Амаржаад эмнэлгээс гарахад нөхөр тань яаж угтсан бэ?

549_5544

Нөхөртөө хэрхэн төрсөн, хүү маань дөнгөж төрөөд л час гэж уйлсан гээд л олон сэтгэл догдлуулсан мөчүүдээсээ хуваалцана даа гэж бодсон би ханиа хараад юу ч дуугарч чадахгүй уйлаад л байсан. Хоолой зангираад л, бид хүүхэдтэй болчихлоо шүү дээ гэхээс л хэлэх үг олдохгүй, бөөн бөөн баяр, догдлолын нулимс хацар даган урсаж байж билээ.

new_banner

Бүсгүй хүн бүрийн амьдралын хамгийн гайхамшигтай мөчүүдийн нэг нь хүүхдээ төрүүлээд эмнэлгээс гарах тэр үе. Нөхөр нь шинэхэн үрээ харна гэхээс тэсч ядан хүлээж, ах, эгч, эмээ, өвөө нь бяцхан дүүгээ, ач зээгээ үнсэнэ хэмээн баяр хөөрөөр дүүрэн байдаг сэтгэл догдлуулсан мөч тэр байдаг.

Есөн сарын турш хэвлийдээ үрээ тээж төрүүлсэн ээжүүдэд маань харин ямар мэдрэмж төрдөг бол.
Миний хувьд анхны хүүхдээ төрүүлээд эмнэлэгт дөрөв хоносон. Улсын эмнэлгийн хүрэлцээ муу, өрөөний зай талбай бага. Хаа сайгүй нярай хүүхдүүд уйлалдаад л. Ээжүүд нь унтах ч завгүй хүүхдээ хуурайлж, хөхүүлнэ. Энхрий жаахан үрээ элгэндээ тэврээд, хөхөө хэрхэн хөхөж байгааг нь харахад өөрийн эрхгүй их хайр ундарч гараад л. Юм бүхэн шинээр эхэлж байгаа мэт хамгийн гайхалтай мэдрэмж тэр байсан.

Эмнэлэгт ийнхүү завгүй хэдэн өдрийг өнгөрөөгөөд гэртээ гарах болоход хэчнээн их баярлаж догдолсон гээч. Нөхөр, ээж аав минь эмнэлгийн гадаа хүү бид хоёрыг хүлээгээд хөл нь газар хүрэхгүй бөөн хөөр. Уг нь гараад нөхөртөө хэрхэн төрсөн, хүү маань дөнгөж төрөөд л час гэж уйлсан гээд л олон сэтгэл догдлуулсан мөчүүдээсээ хуваалцана даа гэж бодсон би ханиа хараад юу ч дуугарч чадахгүй уйлаад л байсан. Хоолой зангираад л, бид хүүхэдтэй болчихлоо шүү дээ гэхээс л хэлэх үг олдохгүй, бөөн бөөн баяр, догдлолын нулимс хацар даган урсаж байж билээ.

Хань маань ч гэсэн юу ч хэлж чадахгүй уйлаад л жолоогоо бариад явж байсан. Хүүхдээ үнэрлэхдээ нулимс нь тогтож ядан баяраар бялхаж байсан. Ингээд гэрийнхээ босго давж аяга цай уусны дараа л бидний ам эвлэж хөөр баярын мөчүүдээ хуваалцаж эхэлсэн билээ. Энэ мөчийг би хэзээ ч мартахгүй байх.

Хүү минь одоо хоёр настай. Тун удахгүй тэр маань ах болно. Тэр мөчид надад анхны хүүхдээ төрүүлснээс ялгаагүй агуу их догдлол, хайраар цалгисан мэдрэмж төрөх байх гэж бодож байна. Харин Монголжингоогийн ээжүүд маань хүүхдээ төрүүлээд эмнэлгээс гарахад нөхрүүд нь яаж угтсан бол. Бас та нарт минь ямар мэдрэмж төрснөө хуваалцаарай.

6 Comments

  1. jak says:

    Өөрөө аав болох тэр мөч сонин мэдрэмж догдлол уйлмаар юм шиг дуулмаар ч юм шиг 

  2. Шинэхэн аав says:

    Сайхан санагдчихлаа.

    Би лав шөл хийх гээд гэрлүүгээ явах замдаа нулимсаар нүд бүрхээд замаа харж чадахаа болиод байсан. Ядхад эхнэр хүү 2-ийнхоо зургийг харцан, утсаар дууг нь сонсчихсон давхиж явсныг хэлэх үү

  3. GegeenCom says:

    Hehe dorligiig zovson emegteichuudiin talaar boddog gj medsengui. Zovlon gj huleej avbal zovlon shde. Uriin zaya tushsend talarhaad unchin ganc hun bsn ch bayarlaad yavbal zaaval zovood bh hereg yu bn. Zahidliin ezen yumiig goyochilj harah durtai l hun bn buruu yu bn. Gehdee olon huuhed gargachihaar zarim hund n baidag l neg zuil bolood nandignaj bayasaad bh n bagaschihdag yum shig ble shw. Barag beltgelgui bhda hustsan bol zovj zovooj usgusun usguulseniih n ur shir nehegdeed uye udam damjij zovolcoj zovoolcdog ulsuud mongold bdgiin ble. Eceg eh n ur huuhdee bid zovj bj usgusun utluh nasandaa zovoosnii chini tuluusiig avna geed ur shir neheed suuchdag ulsiig harj l bailaa. 

    Bi uuruu cuuhun huuhdee nandignaj usguud utulsun ch buhnee zoriuldag eceg uvgudduu talarhaj aztaigas gaihaal ungursun. Hun bur aztai bh albatai ch bishde. Oilgolcog tuvshniihunteiguu l haricaj bai. Publict tarj bga medeelel chini buh davhragiinhand ochij bga bolohoor zaaval huntei suuj huuhed gargahaas uur amidral bdgiig medq medrehgui humuus ch orj irne.
    Tuluvluj bj hiisen huuhduud ch az jargal beleglene shuu. 

    Daanch mgld ert ehleed gool aldchaad bantan hutgaad yavj bdguud n diilenh bolohoor huuhdee baga deer n zovloo yadarlaa zaaval neg zaluugaar halamjluulah tetguuleh shaardlaga garlaa geh n elbeg yumdaa

  4. cahirmaa says:

    Aztai hun yagaad az jargaltaigaa huvaalcaj bolohgui gej? Herew ta zowlon gunigtai baigaa bol uund chin ene busgui buruutai gejuu, ooriinhoo gunigaar busdiin jargaliig buu harluul

  5. dorlig says:

    Ene ch yahav bdag l zuil. Nohorgui hayagdsan busgui emlegees garj chaddagguig medehuu tosoh er bhgui ah duudee helehees zovdog arai yadan neg naizdaa helj taxigaar garaad door ehneruudee huleej bui ulsiig harj chadku nud haltirch eleg ni emterch yavdag. Hichneen toohguig hicheej zoriglovch hosoor amidrah hunii yos gedeg or zurhiig zuseed ongordog yum. Amidraliin asuudal yariltsah oor hereg aztai saihanaa gaihuulah oor gazar bii bh.

  6. raijin says:

    Ямарч сайхан эерэг юм уншчихавдаа хүүхэдтэй болхоороой харж байя 😀

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.