Эрэгтэйчүүд яагаад хайртай бүсгүйнхээ өмнөх амьдралыг мэдээд гутардаг вэ?

Заримдаа хосууд бүх зүйл сайхан, ойлголцолтой, секс ч гайхалтай байхад… ганцхан зүйл харилцааны орчныг чимээгүйхэн хордуулж эхэлдэг: Эмэгтэйнхээ өмнөх амьдралын талаар мэдсэн эсвэл сонссон тэр “яриа”
Эр хүн гомдоно, дуугаа хураана, дотроо хямарна.
Харин эмэгтэй нь гайхаж хоцорно:
“Би чамд үнэнээ хэлсэн шүү дээ?”

Сэтгэлзүйчдийн тайлбар:
1. Retroactive jealousy — Өнгөрсөнд хардалт
Энэ нь хайртай хүнийхээ өмнөх амьдралыг мэдээд “Яагаад би тухайн үед нь хамт байгаагүй юм бол?”, “Түүнтэй юу хийсэн бол?” гэх төсөөлөл дээр суурилсан хардалт юм.
Тэр хүнд итгэхгүй байгаа биш, тэр хүнийг хэн нэгэнтэй хуваалцсан гэх бодол өөрийг нь зовоож байгаа хэрэг.

2. Харьцуулалтын айдас (comparison anxiety)
“Би түүнээс дээр байсан болов уу?”
“Тэр илүү дуртай байсан юм биш биз?”
“Одоо надтай хийхдээ ч түүнтэй хийж байсан шигээ л байгаа юм биш үү?”
Ийм харьцуулалт нь өөртөө итгэх итгэл, бэлгийн өөртөө үнэлэмжийг унагаж эхэлдэг.

3. Эзэмших сэтгэл ба хяналтын хэрэгцээ
Зарим эрчүүд хайртай эмэгтэйгээ “бүрэн минийх” гэж мэдрэхийг хүсдэг.
Гэтэл түүний дурсамж, бие, туршлага өмнө нь хэн нэгэнд хамаарч байсан гэдгийг хүлээн зөвшөөрөх хэцүү.
Энэ нь хяналт алдагдсан мэт санагдаж, бухимдал, гутралыг үүсгэдэг.

Тэгвэл яах ёстой вэ?
1. Өнгөрсөн нь биш, ОДОО нь чинийх
— Тэр чиний хажууд байна.
— Чиний гарт тэвэртэж, чиний нүд рүү харж инээж байна.
→ Тиймээс өнгөрсөнд юу болсон нь биш, яг одоо юу мэдэрч байгаа нь чухал.

2. Хардалт биш, ойлголт хэрэгтэй
— Хайр бол эзэмших биш, хамтдаа өсөх ухаан
— Хэн нэгний өнгөрсөн гэдэг бол түүний түүх. Тэгэхээр чи өөрийг нь биш, бүхэл түүхтэй нь хамт сонгож авч байгаа гэсэн үг.

3. Өөрийн үнэлэмжийг гаднаас бус, дотроосоо бий болго
— Чиний үнэ цэнэ хэнтэй харьцуулснаар хэмжигдэх ёсгүй.
— Өөрийгөө илүү мэдэрч, өөртөө итгэх итгэлээ нэмэх нь сэтгэлзүйн хамгийн хүчтэй дархлаа.