Секс хийх гэж бөөн ажил боллоо…

Жилийн өмнөөс өөрөөсөө 10 насаар дүү залуутай хамт амьдарч эхэлсэн. Анх бүх зүйл халамж, хайраар бялхаж байсан ч саяхан би түүнийг өөр хүүхэнтэй чатлаж байхыг нь мэдсэн. Тэр чат нь маш задгай, нөгөө хүүхнийхээ биеийг хүсэмжилсэн утгатай байсан нь миний зүрхийг зүсэх шиг л болсон. Бөөн хэрүүл болж, тэр миний өмнө өвдөг сөгдөн уучлалт гуйсан ч ердөө хоёрхон хоногийн дараа шөнөжин нөгөө хүүхэнтэйгээ ярилцаад сууж байхыг нь дахиад л олж харлаа…

Би тэсэлгүй уурлаж, түүнийг алгадаад, цохиод авсан. Гэвч тэр одоо ‘Чиний хардалт, цохиж зоддог зангаас чинь залхаж байна’ гэж намайг буруутгах болов. Одоо тэр надаас маш хөндий. Үнсэхдээ зөвхөн хацар дээр, уруул дээр минь үнсэхээ ч байсан. Секс хийх гэж бөөн ажил болдог. Түүний ‘хүсэл’ нь шууд төрөхөө байж, гараараа оролдож байж л арай гэж босдог болсон. Заримдаа дуусгаж чадалгүй ‘нуруу өвдлөө’ гээд орхичихно. Би түүний хайрыг горьдож, маш их доошоо орж байгаагаа мэдэрч байна. Би яах ёстой вэ?