Хүндлэл

2061222_3a5ade30

Хүний амьдралын хамгийн аз жаргалтай үеэ өнгөрдөг газар нь гэр орон билээ. Та учирсан зовлон зүдгүүрээ аль болох гэр орондоо чирч ирэхгүй, хэрүүл маргаан үүсгэхгүй байх талаар хичээгээрэй. Өөрөөр хэлбэл ажлын болон хувийн бэрхшээлээ гэр бүлдээ аль болох бага ярих ёстой юм. Гэр оронд үүссэн асуудал хүндрэлийг хурцатгаж, хэрүүл маргаанд хүргэхгүй хурдан дарж чадвал та аз жаргалтай амьдарна.

Тэгээд ч нэгэнт үүссэн бэрхшээл загнаж зандарсанаар засагдчихгүй. Бага бухимдаж, сэтгэл санаагаа тайвшруулах тусам бэрхшээлээс гарах арга замыг түргэн олж чадна. Нэг гэр бүлийнхэн аливаа буруу үйлдлийн буруутанг хайж олох, шийтгэх гэж бие биеэ зовоох хэрэггүй. Ингэснээр буруу үйл хийсэн хүнээ, дээр нь өөрийгөө, бас болоогүй бусдыгаа ч зовоох аюултай.

Тиймээс бурууг нь ганцхан удаа хэлээд орхих нь зүйтэй. Нэг тогооноос хоол идэж байгаагаа буруутгах хэрэггүй харин ч зовж яваа нэгэндээ сэтгэлийн дэмжлэг үзүүлж, амрахад нь хүртэл туслах ёстой. Хэн бүхэн өдөржин ажил хийж ядарсан амьтан гэртээ ирдэг. Одоо бүгд л амрах хэрэгтэй байгаа учир хүндрэлтэй асуудлуудаа ярих гэсний хэрэггүй. Тэр тусмаа гэрийнхэндээ санхүүгийн туслалцаа үзүүлж, тэдэндээ хүссэн бүхнийг нь байнга авч өгч баярлуулж чаддаггүй юмаа гэхэд уурлуулж бухимдуулахгүй байж хэн ч чадна.

Нэг гэрт амьдарч байгаа хүмүүс бие биенийхээ жаргал зовлонг хэлүүлэлтгүй мэдэрч, туслах, сэтгэл санааны дэм өгөх, өөрөөр хэлбэл нэг нь ядарсан царайтай байвал сайхан өтгөн цай чанаад өгөх гэх мэтээр халамжлах хэрэгтэй. Тэр танд баярлахаас гадна та өөрөө түүнд тусалсандаа баяртай байх болно. Ингэж бид гэр орондоо аз жаргалыг авчирч бусдыг хайрлаж гэмээнэ бусдад хүндлэгддэг юм.

/Гэр бүл хөгжил төвөөс танд зөвлөж байна/

3 Comments

  1. saran says:

    ynen bichjee.ynen ynen.

  2. hench bish says:

    гоё гоё стэрссд баригддаг хүмүүсд л хэрэгтэй зөвөлгөө байна

  3. beegii says:

    unen shuu unen

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.