Дахиад л бэлгэвч олчихлоо

Өглөөний мэнд, бүсгүйчүүдээ. Надад үнэхээр сэтгэлээ нээж, зөвлөгөө авах маш хэцүү асуудал тулгараад байна. Өнгөрсөн 8 сард манай нөхрийн машинаас нэг хайрцагтай бэлгэвч гарч ирсэн юм. Тэгэхэд нь би гайхаад асуутал ‘Машинд таксиар суусан хүн л андуураад үлдээчихсэн байна’ гэж хэлсэн.

Яг бодит мэт харагдана…

Тухайн үед би ханиа гэсэн сохор итгэлээрээ элдэв зүйл бодолгүй, сүйд бололгүй итгээд л өнгөрөөсөн. Сэтгэлийнхээ гүнд тэр үгэнд нь итгэхийг маш их хүссэн байх л даа. Гэтэл ердөө хоёрхон өдрийн өмнө машиныг нь цэвэрлэж байгаад дахиад л бэлгэвч олчихлоо. Анхных нь санамсаргүй тохиолдол байж болох ч, хоёр дахь удаагаа ийм зүйл машиных нь дотроос илрэхээр миний дотор бүх зүйл орвонгоороо эргэх шиг л болж байна. Одоохондоо өөрт нь олсон гэдгээ хэлээгүй, нууцалж байгаа. Хэрвээ хэлчихвэл дахиад л ямар нэгэн шалтаг хэлж, намайг тэнэг хүн шиг хуурах болов уу гэхээс айж байна. Сэтгэл минь үнэхээр өвдөж, зүгээр л юу ч хийж чадахгүй шаналаад сууж байна. Би одоо яах ёстой вэ? Түүнээс шууд асуух уу, эсвэл яг баримттайгаар барихыг хүлээх үү? Над шиг ийм зүйлтэй тулгарч байсан хүмүүс байвал зөвлөөч.