Зөвхөн өөртөө л найд…

Амьдрал үзсэн хөгшин эгч нь залуу охидууддаа захиж хэлэхэд араар тавихгүй эр хүн гэж бaйхгүй. Араар тавьлаа гэж салаад дараагийнхтай нь суусан ч дахиад араараа тавиулна. Царай зүс, нас хүйс, арчаатай арчаагүй, ааштай аашгүй, удам угсаа, хайр халамжтай, мөнгөтэй мөнгөгүй чинь оооогт нөлөөлөхгүй. Амьдралын таагүй үнэнтэй эвлэрээд өөртөө л анхаарал хандуул, өөрийгөө хайрла халамжил, өөрийгөө хөгжүүл, өөртөө хөрөнгө оруулалт хий, өөрийнхөө ирээдүйг бод. Юу юугүй битгий жирэмсэн бол. Хүүхдийг нь гаргаж өгсөн ч эрчүүд юман чинээ бодохгүй. Хүүхэд ч хэрэггүй, чи ч хэрэггүй, секс л хэрэгтэй.

Тэдний хувьд хүнтэй суух даа хүч хөдөлмөр, мөнгө төгрөг зарцуулахгүйгээр тогтмол сексийн хэрэгцээгээ хангах гэж бас эмэгтэй хүний хөдөлмөрийг үнэгүй ашиглах гэж, сэтгэл зүйн хэрэгцээгээ хангах гэж л суудаг шүү. Амьдралд үнэгүй зүгээр олдох юм гэж байхгүй. Бүгд төлөөстэй. Эрчүүд эхийгээ, эгч, эмэгтэй дүүгээ зарцалж амьдраад залгуулаад эхнэрээ мөлжиж шавхаж ашиглаж амьдардаг хүмүүс. Ихэнхи эрчүүд хоёр гурван талд эхнэр, нууц амрагуудынхаа дунд худлаа хэлж, хоёуланг нь ашиглаж амьдардаг. Эхнэр, нууц амрагч, ганц удаа унтсан эмэгтэйдээ яг адилхан хөөрхөн сайхан хайртай дуртай гэж яг адилхан гоё үгсээр урхидан хэрэгцээгээ хангаж байдаг учир хүүхнүүд минь хоорондоо алалцаад яах вэ дээ.

Эхнэрээсээ салсан, эхнэртэйгээ хүүхдүүдээ бодоод байж байгаа гэдэг бол орондоо оруулахдаа хэрэглэдэг сонгодог худал үлгэр нь гэдгийг ойлгохгүй урхинд нь унаад байх юм аа. Зөвхөн эрчүүдэд үйлчлэхээр зохиогдсон эцгийн эрхэт ёс ноёрхсон нийгэмд түгээмэл байдаг тархи угаалт бол хүнтэй суугаад хүүхэдтэй болохоор аз жаргалтай болж амар сайхандаа жаргадаг гэдэг үлгэр. Үгүй ээ. Харин ч ихэнхи тохиолдолд зовлон, ачаалал, дарамт үнэгүйдэлт, хүчирхийлэл хүлээж байдаг гэдгийг ойлгуулж олон охид бүсгүйчүүдээ аврахсан. Зөвхөн өөртөө л найд…