Эр хүн эхнэрээ дур тавьж байгаа эсэхийг огт боддоггүй байж болох уу?

Би 31 настай, хоёр хүүхдийн ээж. Нөхөртэйгээ 7 жил хамт амьдарч байна. Гаднаас нь харахад бид хэвийн айл. Маргалдаад сүйд болоод байдаггүй. Гэхдээ би нэг зүйлийг дотроо тэсэлгүй бичиж байна. Манай секс үнэхээр асуудалтай болсон. Эхний хэдэн жил гайгүй байсан. Одоо бол сард 1–2 удаа, тэр нь ч яараад л дуусна. Нөхөр маань бараг л өөрийнхөөрөө хийчихээд унтчихна. Би үлдээд тааз ширтээд хэвтэнэ. Би дур тавьж байгаагүйгээ тэр ерөөсөө анзаардаггүй юм шиг. Нэг удаа зориг гаргаад “би хангалтгүй байна” гэж хэлсэн чинь “чи л хэт их юм хүсээд байна” гэсэн.

Тэгээд би дуугүй болсон. Үнэндээ бол би хүсдэг. Маш их хүсдэг. Гэхдээ надад урьдчилсан халамж, яриа, тэврэлт хэрэгтэй байдаг. Шууд л ороод дуусдаг зүйл надад секс биш. Би өөрийгөө зүгээр л бие нь байхад хангалттай хүн шиг мэдэрдэг. Сүүлийн үед бүр хэцүү. Нөхөр маань порно их үздэг болсон. Надтай хийхдээ харсан юмаа дуурайх гээд байдаг. Би эвгүй байна гэхээр “чи л хаалттай” гэнэ. Тэгээд би өөрийгөө буруутгаад л өнгөрнө. Заримдаа би санаандгүй өөр хүнийг хараад сэрэл төрөх үе байна. Тэгээд өөрөөсөө айдаг. “Би буруу хүн үү?” гэж. Гэтэл гэртээ бол би хүсэгдээгүй, сонсогдоогүй эмэгтэй.

Би салмааргүй байна. Гэхдээ ийм сексгүй шахуу, эсвэл ганц хүний хэрэгцээ хангадаг амьдралд насан турш явахыг ч хүсэхгүй байна. Би эмэгтэй хүн. Надад ч бас таашаал, халамж, анхаарал хэрэгтэй. Ийм асуудалтай айл байдаг уу? Эр хүн эхнэрээ дур тавьж байгаа эсэхийг огт боддоггүй байж болох уу? Би яаж яриагаа эхлүүлэх вэ, эсвэл аль хэдийн оройтсон уу? Үнэнээ хэлэхэд, би зүгээр л хүсэгддэг, ойлгогддог эмэгтэй баймаар байна.