Цаазаар авахуулахын урд орой

Эдгээр зургийг 2003 онд авч байсан түүхтэй. Шоронгийн амьдралыг харуулсан бусад фото зургуудаас ялгагдах нэг том онцлогтой юм. Тухайн үед фото зурагчныг цаазаар авах ял авсан хэрэгтнүүдтэй нэг шөнийг өнгөрүүлэхийг Хятадын Засгийн газар зөвшөөрсөн учраас эдгээр зураг маш онцлог. Ингээд зогсохгүй цаазаар авах ялыг нь гүйцэтгэхийн урд орой нь эдгээр зургийг дарсан түүхтэй гэхээр бүр ч онцлог.

Гэвч фото сурвалжлага бэлэн болсны дараа гэнэт хүнд гэмт хэрэг үйлдэж цаазын ял авсан хэрэгтнүүдийг жирийн хүн гэсэн өнцгөөр авсан нь таалагдаагүй тул олон нийтэд ил болгохыг нь зөвшөөрөөгүй. Гэвч цаг хугацаа өнгөрөхийн хэрээр Хятадын төрийн хандлага өөрчлөгдсөн тул одоо харин эдгээр зургийг олон нийтэд ил болгохыг зөвшөөрчээ.

Эдгээр эмэгтэйчүүд нь хар тамхины хэргээр цаазаар авах ял авсан хүмүүс байсан. Тэдний ялыг олон нийтийн өмнө гүйцэтгэсэн байдаг.