ХАЙР ШАШНААС ХҮЧТЭЙ ЮУ?

Би Казах эмэгтэйтэй үерхээд, хамт амьдардаг юм. Бидний хайр сэтгэл маш халуухан, маш нандин. Манай гэр бүлийнхэн бол бидний харилцааг бүрэн зөвшөөрч, дэмжиж байгаа. Гэвч надад нэг л том айдас, эргэлзээ байнга төрөх боллоо: ‘Тэдний тал, түүний гэр бүл намайг хүлээн зөвшөөрөх болов уу?’

Би түүндээ ухаангүй хайртай, манай найз охин ч надад маш их хайртай. Тэр маань надад эмэгтэй хүний хамгийн нандин, анхны гэсэн бүхнээ зориулж, ирээдүйгээ надтай холбохоор шийдсэн. Гэтэл цахим орчинд ‘Казах хүмүүс өөр үндэстэнтэй суудаггүй, шашин шүтлэг өөр учраас бүтэхгүй’ гэсэн хатуу үгс, нийтлэлүүд маш их харагдах юм. Тэр болгоныг уншаад дотор минь харанхуйлж, зүрх минь зүсэгдэх шиг болдог. Бид үнэхээр уламжлалын өмнө хүчин мөхөсдөх үү? Та бүхэн юу гэж бодож байна?