Нохой гээд авартал чоно болж таарчээ

Сайхан сэтгэлтэй эстони ажилчид мөсөн голд живж байсан нохойг авраад, дулаан зүйлээр хучин машиндаа оруулсныхаа дараа чоно байсныг нь мэджээ.

Парну голд живсэн чонын арьс бүхэлдээ мөсөнд хучигдсан бөгөөд мөсийг нь салгаж байх явцдаа эргэлзэж эхэлсэн тухайгаа аврагчид ярьсан байна.

Гэхдээ чоно тэдэн рүү дайраагүй бөгөөд, харин ч тун намуухан байж, нэгнийх нь өвөр дээр унтсан аж. Тэд нэг орчим настай, эр чоныг Эстонийн зэрлэг амьтан хамгаалах төвд хүргэжээ.