МАРТАХЫН ХҮСЛЭН

До.Болдхуяг

Гандуу намрын үдэш сэтгэлээрээ дэлбээлж
Ганцхан орчлонд хосоор явж дээ бидэн хоёр
Гарч одсон үүдээр чинь орох болгондоо дурссаар
Гарын арван хуруунаас талийж өгч дээ он жилүүд

Чамд алгадуулсан хацраа энхрийлэн илбэж
Чандган сарны дор доголон нулимстай мишээж
Хуримын чинь өдөр цэцэг бэлэглэсэн гараараа
Хундага хага шидэж, ширээ балбан гансарч

Инээсэн зургийг чинь нулимстай нүдээр ширтэж
Илүүдсэн атлаа жаргалтай хүний дүр эсгэж
Ижил гэрэлт оддын дор сондгойрон бүүдийж
Ихэр цагаан сарны дор ганцаардаж явна аа янаг минь

Өөрийн минь өвөрт өрөөлийг бодон шаналсаар
Өдөлж ниссэн шувуу томоогүй чиг амраг минь
Чамд зориулсан шүлгийг оргүй мартсан шигээ
Надад чи одоо мартагдах болоогүй юу хайрт минь

Хө бэй. Чөн дө 2011 он

5 Comments

  1. Jaagii says:

    Vneheer goe bichje. Amjilt

  2. Anonymous says:

    шүлэг захиалж болохуу нэг хүнд хэлж чадахгүй зүйлээ хэлмээр банйа 

  3. A says:

    5 nom gargasan

  4. Zul says:

    Taalagdaj bn nom n garsan boluu?

  5. zaza says:

    ene Boldhuygiin shuleg nadad aygui ih taalagdaj bainaa! Amjilt, iluu goe goe shuleg bicheerei, tesen yadan huleey

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.