Хөргөгчнөөс эхэлсэн тагнуул: Шакира нөхрийнхөө нууц амрагийг гүзээлзгэний чанамалаар яаж барьсан бэ?

Колумбын алдарт дуучин Шакира болон Испанийн хөлбөмбөгийн од Жерард Пике нар 12 жилийн турш Холливудын хамгийн сайн сайхан, үлгэр жишээ хосуудын нэгд тооцогдож байв. Гэвч тэдний олон жилийн харилцаа нэг л өдөр маш хачирхалтай, шуугиант баримтаар эцэс болсон юм.

Аялан тоглолт ба хоосорсон чанамал
Шакира ажил, аялан тоглолтоороо олон хоногоор гэрээсээ явж ирснийхээ дараа хөргөгчөө нээгээд нэгэн зүйлийг анзаарчээ. Түүний маш их дуртай, гэрт нь зөвхөн ганцаараа л иддэг байсан гүзээлзгэний чанамал дуусчихсан байв.

Пике болон тэдний хоёр хүүхэд гүзээлзгэний чанамалд огт дуртай биш, хэзээ ч иддэггүй байсан тул Шакирагийн сэжиг төрж, гэрт нь өөр эмэгтэй ирсэн байна гэдгийг шууд гадарлажээ.

Өөр залуухан эмэгтэй ба урвалт
Сэжиг нь батлагдаж, Пике ердөө 22-хон настай Клара Чиа хэмээх залуухан эмэгтэйтэй нууцаар явалцаж, бүр Шакираг гэрээсээ явсан хойгуур гэртээ нь авчирдаг байсан нь ил болсон юм.

Дуугаараа авсан өшөө
Энэхүү урвалтын дараа Шакира зүгээр нэг чимээгүй өнгөрөөгүй. Тэрээр продюсер Bizarrap-тай хамтран “Music Sessions, Vol. 53” дуугаа гаргаж, Пике болон түүний шинэ амрагийг дууны үгээрээ бөмбөгдсөн юм. Дуундаа “Чи Rolex-ийг Casio-гоор, Ferrari-г Twingo-гоор сольчихлоо” хэмээн дуулсан нь хэдхэн цагийн дотор дэлхий даяар хит болж, Пикег жинхэнэ утгаар нь онигоо болгосон билээ.