Мөнгө үү? Сэтгэл үү?

За ёстой кино, дуун дээр гардаг шиг л 2 сонголт өмнө минь тулгараад байна яах вэ? Найз залуутайгаа 3 гаруй жил үерхэж байна. Надаас ах. 30 гарсан залуу. Одоо хүртэл өөрийн гэсэн өмч хөрөнгө юу ч байхгүй. Жоохон mommy’s boy талдаа. Ээжтэйгээ амь гэж жигтэйхэн. Нилээдгүй хугацаанд үерхэж байна гэж би хувьдаа бодож байгаа, гэвч одоо хүртэл тусдаа гарах нтр гэсэн юм ярьдаггүй ээ, ярихаар шалтгаан нь мөнгөггүй гэнэ.

Мөнгө олоод цуглуулаад гээд ярьж байгаа юмыг нь сонсохоор нэг л үл бүтэх. Амьдралын талаар ер нь нарийн ширийн юм мэдэхгүй л өссөн юм шиг. Тэгээд цугтаа болгоё бүтээе гэхээр нэг л өөдтэй амьдралтай зүйл ярихгүй юм бөөн хийсвэр. Мөнгө цуглуулье гэж бодож байгаа юм байхгүй, өөр юм авахад мөнгөө үрдэг. Эртхэн салаад эд хөрөнгө хараад өөр хүнтэй үерхье гэж бодохоор сэтгэлтэй байгаад байдаг яах вэ?

Ер нь ийм ээжийн хүүг яах ёстой байдаг юм болоо? Эр хүн болно гэж байдаг болвуу? Аавгүй өссөн гээд бүх хүн ийм байдаггүй биз дээ. Надад аягүй сайн уг нь. Гэхдээ бүсгүйчүүд “уг нь сайн залуу” гэж бодоод алддаг гэдэг шиг юм болох гээд байгаа ч юм шиг. Мэдэхгүй ээ үнэхээр, сэтгэл байгаад болгьё гэхээр амьдралтай шийдвэр гаргаж чадахгүй, үйлдэл хийхгүй, хөнгөн хийсвэр яриатай, тэр ярианд нь би ядаж байхад итгэчихнэ. Үнэхээр яахаа мэдэхгүй болох үе байдаг юм байна. Зөвлөгөө өгөөч? Санал бодлоо хуваалцаарай баярлалаа.

Ер нь та нарын хувьд: Мөнгө үү? Сэтгэл үү?