Хаяад авсан амрагийнхаа араас бүү нэхэл дагал болоорой

Нэг. Дасна гэдэг хайр дурлал биш. Бие биенээ танихгүй байхдаа л та хоёр учирсан. Ихэнх цагийг бие биедээ зориулж өнгөрөөсөн амьдралын тань нэг хэсэг болж байсан түүнийг явснаар таны амьдралын хэмнэлд өөрчлөлт гарчээ. Гэвч түүнтэй учрахаас өмнө танд өөрийн гэсэн амьдрал байж л байсан шүү дээ. Та түүнд дассан болохоор л түүнийг үгүйлж байна. Тиймээс түүнийг санагдуулах зүйлээс ангижирч, хуучин амьдралдаа аль болох түргэн эргэж орох хэрэгтэй. Хайр дурлал бол ижил дасал болохоос огт өөр зүйл гэдгийг сана.

Хоёр. Секс бол амьдралын зорилго биш. Сексийн тал дээр та хоёр таардаг байсан байж болно. Түүний энхрий ялдам үнсэлт, эвлэг гар, бадриун бие хаа нь танд үгүйлэгдэж байгаа биз. Нэг бус удаа зүүдэндээ хуучин амрагтайгаа унтаж байна хэмээн зүүдлээд сэрдэг байж болно. Гэвч тэр хүн таныг нэгэнт орхиод амьдралаа хөөгөөд явчихсан шүү дээ. Тиймээс түүнтэй янаглаж байна хэмээн дүрслэн бодохыг ор тас мартахыг хичээсэн нь дээр. Тэгээд ч секс бол ердөө л зугаа цэнгэл, амтлагхан таашаал болохоос биш, амьдралын зорилго огтхон ч биш шүү дээ. Иймээс сексийг үгүйлж, шаналаад байх шаардлага огтхон ч байхгүй.

Гурав. Араас нь бүү нэхэл дагал бол. Зарим эмэгтэйчүүд асуудал тов тодорхой байхад, хаягдсан гэдгээ хүлээн зөвшөөрч чадахгүй, хойноос нь мөрдөж мөшгих, утсаар дарамтлах, өс хонзон маягийн янз бүрийн үйлдэл хийх зэргээр өөрийгөө стресст оруулж зовоодог. Йнгэснээр та ямар ч үр дүнд хүрэхгүй, харин ч таныг жигшйх болно. Бусдад өсөрхдөг хүнд ялангуяа эрчүүд тун дургүй. Харин амраг эрийг тань цулбуурдсан бүсгүйн тухай бүү бод, бүү сурагла. Үзэн ядахын ч хэрэггүй. Зүгээр л орхи. Хэрэв тэр үнэхээр өөрт чинь хайртай л бол алдаагаа ойлгоод л хүрээд ирнэ. Харин хүлээж авах эсэх нь таны асуудал. Цаг хугацаа бүхнийг харуулна.

Хань