40 нэлээд гарсан, амьдрал үзсэн бүсгүйчүүд маань хариулж, зөвлөгөө өгөөрэй

Сайн байцгаана уу? Надад нэг сэжигтэй зүйл санагдаад, та бүхнээс асуух гэсэн юм. Намайг харааж ерөөлгүй, амьдрал дээр ийм зүйл болох магадлалтай эсэхийг бодитоор хариулаад өгөөрэй.

Өнгөрсөн хавар би эрүүл мэндийн бага зэрэг шалтгаанаар хот орж, 10 гаруй хоног эмчилгээ хийлгэсэн юм. Тэр үеэр мал харах хүнгүй, хүүхдүүд хичээл сургууль гээд суурин газарт байдаг болохоор аргагүйн эрхэнд малаа харуулахаар хүн хайсан. Тэгээд хөдөө айл айлд зарагдаад явдаг, сургууль соёлд суугаагүй, хүний үгнээс гардаггүй нэг залууг гуйж, эхнэртэйгээ хамт үлдээсэн юм. Тэр залуу одоо 30 орчим настай байх. Ер нь бол бага зэргийн тархины сааталтай гэх үү, үг дуу цөөтэй, нутгийн охид хүүхнүүд тоодоггүй, өөрөө ч юм ярихаараа элий балайдуу тийм нэг залуу л даа. Бид хоёрыг “ахаа, эгчээ” гээд л гүйдэг юм. Эхнэр бид хоёрын хувьд 50 дөхөж яваа хүмүүс. Тэгээд тэр залуугаар мал идээгээ харуулж, бас бус ажилд туслуулаад гэртээ байлгасан юм.

Гэтэл одоо би дахиад хэд хоног хот явах ажил гараад байна. Тэгсэн эхнэр нөгөө дүүг “Хэд хоног гэртээ байлгая” гэнэ. Эхнэрийн хувьд сэрэл, дур хүсэл нэлээд өндөртэй хүн. Харин миний хувьд сүүлийн хэдэн сар биеийн эрүүл мэндийн шалтгаанаас болоод эхнэртээ шөнийн амьдралд нь анхаарал тавих маань багассан.

Миний санаа зовоод байгаа зүйл бол, эхнэр маань хаврын тэр хэд хоногт намайг тэр залуугаар орлуулчихсан юм биш байгаа даа гэх эргэлзээ юм. Одоо дахиад намайг байхгүйд орлуулчих вий дээ гэж маш их санаа зовоод асууж байна. Шөнөдөө мэдээж манайд л хонож таарна. Болбол 40 нэлээд гарсан, амьдрал үзсэн бүсгүйчүүд маань хариулж, зөвлөгөө өгөөрэй.