Arnold Schwarzenegger-ийн 14 жил нуусан нууц хүүгийн түүх

Бодибилдингийн до домог, Холливудын тулаант киноны одон, Калифорни мужийн Амбан захирагч Arnold Schwarzenegger бол амжилтын тэмдэг болсон нэгэн байв. Түүнчлэн тэрээр АНУ-ын алдарт Кеннедигийн угсааны эзэгтэй, сэтгүүлч Мария Шрайвертай (Maria Shriver) гэрлэж, үлгэр жишээ гэр бүлийг бүрдүүлдэг байв. Гэвч 2011 онд түүний 14 жилийн турш нууж чадсан асар том нууц ил болж, Холливудыг бүхэлд нь шоконд оруулсан юм.

АМАН СЕКСИЙН МЭДРЭМЖИЙГ МЭДРҮҮЛНЭ…

Гэртээ 20 жил ажилласан үйлчлэгч ба нууц явдал

1990-ээд оны сүүлээр Арнольдын гэрт Миддред Баена (Mildred Baena) хэмээх Гватемала гаралтай эмэгтэй 20 гаруй жил цэвэрлэгч, үйлчлэгчээр ажиллаж байжээ. 1996 оны үед Арнольдын эхнэр Мария Шрайвер хүүхдүүдтэйгээ амралтаар явсан хойгуур Арнольд үйлчлэгч эмэгтэйтэйгээ нууц харилцаанд орсон байна.

Улмаар 1997 оны 10-р сард Миддред Баена Жозеф (Joseph Baena) хэмээх хүү төрүүлжээ. Хамгийн хачирхалтай нь, яг энэ үед буюу хэдхэн хоногийн зайтай Арнольдын эхнэр Мария Шрайвер ч мөн адил бага хүү Кристофороо төрүүлсэн байв. Үйлчлэгч эмэгтэй хүүгээ тухайн үеийн нөхрөөсөө гарсан гэж бүгдэд ойлгуулж, Арнольдын гэрт үргэлжлүүлэн ажилласаар байв.

Жозеф өсөх тусам ил болсон “Терминатор ДНХ”

Хүү Жозеф томрох тусам түүний царай, биеийн галибар, инээмсэглэл, эрүүний хэлбэр нь Arnold Schwarzenegger-тэй тун адилхан болж эхэлжээ. Арнольд сүүлд өгсөн ярилцлагадаа: “Хүүг 7, 8 нас хүрэхэд л би өөрийнхөө хүү гэдгийг зөн совиндоо мэдэрсэн. Тэр надтай асар адилхан болж байсан” гэж дурссан байдаг.

Арнольд үйлчлэгч эмэгтэйдээ санхүүгийн тусламж үзүүлж, Калифорнид байшин авч өгсөн бөгөөд энэ явдлыг Калифорни мужийн амбан захирагчаар ажиллах 8 жилийн хугацаандаа улс төрийн карьераа аврахын тулд маш чанд нууцалж байв.

Эхнэрийнх нь асуулт ба гэр бүлийн сүйрэл

2011 онд Арнольд амбан захирагчийн албан тушаалаас буусны маргааш нь тэдний гэр бүлийн сэтгэл зүйчийн уулзалт дээр эхнэр Мария Шрайвер шууд: “Жозеф чиний хүү мөн үү?” гэж асуужээ. Арнольд нуулгүй үнэнийг хэлж, өчсөн байна.

Ингэснээр 25 жил хамт амьдарсан Кеннедигийн угсааны эхнэр нь түүнээс салж, хэвлэл мэдээллээр энэхүү дуулиан дэлхий даяар цацагдсан юм.

Өнөөдрийн харилцаа

Арнольд энэ хэрэгтээ насан эцэслэх хүртлээ харамсаж явдгаа илэрхийлдэг ч нууц хүү Жозефтойгоо асар ойр дотно харилцаатай байдаг. Жозеф Баена өнөөдөр эцгийнхээ замаар бодибилдингээр хичээллэж, яг Терминаторын залуу нас шиг биеийг хөгжүүлэн кино урлагт хүч үзэж байна.