Яагаад ч байсан нугарахгүй л юм шүү!

Сайн байна уу? Би баахан шүүх, хуулийн зөвлөх гэж явж байгаад оройтож гэртээ ирлээ. Эр хүн элдэв хүүхнүүдэд ээрч хоргоолгох хэцүү юмаа. Тэр хуулийхан гэж яагаад дандаа эмэгтэйчүүд байдаг юм дээ. Манайх гэж уг нь гэр хороололд ч гэсэн дулаахан уур амьсгал дүүрсэн, хүүхдүүд маань сургуульд эхнэр бид 2 ажилдаа явцгаасан жаргалтай гэр бүл байсан юмаа.

Одооноос 11 жилийн өмнө эхнэр бид 2 солонгос явж ажиллаж байртай болое гэж зүтгээд заяа нь хаяж миний виз гарсангүй үлдэв. Эхнэр ганцаар явж би хүүхдүүдээ хараад ажлаа хийгээд үлдлээ. Эхэндээ эхнэр маань бараг л өдөр болгон ярьж хүүхдүүдээ санаж байгаагаа бас мөнгөө цуглуулсаар байгааг хэлдэг байлаа. Яваандаа ярих нь зөөрсөөр сураггүй болвоо.

Явсанаас нь хойш 2 жилийн дараа улс даяар хүн амын тооллого болж би ч дүүрэг дээр очиж бүртгэлээ хийлгэсэн чинь ганц бие гэж байна. Гайхаад шалгууллаа. Тэгсэн хэдэн сарын өмнө гэрлэлтээ цуцлуулсан байхын. Шууд хадам эгч дээр очоод юү болоод байгааг тулгаад л асуучихлаа. Тэр эгч надад сайн л байдагсан. Гэтэл манай хүн тэндээ нэг эрд сайн болчихоод надаас салах гэж эгчдээ мөнгө явуулж эгч нь хөөцөлдөөд гэрлэлт цуцлуулж дээ.

Тордойн Ганболд улсын бүртгэлийхэнд хахууль өгч гэрлэлтээ цуцлуулсан байдаг нь араггүй л юм байна. За ингээд хоёр охин хүүхэдтэй ганц бие өрх толгойлсон эр хүн өөрөө ч мэдэлгүй болчихвоо. Амархан байгаа биз! Эр хүн шарандаа нугарсангүй нийтийн тээврийн компанид тасралтгүй 10 жил ажиллаад байраар шагнуулчихлаа. Архи дарс ч уусангүй. Хотын захад ч гэсэн дулаахан тохилог 2 өрөө байрандаа охидуудаа оюутан болсоныг нь тэмдэглээд сууж байтал утас дуугараад жинхэнэ зовлон эхэллээ дээ. Яваад 11 жил болсон хуучин эхнэр ирчихсэн охидуудтайгаа уулзмаар байна гэнээ. Би яахав дээ охидуудаа очиж уулзсан нь зөв байхаа юү ч гэсэн төрсөн эх чинь шүү дээ л гэлээ. Тэд маань таг дуугүй л өнгөрлөө.

Маргааш хүүхдүүд эхтэйгээ уулзсаны дараа л жинхэнэ дайн эхэллээ дээ. Манайд хуучин эхнэрийн өмгөөлөгч гэж нэг хүүхэн ирлээ. Хэл ам гэж аймаар. Ёстой алахнээ. Та эхнэртээ гар хүрч байсан учраас эхнэр чинь нууцаар салсан л гэнэ. Би муухай ч харж байгаагүй юмсан. Намайг ааш зан муутай учраас эмэгтэй хүн тоохгүй байгаа юм л гэнэ. 2-ын 2 хүүхэдтэй автобусны жолооч эм хүн эргүүлж гүйж амжаагүй, тэгээд ч хүүхдүүдээ хойд эхийн царай харуулахгүй гэж би эхнэр авч амжаагүй л байна. Гэтэл нөгөө өрөөнд дуугүй сууж байсан охидууд маань дуу нь чангараад л ороод ирлээ. Та яагаад аавыг минь доромжилоод байна. Бид жаахан хүүхдүүд биш насанд хүрсэн хүмүүс. Хаяад явсан тэн хүн одоо бидний ээж биш гээд. Миний сандарсан гэж. Нөгөө хүүхнийг хөөж явуулаад охидуудаа аргадаад л. Тэд маань уйлаад л.

Тэгээд юү болсоныг асуулаа. Эхдээ дахиад уулзаад хэрэггүй гээд хэлчихжээ. Маргааш нь нийслэлийн иргэний шүүх дээр дуудсанаар нь яваад очлоо. Нэг авгай байна. Бас шүүгч гэнээ. Учиргүй загнаж байна. Эрчүүд гэр бүлийн хүчирхийлэл хийж охидуудаа ээжтэй нь муудалцуулж байна л гэнэ. Монгол эрчүүд ийм хүн чанаргүй л гэнэ. Намайг ядарч яваа эхнэрээ уучилж хүлээж авах хэрэгтэй л гэнэ. Нөгөө эр нь хаяад явчихсан юм байхаа. 20 хүрсэн охидууд минь өөрсдөө л шийднэ шүү дээ. Би тэдэндээ хатуурхаж ээжтэйгээ сайхан харьц гэж хэлж чадахгүй. Өөрсдөө мэдэг. Тэгээд ч яагаад эмэгтэй шүүгч байгаа юм. Эрэгтэй шүүгчтэй яримаар байна. Сонсох ч дур хүрсэнгүй. Үг дуугүй хаяад гарсан. Араас хууль гэж хатуу шүү гэхийн. Айлгах гэсэн юм байх даа. Маргааш ажлынхаа хуулийн зөвлөхтэй уулзахаас. Сексийн сайтад сексгүй юм бичлээ. Өршөөгөөрэй яагаад ч байсан нугарахгүй л юм шүү!