Mental Load ба Сексийн хүсэл: Яагаад заримдаа сонирхолгүй болчихдог вэ?

“Би хамтрагчдаа дургүй болоогүй, гэхдээ яагаад ч юм бэлгийн ажилд орох сонирхол, энерги огт алга…”

Хамтран амьдарч буй хосуудын дунд энэ яриа маш их гардаг. Бид ихэвчлэн үүнийг “хайр сонирхол нь буурчихаж” эсвэл “нас ахиж байгаагийнх” гэж эндүүрдэг. Гэвч бодит байдал дээр энэ нь хайр дуртай эсэхээс биш, тархинд тасралтгүй хуримтлагддаг “Mental Load” буюу сэтгэцийн далд ачаалалтай шууд холбоотой байдаг.

“Mental Load” гэж юу вэ?

“Mental Load” гэдэг нь зөвхөн биеийн хүчний ажил хийх, шал угаах, хоол хийхийг хэлэхгүй. Харин өдөр тутмын амьдралыг тасралтгүй төлөвлөх, санаа зовох, зохион байгуулах далд тархины ажиллагааг хэлдэг.

Дэлгүүрээс авах зүйлсийн жагсаалт хийх, цахилгааны мөнгө төлөх, хүүхдийн хичээлийн хуваарийг санаж байх, гэрийн ариун цэврийн цаас дуусаж байгааг анзаарах гээд энэ бүх жижиг сажиг санамжуудыг тархиндаа тасралтгүй ажиллуулж байдаг хүнд дотно харилцаанд зориулах сэтгэл зүйн “орон зай” үлддэггүй.

Үүнийг компьютерийн CPU-тэй харьцуулж болно. Арын фон дээр хэт олон аппликейшн нээлттэй байхад үндсэн программ гацаж эхэлдэгтэй яг ижил.

Сэтгэцийн ачаалал ба Сексийн даавар

Тархи ачаалалтай, стресстэй байх үед бие махбод Кортизол (Stress Hormone) хэмээх дааврыг асар өндөр хэмжээгээр ялгаруулж эхэлдэг.

Кортизолын хэмжээ ихсэхэд бие махбодод дараах өөрчлөлтүүд гарна:

• Дааврын тэнцвэргүй байдал: Сексийн сонирхол, хүслийг хариуцдаг Тестостерон ба Эстроген дааврын түвшин дарангуйлагддаг.
• Аюулгүй байдлын горим: Бие махбод аюулаас хамгаалах “тэмцэх эсвэл зугтах” (Fight or Flight) горимд шилждэг тул тайвширч, таашаал авах боломжгүй болдог.

Тархи ирээдүйн ба түмэн асуудалд санаа зовж байхад одоо цагт анхаарлаа төвлөрүүлж, сэрэл хөдлөх биологийн боломжгүй юм.

Хосуудын харилцаанд үүсдэг үл ойлголцол

Сэтгэцийн ачаалал ихэвчлэн хосуудын нэгэнд нь (статистикоор ихэвчлэн эмэгтэйчүүдэд) илүү ирэх нь бий.

• Анхаарал тавих асуудал: “Би гэр орноо зохион байгуулах гэж тархиа чилээж байхад, хамтрагч маань зөвхөн орон доторх асуудалд анхаараад байна” гэх гомдол үүсдэг.
• Бэлгийн ажил дахин нэг “үүрэг” болох: Энэ үед бэлгийн харилцаа нь таашаал авахаас илүүтэй “хийх ёстой дахин нэг ажил” шиг санагдаж, улам бүр зугтахад хүргэдэг.

Энэ асуудлыг хэрхэн шийдвэрлэх вэ?

1. Ачааллыг “Туслах” биш, “Хариуцах” хэлбэрээр хуваах
   “Надад туслах зүйл байна уу?” гэж асуухаас илүүтэй тодорхой нэг ажлыг (жишээ нь: хүнс цуглуулах, цахилгаан байрны мөнгө төлөх) бүрэн хариуцаж авах. Энэ нь хамтрагчийн тань тархинаас нэг том файлыг устгаж өгч байгаатай адил.
2. “Switch-Off” зан үйл хийж сурах
   Унтлагын өрөөнд орохын өмнө ажлын яриа, гар утас, өдөр тутмын асуудлаа хаалганы цаана үлдээх. Өдрийг дуусгаж, биеэ амраах халуун ус, массаж эсвэл хөнгөн хөгжим сонсох зэрэг тайвшруулах зуршилтай болох.
3. Дотно харилцаа заавал оргазмаар дуусах албагүй
   Сексийг заавал тодорхой финалд хүрэх ёстой гэсэн дарамтгүйгээр, ердөө л бие биенээ тэврэх, биеийн хүрэлцэхүйгээс таашаал авах, ярилцах зэргээр сэтгэл зүйн дарамтгүй орчныг үүсгэх хэрэгтэй.

ДҮГНЭЛТ: Сексийн хүсэл буурах нь та хоёрын хайр хөрсний шинж биш. Энэ бол зүгээр л таны тархи ба бие махбод сэтгэл зүйн амар амгаланг нэхэж буй дохио юм. Нэг нэгнийхээ далд ачааллыг хуваалцаж, тархийг нь амрааж өгөхөөс дотно харилцааны шинэ шат эхэлдэг.

✦ ТОП МЭДРЭМЖ, ТАНСАГ СОНГОЛТ

Хайр халамж, дотно харилцаа бүхэн өөрийн гэсэн онцгой хэмнэлтэй. Унтлагын өрөөнийхөө уур амьсгалыг улам баяжуулж, хамтдаа шинэ мэдрэмжийн ертөнцийг нээхийг хүсвэл олон улсын өндөр стандартын, дээд ангиллын сонголтуудтай танилцаарай.

✨ Таны нандин мэдрэмж, нарийн нандин хүсэл бүхэнд зориулсан Lovelytoys.MN премиум онлайн дэлгүүрээр зочлоорой.