Бие физиологийн хувьд их хэцүү болдог юм байна

Сайн байцгаана уу? Би одоо 38 настай. Нөхөртэйгөө ханилаад 20 жил болох гэж байна. Сүүлийн 5 жилийн хугацаанд бид хоёрын сексийн харилцаа бараг үгүй боллоо. Манай нөхөр ажилдаа явах, ирэх цаг нь яг таг тодорхой, гадуур дотуур огт хонодоггүй, маш их гэр амьтай хүн л дээ. Ажилгүй үедээ гэрээсээ ч гардаггүй, тийм томоотой.

Гэтэл тэгсэн хэрнээ секс хийх нь холдсоор байгаад одоо бүр бараг улиралд нэг удаа ойртвол их юм болж байна. Ойртсон ч гэсэн 5 минут ч болохгүй шууд тавьчихна. Сүүлийн 2 жил бол бүр секс хийхээ байсан гэхэд болно. Хийсэн ч тэр дороо шууд тавиад, дахиад үргэлжлүүлнэ гэсэн ойлголт түүнд огт байхгүй.

Нөхөрт маань ийм байх нь зүгээр л байгаад байдаг бололтой, харин надад үнэхээр хэцүү байна. Эмэгтэй хүн ийм байдалтай удаан явбал эрт цэвэршинэ, бас секс хийхгүй байх тусам үтрээний булчин суларч, хуурайшиж, бие физиологийн хувьд ер нь л их хэцүү болдог юм байна.

Одоо би яах ёстой вэ? Надад нөхрөөс маань өөр харилцаанд ордог хүн байхгүй. Эр хүний бэлгийн дур хүсэл нь ингэж унтарсан тохиолдолд яадаг юм бол? Эмчилгээ, зөвлөгөө байдаг болов уу?