэвхийг арилгасангүй. Сэвх хуулах, гоо сайхан гэх зэргийн гадаад талын арчилгаа бол бүр ч нэмэргүй, нөлөөлхгүй  гэдгийг мэднэ ээ. Хүнсний тухайд нэг зүйл нэмж хэлэхэд би сүү их хэрэглэдэг, сүүтэй цай байнга уудаг. Сүүтэй цай сэвхтүүлдэг гэж сонсож байсан л даа. Тэрнээс болоод байгаа юм уу гэхээр надтай адил сүү хэрэглэдэг хүүхнүүдийн нүүр бас л зүгээр.

Надтай адил цөсний өтгөрөлттэй, гистаатай, янз бүрийн хоолны дэг барьдаггүй хүүхнүүд зүв зүгээр царайтай л байх юм. Энэ сэвхний учрыг бүр олохоо болиод байна. Тэгээд л үеийн хүүхнүүдээсээ юмыг яаж мэдэх вэ, олны дотор зөвөөр зөвлөөд өгөх, сэвхний талаар шинжлэх ухааны зөв мэдлэгтэй хүн энэ захидлыг маань олж унших байх гэж найдаад бичиж сууна.

Та бүхний өчүүхэн зөвлөгөө ч надад их хэрэгтэй байна. Хүлээж байя. Өөрт минь сэтгэлээрээ туслахыг хүсч байна.

Найз охид маань ихэнхи нь хүнтэй суучихсан. Хүнтэй суухаараа найз охидтойгоо уулзах завгүй болчихдог юм. Саяхан 3 жил уулзаагүй найзтайгаа арайхийж нэг уулзсан. Бид хоёр салдаггүй сайн найзууд байсан, гэхдээ элдэв буруу юманд оролцож байгаагүй зөвхөн өдөр бүр бие биендээ тусалж хичээлдээ ханиндаа явдаг хаа ч цуг хэлхэлддэг найзууд байлаа. Тэгсэн одоо хэдэн жилийн дараа ганц уулзаж хуучнаа ярьж дурсаж шөний клубт орж нэг үдшийг сайхан өнгөрөөтөл нөхөр нь хардсан янзтай. Би найз охиноо яав л гэж дээ. Эмэгтэй хүн нөхөрт гарахаараа эмэгтэй найзуудтайгаа ч уулзах эрхгүй болдог юм шиг байх юм. Тайван тухтайхан ганц өдөр хэдэн үг сольчихож чадахгүй бүлтэлзээд байгаа найз охиноо хараад их өрөвдлөө. Би хүнтэй суувал ийм байдлаар амьдрана гэж төсөөлж чадахгүй байна. Эрчүүд бүгд ийм хартай байдаг юм уу эсвэл зөвхөн Монгол эрчүүд үү?

Би солонгост гэрээгээр ажилладаг залуу. Гэрээ маань дуусах ойртож л байна. Эхнэр 5-р ангийн хөөрхөн охинтой. Сая амралтын өдөр эхнэрийнхээ утас руу дохичихоод юм үзээд сууж байтал дуудлага орж ирээд, автал яасан гэж санана! Утас нь надруу дарагдчихжээ эхнэр хүнтэй нөгөө ажил хийж байгаа орилж гийнаж байгаа сонсогдоод миний зүрх яг дэлбэрэхнээ одоо ажлаа хийхэд ч бэрх байна. Дараа нь ярьсан хийснээ хүлээсэн тэртэй тэргүй би сонсчихсон юм чинь тэр ингэж хэлсэн анхны хайртайгаа санамсаргүй тааралдсан юм тэгээл ийм юм болчихлоо би өөр хэнтэй ч унтаагүй үнэхээр үнэн энэ удаа л нэг удаа л ийм юм болчлоо ирэхээр чинь бүгдийг ярьж өгий чи охиноо бодоол ирчих тэхүү гээд байнга уйлж гүйж байна.

Ядахад оюутан хичээл сургууль охиноо харж асрах гээд ажил ихтэй энэ үед сэтгэл санаа нь мэдээж аймаар байгаа. Тэр уг нь өөрөө хойд эцэгтэй байсан ийм амьдрал хэцүүг мэддэг болохоор охиноо өөрийн үзэж туулсан зовлонг амсуулахгүй дээ гэж би маш их итгэж өнөөг хүрсэн юмсан. Миний хугацаа уг нь дуусч байсан юм үнэхээр аймаар бодохоос гол харлаж байна голдоо ортол гомдож байгаа юм шигээ…

Заримдаа буцахгүй харлаад үлддэг юмуу ч гэж гэхдээ охиндоо маш их хайртай болохоор явах байхаа би! Залуусаа зовлонгоор тохуу хийлгүй чинь сэтгэлээсээ зөвлөөрэй амьдрал ийм хуурамч байдаг гэж үү?

Сайн байна уу? cekc.mn-ийн байнгын уншигчид намайг бараг таних байхаа. Би одоогоос 1 жилийн өмнө “Эсвэл гуравдах сонголт байна уу“, дараа нь 2011 оны 6 сарын 1-нд “Эсвэл гуравдах сонголт байна уу 2” гээд бичиж байсан захидлын эзэн байнаа. Тухайн үед цаг заваа гарган үнэтэй зөвлөгөө өгж байсан эрхэм уншигчиддаа баярлалаа гэдгээ юуны түрүүнд хэлье. Та бүгдийн сэтгэгдэл зөвөлгөө тухайн үед том хүүхэдтэйгээ хамт гадаадад ирчихсэн надад маш их сэтгэлийн дэм өгсөн шүү.

За за энэ ч яахав. 3-х захидлаа бичих болсон учраа хэлье. Бид 2 саяхан буюу шинэ жилээр монгол руу очоод ирлээ. Том хүүхэд маань ээж, эмээ, өвөө, дүү нар дээрээ очоод сайхан амарсан. Миний хувид гэвэл 2х захидал дээрээ “шүүхийн шийдвэрийг хүлээж бна” гээд бичсэн шиг гэр бүл салгах шүүх хуралд заавал өөрийн биеэр оролцох шаардлага гарсан юм. Тэгээд сая шүүх хурлаар орлоо… Манай экс шүүх дээр юу гэж хэлсэн гээч. “Би тэр хүнтэй дотны харицаа тогтоогоод 2 жил гаруй болж байгаа нь үнээн, гэхдээ би нөхрөөсөө салахгүй. Миний том хүүхэд аавтайгаа гадаадад сайхан байгаа. Гэхдээ хүүхдийн тэтгэвэр тогтоологоход энүүний орлого нь тодорхойгүй учраас гэр бүл салгахад хэцүү байна. Иймд шүүх миний хүүхдүүдийн эрх ашгийг бодоод шударга шийдвэр гаргана гэдэгт найдаж байна” гэсэн. Шүүх эвлэрүүлэх 90 хоног өгсөн. Да здравствует наш  суд, самый гуманный суд в мире!!!

Би энэ захидлаараа юу хэлэх гээд бна вэ гэхээр… Залуучуудаа салвал ядаж соёлтой салж сураач дээ. Заавал бие биенийхээ муу муухайг дуудах албатай юм уу? Ямар эргээд уулзахгүй нүүр биш…

P.S.: Ш. гуай та үүнийг хэрвээ уншиж байгаа бол, та өөрийгөө “энхийн цагаан тагтаа” болгох гээд шүүхийн танхимд болон найз нартаа бас ажил дээрээ юу гэж ч худлаа яриж болноо (би танид хэлдэг байсандаа “та паталогийн худалч, иймд та ээлжит амрагтаа, найзууддаа намайг юу гэж ч муулж болно, гагцхүү миний хүүхдүүдэд намайг битгий муу хэлээрэй” гээд…). Гэхдээ та намайг муулах тусам би 7 бурхан шиг гялалзана шд.

Та буянаараа болооч дээ. Ээлжит амрагтайгаа сайхан жарга оо. Надаас гэрлэлтээ албан ёсоор салгаач дээ, би гуйж байна. Би тайван амгалан баймаар байна шд…

Өөн бас нэг юм хэлэхэд. Худлаа ярихдаа, жаахан логиктой худлаа яриж бай. Та ажлынхандаа, хамаатануудаа намайг тодорхойлдог шиг би адгийн амитан байсан бол, та яагаад надад 3х удаагаа баригдах хүртлээ хамт байгаад хүүхдүүдийг нь төрүүлээд байсан юм? Би тийм аймаар хүн юм бол та яагаад том хүүхдээ надтай хамт гадаад руу явуулаад байгаа юм?

Таны ээлжит “цус холдсон ухаантай амрагийн” чинь хэлэх дуртай үгээр энэ захидлыг дуусгая “Асуудалгүй”. “Удам муутай тэнэг би тэнэг”-ээрээ дуусая. Ганцхан намайг тайван орхи хө. Надад бол чамтай эргээд уулзах нүүр байгаа, учир нь би бурхны өмнө болон хүүхдүүдийнхээ өмнө нэр цэвэр, таныг бодох юм бол…

Би одоо 25-тай найз залуу маань надаас 7 ах л даа бидний харилцаа 2 жил үргэлжилж байна. Гэхдээ энэ харилцаа миний тэвчээрээс их хамааралтай гэж би боддог. Хэрвээ би тэвчээр гаргаж тэрнийг ямар нэг ааш гаргаж байсан ч тэвчих ухаан байгаагүй бол бид өнөөдрийг хүртэл явахгүй байсан гэж би хувьдаа дүгнэдэг. Учир нь тэр надад хайргүй гэдгийг өнөөдрийг хүртэл би маш сайн мэддэг ч итгэхийг хүсдэггүй байсан гэдгээ бас ирээдүйд бид гэрлэсэн ч гэсэн тэр зүгээр л надад дассан сэтгэлээр л энэ шийдвэрийг гаргана гэдгийг би мэдэж байгаа. Салах гэж хэд хэдэн удаа оролдсон боловч эмэгтэй хүн гэдэг чинь их тэнэг уяхан сэтгэлтэй болохоор өрөвдөөд л буцаад нийлэх юм. Энэ сайтад бичсэн араар тавилт гэдэг юм ч бас намайг тойроод гарахгүй нь лавтай гэж бодож байна учир нь тэр надад шунан дурлаж хайрлаагүй шүү дээ. Энэ сайтад хандаж байгаа бүсгүйчүүдийн нийтлэлүүдийг уншаад өөртөө болоод цаашдын харилцаандаа ямар ч итгэлгүй болчихлоо.

Сүүлийн үед яагаад ч юм бидний харилцаа их хүйтэн болж байгаа. Учир нь энэ харилцааг халуун дулаан байлгахын тулд би л чармайдаг байсан юм чинь дээ. Бидний өнгөрүүлсэн цаг хугацаанд болсон бүх үйл явдлыг бодоход би их доромжлуулж байсан юм шиг санагдсан. Би өмнө нь хэний ч өмнө ингэж сул дорой болж үзээгүй гэтэл тэрний л өмнө ийм байдалтай явсаар өнөөдрийг хүрчээ гэтэл бидний харилцаа тэрний дассан сэтгэлээс өөр юугаар ч дээрдсэн юм алга даа. Залхана гэдэг чинь л энэ байх даа. Мэдээж надад ч бас дассан сэтгэл байгаа учраас л өнөөдөр байгаад байгаа ч цаашид энэ харилцаа төгс эсвэл дээрдэх харилцаа байна гэдэгт итгэлгүй болсон. Хүүхдийг нь төрүүлээгүй байгаа дээрээ салах хэрэгтэй л гэж бодож байна өөр юм бодогдохгүй байхын. Би ч бас өөрийгөө яагаад ийм болсныг ойлгохгүй л байна. Гэхдээ тэрний төлөө хийсэн тэвчсэн бас доромжлуулсан бүхэн сэтгэлийг минь бага багаар хэмлэсээр хөргөж орхиж дээ. Энэ хорвоо дээр бүсгүй хүн зөрүүдээсээ болж ямар ч их зовлон амсдаг юм бэ дээ. Тэрний цаана эр хүн ч бас шаналж байх юм. Эцсийн эцэст хайр буруутай гэдэг шиг л хайр буруутай л болж байх шиг байна. Би тэнэг юм хийжээ гэдгээ хангалттай мэдэрч байгаа. Одоо л нүдээ нээж байх шиг байна.

Гэхдээ тэрэнд минь ямар буруу байх вэ дээ. Надад энэ бүхнийг эхлүүлэх зориг тэвчээр байсан юм чинь дуусгах тэнхээ ухаан байгаа байлгүй. Над шиг байдалд орсон маш олон охид бүсгүйчүүд байгаа. Тэдэнд л гэж хэлэхэд өөрт чинь шунан дурлаагүй л бол түүнтэй алтан цаг хугацаагаа бүү хамт өнгөрүүлээрэй л гэж хэлье дээ. Өөрийг чинь анхнаасаа хайрлаж үерхээгүй эр хүн хэзээд тэр чигээрээ л дуусдаг юм байна. Эцсийн эцэст эрчүүд биш бүсгүйчүүд бидэнд бас их буруу байдаг юм байна шүү гэдгийг бүсгүйчүүд минь санаж яваарай. Монголын бүх бүсгүйчүүддээ үнэнч ариун хайр сэтгэлийг хүсэн ерөөе. Та бүхнийг аз ивээг…

Хүн болгон математикч болох албагүй харин эцэг эх болдог гэдэг үгийг Сухомлинский “Эцэг эхийн хайр гэсэн номондоо” дунд сургуульд гэр бүлийн тухай хичээл оруулахыг хүсч байсан. Учир нь хүний амьдралд тооноос илүүтэй хүний хүмүүжил, хайр сэтгэл илүү чухал болохыг заахыг оролдсон билээ. Гэтэл энэ номыг уншаагүй тоонд дургүй хүүхдүүд энэ ишлээлийг тун их баяртайгаар хүлээж авдаг. Үнэндээ ч би багшийн мэргэжилтэй ба багш байхдаа хүүхдүүдэд гэр бүлийн тухай өгүүлбэр хэлэхэд л бүгд инээлддэг ба бодвол эр, эмийн харилцаа гэхээр л юуны өмнө секс тэдний толгойд хамгийн түрүүнд орж ирдэг. Хүн болгон шунахай, ямар ч хүн бусдаас илүү гарч өөрийг нь бусад хүмүүс хүндлэн, үгэнд орж байхыг хүсдэг буюу бусдыг захиран, өөрийг нь шүтэж байхыг мөрөөддөг. Тийм биш байсан бол хаа газрын том том баячууд бусдад буян болохоосоо илүүтэй заль гарган, ядуус дундчуудыг шулж орлогоо нэмэгдүүлэх гэж үхэн хатан тэмцэхгүй байх байсан, эндээс хүний шунал хязгааргүй ба хөрөнгө мөнгө хэзээ ч хүний шуналыг дарахгүй ба харин хүн болгон сэтгэлээрээ өөрийн хэрэгцээг мэдэж нэг нэгнээ хайрлаж байх нь  чухал байна.

Учир нь баян хүн харамч ба үхэхдээ л хөрөнгөө бусдад өгснөөр буянтан болдог дээр нь дэлхий дээр баян хүнд зориулсан 1 ч хөшөө байдаггүй. Хүн болгон буруугаа хүлээх дургүй байдгийн илрэл бол зурагтаар гарч буй ядуу хүмүүс өөрсдийгөө бус төр засгийг буруутгадаг. Ядуу хүн ч гэсэн шуналтайн жишээ нь би байраа 4 казах эмэгтэй оюутанд 6 сараар хөлслүүлж байсан ба тэд сүүлийн 2 сарын мөнгөө өгөлгүй зугатаж явахдаа гэрт байсан бүх юмыг хэмхлэн, хогоо хүртэл коридорт хаяхаас залхууран жорлонд хийн бөглөсөн байсан ба анагаахын дундын оюутнууд гэхэд гэр орныг минь ерөөс цэвэрлээгүй, авч явах боломжтой жижиг сажиг зүйлийг хулгайлсан байсан. Эндээс ажил хөдөлмөрийг аз жаргал гэж боддог хүмүүс Монголд л маань ямар ч гэсэн цөөнх байна. Үүнээс хойш эмэгтэй хүн л бол сайхан гэсэн бодол толгойд минь огт төрөхөө больсон.

Би одоо болтол хүнтэй гэрлэх байтугай бүр унтаж ч үзээгүй гэхэд болно учир нь өөрийгөө эцэг болоход шаардлагатай хөрөнгө цуглуулаагүй, дээр нь “эдгэршгүй” хүнд өвчтөй байсан ба гол нь гэр бүл гэдэг бол асар том хариуцлага юм гэдгийг сурган, сэтгэл судлалын ном зохиол, баримтат кинонууд үзсэнээр мэдсэн. Гэхдээ хүн шудрага байхад бурхан ямар ч гэсэн харж үздэг ба миний 20 жил шаналсан “эдгэршгүй” гэх өвчнийг асар их биоэнергитэй бариач хүн 2007 оноос бариад зүв зүгээр болгосон ба шинжилгээ 2009 оноос хойш эв эрүүл хүнийх шиг болсон хүн эрүүл болохоор бэлгийн дур хүсэл ч сайжирдаг юм байна. Хорвоогийн жам юм хойно одоо харин ханьтай больё гэж бодсон ч зар үзэхээр дандаа л санхүүгийн дэмжлэг хүссэн, мөнгө нэхсэн хүүхнүүд байх юм.

Иймд дундаж эмэгтэй хүн гоо сайхан, хувцас хунар гэх мэтчилэн сард дунджаар хэдэн төгрөг үрдэг ер нь танилцлаа гэхэд Монголын ямар бар, ресторанд хүүхнүүд орох дуртай вэ гэдгийг л асуух гэсэн юм. Би англи орос хэлтэй одоогоор хятадад сурч байгаа!