ХУЛГАЙЧ НАЙЗ, ТҮҮНИЙ НАЙЗ ЗАЛУУТАЙ НУУЦААР ЯВАЛДДАГ БАЙСАН МИНИЙ НУУЦ…

Сайн байцгаана уу? Амьдралд тохиолдсон нэгэн нууцлаг түүх болон сэтгэлийн өчлөө хуваалцах гэсэн юм. Бид хоёр дунд ангиасаа эхлэн олон жил найзалсан дотны найзууд байлаа. Гэвч тэр найзыгаа хулгайч гэдгийг би сүүлд нь л ойлгосон юм даа. Манай гэрээс үнэт зүйлс авч байхад би мэдээгүй, ном хулгайлахад нь ч, бүр компьютерийг минь авахад нь ч мэдээгүй, их л гэнэн хүүхдээрээ байжээ.

Эцэст нь утсыг минь хулгайлахад нь би “Find My Phone” холбосон байсан болохоор тэрүүгээрээ харж байж үнэхээр хулгайч юм байна гэдгийг нь мэдсэн юм.

Гэхдээ би тэр хүн намайг маш их хохироолоо доо гэж өөрийгөө өрөвдөөгүй ээ. Учир нь найз бид хоёр аймгийнх, харин түүний нэлээн удаан үерхсэн найз залуу нь хотынх байсан юм. Би 10-р ангидаа хот руу шилжсэн бөгөөд тэр үед найзын маань найз залуу над руу чат бичиж, би ч уулзахаар болж билээ. Бид хоёр хэд хэдэн удаа уулзаж, секс хийсэн.

Тэгээд тэр хоёр маань нэг нь хотод очиж уулзах, эсвэл нэг нь аймагт нь очиж уулзах болгонд би юу ч болоогүй юм шиг байж, сайн найзын дүр эсгэдэг байв. Найз маань энэ талаар юу ч мэдээгүй. Би харин хийсэн зүйлдээ маш их гэмшиж, өөрийгөө байнга буруутгадаг байлаа.

Харин найз маань намайг тэгж хохироож, хулгай хийснийг нь мэдсэн тэр үед би өөрийгөө буруутгахаа больж, дотроо найзыгаа ч уучлаад, эргэж харахгүйгээр харилцаагаа бүрмөсөн тасалсан даа…