Яаж сексээс бүрэн таашаал авдаг болгох вэ?

Би саяхнаас өөрөөсөө 4 дүү залуутай уулздаг болсон юм. Хөөрхөн зантай, хажууд нь байхад тайван мэдрэмж авдаг. Гэхдээ нэг асуудал байгаад байна. Бид хоёр энгэр зөрүүлэх үед маш хурдан тавьчихсан. Надад асуудал биш ч тэр хүн өөрт нь хэцүү байх шиг байна. Яах уу би хурдан тавьчихлаа гээд л. Бас хэмжээгээ голдог бололтой юм.

Өөрийн натурал хэмжээндээ сэтгэл ханамжтай эр хүн ховор гэдгийг интернетээс уншиж, сонссон болохоор тэрийгээ ч хэллээ. Тэгсэн овоо тайвширлаа. Гэхдээ л сэтгэлийн гүнд нь өөрт тааламжгүй байгаад байгаа нь мэдрэгдэж байна. Эмэгтэй хүнтэй унтах нь тэр хүнд асуудал юм шиг л сэтгээд байна. Шууд эрчүүдийн эмч дээр очоод үзүүлсэн нь дээр биш үү гэж хэлэх хэцүү, өөрөө эр хүн биш болохоор ингэ тэг гэж зөвөлгөө өгөх ч хэцүү юм. Яаж сексээс бүрэн таашаал авдаг болгох вэ?

Бид хоёр хамт байх даа аз жаргалтай байх ёстой гэж боддог. Тэр хүний надад гаргаж байгаа зан, хичээл зүтгэл нь миний хайрыг татдаг. Тийм болохоор би ч гэсэн тэр хүнийг аз жаргалтай байлгахыг хүсч байна. Эсвэл зүгээр зөнд нь орхичих уу? Яах ёстой вэ? Эсвэл би тэр хүний хүсдэг эмэгтэй нь биш юм болов уу? Би өөрөө махлаг эмэгтэй л дээ. Тэр хүн болохоор жижиг охидуудад дуртай гэж сүүлд ярилцах үед хэлж байсан…