ТОМ ТААЗ, ӨГЗӨГТЭЙДӨӨ САНАА ЗОВООД, ИТГЭЛТЭЙ АЛХАЖ ЧАДАХГҮЙ ЮМ…

Би одоо 20 настай. Миний биеийн дээд хэсэг нэлээд жижигхэн, туранхай мөртлөө тааз, өгзөг, гуя хэсгээрээ нэлээд том биетэй. Өндөр маань 160 см, жин 53 кг. Хэдий тийм хэлбэргүй, муухай тарган биш ч гэсэн би хэзээ ч эрэгтэй хүнтэй ойртож, унтаж үзээгүй болохоор өөрийнхөө энэ таазнаас маш их санаа зовох юм.

Миний үеийн залуучууд ер нь аль болох өндөр, туранхай, гуалиг охидыг илүү сонирхоод байх шиг санагддаг. Тэгээд ч тэр үү би өөртөө маш их итгэлгүй болчихсон. Залуутай уулзлаа гэхэд дандаа доод хэсгээ нуусан урт хувцас өмсдөг, урд нь тухтай алхаж ч чаддаггүй.

Хэн ч надад “Муухай биетэй байна” гэж хэлж байгаагүй л дээ. Гэхдээ л би өөрөө санаа зовоод байх юм. Ер нь ийм биеийн галбиртай эмэгтэй хүн эрчүүдийн харцанд яаж харагддаг бол? Залуус аа, үнэнээсээ бодлоо хуваалцаарай.

HTML