Над шиг мангар хүн байдаггүй байх

Сайн байна уу та бүхэндээ энэ өдрийн мэндийг хүргэе. Би одоо 27 настай. 4 жилийн өмнө нэг залуутай цуг ажилд ороод танилцаж байсан юм. Тэр манай нутагт ирээд удаагүй таних хүн бараг байхгүй бид нас чацуу болохоор их сайн найзууд боллоо. Тэр анхнаасаа л надад сайн байсан тэр нь илт байдаг байсан. 3 сарын дараагаас бид дотносож тэр надад сэтгэлээ илчилж би ч гэсэн түүнд их дассан. Халамжтай ч гэж жигтээхэн бас их романтик залуу. Гэхдээ хөнгөн хийсвэр бишээ их буурь суурьтай амгалан сайхан монгол залуу. Эхэндээ ч бөөн аз жаргал хайр дурлал дунд сайхан л байсан.

Нэг өдөр ажил дээрээ ирээд мэнд асуух гээд өрөөнд нь ортол нэг жоохон охинтой царай нээх сонин болчихсон байж байсан. Би ч дүү нь юм болов уу гээд юм бодолгүй гараад явсан. Тэгтэл хэдэн өдөр таг чиг алга болчихсон. Би гайхаад үхэл хагацал ямар нэгэн муу юм болсон юм болов уу яагаад хэл сураггүй болчихвоо гэж бодоод хүлээж байсан. Тэгээд хэд хоногийн дараа орой гэртээ байж байтал намайг уучлаарай надад их гомдсон уу гээд мэссэж ирдэг юм байна. Яагаад таг чиг болов, юунд уучлалт гуйж байгаа юм бэ гэсэн чинь тэр өдөр өрөөнд байсан охин миний салсан найз охин жирэмсэн болчихсон гэнээ гэдэг байгаа. Би их бардам өөртөө итгэлтэй нэгэн: өө тиймүү чамд аав болсонд чинь баяр хүргэе та 2-т аз жаргал хүсэе гээд утсаа унтраасан. Зөндөө их уйлж, зөндөө их гомдсон.

Тэр охин нь 94 оных анагаахад сурдаг тэгээд тэрэнтээ нэг нутаг болохоор ээж эгч ахтай нь уулзаад жирэмсэн болсон гэдгээ хэлчихээд ирсэн байсан. Би ч дотроо шаналж байгаа ч гэсэн гүрийгээд л ажлаа хийгээд л. Тэр байнга гэмшсэн харцаар намайг ширтээстэй, ажил тарсан үед байнга утсаар залгаад юу ч ярихгүй чагнаад л эсвэл хайрын тухай дуу сонсгоод л, өглөө эртээ цонх тоншоод инээж мэндэлчихээд л яваад өгнө. Зөндөө их шаналж хоёр талд явсан. Тэр архи уудаггүй манай хамт олон дунд ямарч баяр ёслол арга хэмжээ болоход тэр бүгдэд ордог хэрнээ ганцаараа цоо эрүүл сайхан дуулдаг бүжиглэх дуртай их цоглог залуу л даа. Тэгээд хэсэг хугацаанд хоёр талд шаналж явж байгаад сайн найзууд байхаар тохирсон. Сайн найз минь гараад ирээч найз нь ганцаараад байна гээд дуудна овоо юм яриад сууж байгаад нэг мэдэхэд л хайрын харцаар ширтэлцээд л…

Нэг өдөр тэр шал согтуу ирээд би чамаас салж чадахгүй нь би тэр охинтой суухгүй ээ хүүхдээ төрөхөөр бор хоолонд оруулаад хүүхдээ аваад сална. Намайг жоохон хүлээгээч гээд л уйлсан. Тэр хүүхэн ч цуг байдаггүй байсан өөрийнхөө аав ээж дээр байдаг байсан юм. Тэгээд л би гэдэг хүн чинь хайртай хүнийхээ хайр нь ч юм шиг нууц нь ч юм шиг болсон доо. Тэгээд хүүхэд нь гарсан чинь төрөлхийн зүрхний гажигтай хамгийн хүнд хэлбэр нь гэсэн 2 ой хүрэхээс нь өмнө гадаадад хагалгаанд оруулахгүй бол амьдрах үгүй нь тодорхойгүй гэсэн. Гэхдээ их азтай хүүхдээ ой гарантай байхад нь солонгосын эмнэлэг хагалгаа хийхээр сонгосон гээд бөөн баяр тэгээд солонгос явахад аав ээжийн гэр бүлийн баталгаа юу юу ч гэнэ үү баахан л бичиг баримт хэрэгтэй гээд тэр 2 гэрлэлтээ батлуулсанаар би албан ёсны нууц амраг болчихсон.

Одоо охин эдгээд ирсэн эмчийн хяналтанд байдаг. Би ч нөгөө залуугаасаа салж ч чадахгүй байж ч чадахгүй одоо 4 жил болж байна. Энэ хугацаанд мэдээж зөндөө л салах гэж оролдсон би ажлаасаа хүртэл гараад өөр ажилд орсон. Одоо бүр залхаад байхын гэхдээ л салж чадахгүй хэвээрээ ямар нэг залуу гарч ирээд энэ залууг хайралсан шигээ түүнийг хайрлаад, түүнээс мэдэрсэн тэр их хайрыг мэдрээд сайхан гэр бүлтэй сайхан амьдармаар байхын…

Амьдрал үнэхээр тааж хэлэхийн аргагүй миний амьдрал миний бодож төсөөлж байснаас тэс өөр тэгэхгүй дээ гэсэн бодлыг минь баталж байгаа юм шиг…

Би гадаадруу ч явдаг юм билүү гэж бодох юм тэгж байж л энэ утгагүй амьдралаас холдох байх…