Heidi Klum: Бие хамгаалагчдаа сэтгэл алдарсан супермоделийн шуугиант амьдрал!

Дэлхийн зарын сурталчилгаа, загварын ертөнцийн супермодел, “Project Runway” шоуны хөтлөгч Heidi Klum болон Британийн алдарт дуучин Seal нарын гэрлэлтийг нэгэн цагт Холливудын хамгийн төгс, үлгэр жишээ хосуудын нэг гэж үздэг байв. Жил бүрийн Халлоуины баяраар хамгийн өвөрмөц хувцаслалтаараа дэлхийг гайхшруулдаг байсан тэдний 7 жилийн гэрлэлт 2012 онд гэнэт дуусгавар болсон нь олон нийтийг цочроосон юм. Тэдний салалтын цаана чухам юу байв?

Бие хамгаалагчтайгаа үүсгэсэн нууц амрагийн харилцаа

Салсны дараахан Heidi Klum өөрийн болон гэр бүлийнхээ аюулгүй байдлыг 4 жил хариуцсан бие хамгаалагч Martin Kirsten-тэй дотно харилцаатай болсон нь ил болжээ. Сэтгүүлчид тэднийг Сардини аралд амрах үеэр папараццийн дуранд буулгаснаар энэ яриа баталгаажсан юм.

Дуучин Seal-ийн ууртай мэдэгдэл

Энэхүү зураг олон нийтэд цацагдсаны дараа Seal TMZ сувагт өгсөн ярилцлагадаа: “Би түүнийг сүмд лам болоосой гэж хүсээгүй. Гэхдээ ядаж биднийг бүрэн салахаас өмнө бие хамгаалагчтай туслахтайгаа амраглахгүй, жаахан хүндэтгэлтэй хандаж болох байсан” хэмээн мэдэгдсэн нь томоохон скандал үүсгэсэн. Тэрээр Heidi-г гэр бүлээс гадуурх харилцаа үүсгэж, араар тавьсан хэмээн шууд буруутгаж байв.

Heidi Klum-ийн няцаалт ба үнэн

Үүний дараа Heidi Klum Katie Couric-ийн шоунд оролцохдоо Seal-ийн хэлсэн үгийг няцааж: “Би гэрлэсэн байхдаа хэзээ ч өөр эрэгтэй рүү хараагүй. Бидний салалт бие хамгаалагчаас болоогүй. Харин салсныхаа дараа л би Martin-ийг өөр өнцгөөс харж, түүнд итгэж эхэлсэн” гэж тайлбарласан юм. Гэвч тэдний харилцаа удаан үргэлжлээгүй бөгөөд 2014 онд салцгаажээ.

Шоу бизнесийн хамгийн төгс гэгдэж байсан хосуудын салсан шалтгаан болон бие хамгаалагчтайгаа холбогдсон энэхүү явдал нь супермоделийн амьдрал дахь хамгийн их хэл ам дагуулсан дуулиан болон үлдсэн юм.