ЗҮҮДЭЛСЭЭР БАЙТАЛ ТАРХИ АМРАХГҮЙ ЗОВООЖ БАЙНА АА…

Сайн байцгаана уу? Ойрын өдрүүдэд нөхрөө намайг хаяаад салж байна, өөр хүнтэй болчихсон байна гэж маш их зүүдэлж, тархи амрахгүй хэцүү байна. Би уг нь тийм хартай хүн биш л дээ. Нөхрийнхөө утсыг шалгаж, хардаж сэрдэж байсан удаа байхгүй.

Гэхдээ бид хоёрын дунд өмнө нь үүсэж байсан гомдол, асуудлууд байдаг бөгөөд би тэр бүрийг нь тэвчээд л явдаг юм. Өмнөх сөрөг дурсамжууд сэтгэлийн гүнд үлдчихээд ингэж зүүдлүүлээд байдаг юм болов уу? Шөнө тайван унтаж чадахгүй, зүүдэндээ хүнтэй хэрэлдээд, маш их ядарч сэрэх юм. Ийм зүйл тайлбарладаг, эсвэл зөн билэг, сэтгэл зүйн талаас нь хардаг үздэг хүн байвал надад хэлж туслаач. Сэтгэл санаа үнэхээр амарч чадахгүй байна.