ЭРХ НЬ ДЭНДСЭН, ӨСВӨР НАСНЫ ДҮҮГЭЭ ЯАХ ЁСТОЙ ВЭ?

Эрх нь дэндсэн 16 настай эрэгтэй хүүхдийг одоо яах ёстой юм бэ? Би эгч нь байгаа юм, бид хоёр нэлээн олон насны зөрүүтэй. Одоо бол хоорондоо харилцаа марилцаа гэж авах юм юу ч байхгүй болсон. Түүнд таалагддаг, сонирхдог юм гэж нэг ч байхгүй. Гэр орондоо байнгын уур уцаартай, хамаг юмаа шидэлж, зүгээр энгийн юм асуухаар л уурласан хүн байдаг. “Надад ямар хамаатай юм, би яаж мэдэх юм, надтай битгий харьц” гээд л аашилна.

Жаахан үг хэлэхээр нохой хуцаж байгаа чинээ ч тоохгүй. Аав, ээжтэй бол бүр “Тэнэг юм уу, мангар юм уу, эргүү юм уу, чадахгүй байж” гэж харьцаж байна. Хааяа бүр тэвчээр барагдаад цохиод авахаар түүнийгээ засахын оронд улам гөжүүдлээд, бүр хүнээ байгаад байх юм. Тэртэй тэргүй хамт амьдрахад аймаар хэцүү байна. Нэгэнт ингээд буруу хүмүүсчихсэн өсвөр насны хүүхдийг одоо яах ёстой байдаг юм бэ?