Ийм хүмүүсийн зан ааш засарна гэж байдаг болов уу?

Би гэдэг хүн эхнэртэйгээ гэр бүл болоод 6 жил болж байна. Анх их л элдэв, сайн хүн байсансан. Хамт амьдарч эхэлснээс хойш зан ааш, харилцаа нь нэг л биш болж эхэлсэн. Байнга доош нь хийнэ, бусадтай жишнэ. Маш муухай харилцана, “Юу хийж байна?” гэхээр “Юу хийдэг юм!” гэх жишээний. Надад үг хэлэх, үзэл бодлоо илэрхийлэх эрх гэж байхгүй. Амнаасаа үг унагавал шууд л миний буруу болно.

Хамгийн сүүлийн үеийн эрчүүдийн гар хангалгын аяга

Ганц эхнэр гэлтгүй, хадам аав, ээж, дүү нар хүртэл харилцаа, хандлага маш муутай. Хүнтэй дандаа доромж өнгөөр харьцдаг. Би нэг их юм бодолгүй, дуугүй л хүүхдээ бодож явсаар 6 жил болжээ. Надад орох, гарах ч эрх байхгүй. Муу ээжийнхээ дэргэд очоод таван үг солих гэхээр л загнаж эхэлнэ. Миний ээжид маш муухай ханддаг бөгөөд ер нь миний гэсэн бүхэнд их тааламжгүй ханддаг юм.

Өөрийнх нь аав, ээж, ах дүүгийн ажилд болохоор загнаж байгаад л “Очиж тусал” гээд хөөгөөд явуулна. “Миний аав, ээж, ах дүү болж байвал бусад нь хамаагүй” гэдэг үгийг нь хэд хэд сонсож л явлаа. “Гайгүй болчих байлгүй” гэж горьдсоор явтал сүүлдээ хүн үнэхээр шантардаг юм байна. Явчихъя гэж боддог ч охин үрээ өнчрүүлмээргүй байна. Ийм хүмүүсийн зан ааш засарна гэж байдаг болов уу?