50 шүргэж буй эмэгтэйчүүдийн сексийн үнэн

(Сексийн хүсэл буурдаггүй. Харин өөрчлөгддөг.)

Хүний амьдралын зарим үнэнийг тодорхой насанд л ойлгож эхэлдэг. Сексийн тухай ойлголт ч ялгаагүй. 20 настайдаа сексийг адал явдал гэж бодно. 30 настайдаа хайртай хүний баталгаа мэт хүлээж авна. Харин 50 шүргэхэд — секс гэдэг нь өөрийгөө мэдрэх, ойлгох, өөртөө үнэнч байх үйлдэл болдог.

“Надад секс хэрэггүй” гэж хэлэх үе олон

Тэр бүрд үнэндээ секс хэрэггүй болоогүй байдаг.  Харин сэтгэлгүй, таашаалгүй, ойлголцолгүй, амьгүй секс хэрэггүй болдог. Эмэгтэй хүн 50 шүргэж байгаа нь хүсэл үгүй болсон гэсэн үг биш. Харин хүсэл нь илүү уяан дээр босч ирдэг гэсэн үг.

Судалгаагаар

North American Menopause Society-ийн мэдээлснээр 45-60 насны эмэгтэйчүүдийн 58% нь “сексийн амьдрал маань илүү сайжирсан” гэж хариулжээ.

Өөрөөр хэлбэл, сексийн “чанар” нь цаг хугацааны дараа, нөхцөл боломжийг өөртөө зориулж эхлэх үед сайжирдаг байна.

Яагаад 50 наснаас хойш секс жинхэнэ болдог вэ?

• Эмэгтэй хүн өөрийн бие, сэтгэл, хэрэгцээг илүү мэддэг болсон байдаг.
• Тэр хайрлуулах гэхээсээ илүү — өөрийгөө хүлээн зөвшөөрсөн байдаг.
• Секс бол дүр эсгэлт биш, дүрэмгүй үнэн байдаг.
• Илүү тайван, сэтгэлзүйд хөнгөн болсон байдаг.
• Бусдын хүлээлтэд тааруулах биш, өөрийн дотоод мэдрэмжийг дагадаг болсон байдаг.

Секс дуусдаггүй. Харин хэлбэрээ өөрчилдөг

Хүсэл шунал багасч магадгүй. Гэхдээ мэдрэмж гүнзгийрдэг.
Хүчтэй хөдөлгөөнөөс илүү — зөөлөн ойлголцол чухал болдог.
Хамгийн чимээгүй, хамгийн бага хөдөлгөөнтэй оройн секс — хамгийн гүн мэдрэмж үлдээдэг үе байдаг.

Хэн ч танд хэлээгүй үнэн

• Дур тавих боломж наснаас хамаардаггүй.
• Сексийг хүсэх мэдрэмж жирийн хэрэгцээ.
• Таашаал авахыг хүссэнээрээ та муу эхнэр, муу эмэгтэй болдоггүй.
• Харин өөрийнхөө мэдрэмжийг дараад явах тусам амьдралын амт багасдаг.

Сексийн оргил үе бол залуу насыг биш, ухамсрын нас-ыг дагадаг. 50 шүргэж байгаа эмэгтэйчүүд өөрсдийгөө мэдэрч эхэлдэг, өөртөө цаг гаргаж эхэлдэг, амьдралыг эргэн амтлах гэж оролдож эхэлдэг насандаа байдаг.