БАЯРЛАЖ ЦЭНГЭСЭН Ч, УНАЖ ДОРДОХООР Ч АРХИ СОНГОДОГ БИДЭНД ТОМ АСУУДАЛ БАЙНА!

Тэртээ нэгэн жил хамаатны хурим найр хөдөө өргөн дэлгэр болов. Яахав манайхны сурч заншсанаар назгай архидалт явагдаад, согтуурч хөлчүүрхсэн хадам нь охиноо хурим дээр нь алгадаж унагаан, бөөн нанчилдаан болов.

Амьдралд ганц тохиох хурим дээрээ тийм шившигтэй байдалдаа орсон охин насаараа гомдол тээж үлдээ биз. Яаж тэр гамшгийн дүр зураг гэгч нь болоогүй юм. Яг юу гэх гээд байна вэ гэвэл ажил ярьсан ч архи, баярлаж цэнгэсэн ч архи, унаж доройтсон ч архи сонгодог бидэнд маш хүнд асуудал байна. Сонгох сонгохдоо бүр хэтрүүлэн хүртдэгт нь бүр ч том асуудал байна даа…