ЭНЭ ХҮНЭЭС ЯАЖ БҮРМӨСӨН САЛАХ ВЭ?

Сайн байцгаана уу? Энэ өдрийн мэндийг хүргэе. Сэтгэл санааны болон санхүүгийн гүнзгий асуудалд ороод байгаа тул хүмүүсээс хуулийн болон сэтгэл зүйн зөвлөгөө авах гэсэн юм.

36 ЦАГИЙН ҮЙЛЧЛЭЛТЭЙ ШИНЭ ҮЕИЙН ВИАГРА

Би энэ хүнтэй 2023 оноос 2026 оны 5 сар хүртэл хамт амьдарсан юм. Архи уух маш дуртай, уухаараа агсам тавьж, согтуудаа дарамтлах, доромжлох, зодох гэх мэт маш олон хэцүү зүйлээс үүдэж сүүлдээ 2026 оны 5 сард над руу хутга барьж айлгасан. Тэгээд би энэ хүнээс бүрмөсөн салахаар шийдэж гэрээс нь явсан юм.

Салснаас хойш эхний 2 сар “Ухаарсан, ойлгосон, ахиж тийм юм байхгүй” гэж уйлж дуулж залгаж, миний байршлыг хүртэл олж ирж маш их төвөг удаж байна.

Хамт байх хугацаандаа би энэ хүний төлөө маш их зүйлээ алдсан. Энэ хүнтэй амьдрахаасаа өмнө би хувийн бизнестэй, орох орон, унах машинтай, санхүүгийн хувьд боломжийн амьдардаг байлаа. Гэтэл одоо бүх зүйл минь байхгүй болсон. Машиныг минь унаж яваад эвдэж, засах ч боломжгүй болгосон бөгөөд намайг маш их зээлтэй үлдээсэн. Би бизнесгүй, зарим зээлээ төлж чадахгүйд хүрээд шүүхийн шатанд хүртэл очоод байна.

Түүнийг ажилд оруулах гэж хүмүүст мөнгө төгрөг өгч, ар талыг нь дааж гүйхийн хажуугаар тэр хүн мөрийтэй тоглоом тоглож, худлаа ярьж маш их мөнгө үрсэн. Намайг ийм байдалд оруулчихаад одоо өөрийнх нь нэр дээр байдаг цалингийн зээл, Апп-ын зээлүүдээ надаар төлүүлэх гээд байгаа юм. Хамт амьдарч байхдаа хоол хүнс, хэрэглээндээ хэрэглэсэн юм чинь “Чи төлөх ёстой” гэж шаардаж байна. Би өөрөө тэр зээлээс нь авч хэрэглэсэн зүйл байхгүй, өөрт нь байгаа бүхнээ зориулж хоосорчихоод байхад ингэж байгаа нь үнэхээр сонин санагдаж байна.

Тэр хүн маш их хэрэглээтэй, дээр нь мөрийтэй тоглоом тоглодог. Одоо байнга над руу дарамталж “Буцаад надтай нийл, үгүй бол амиа хорлолоо” гэж согтуу ярьж агсам тавьдаг. Надад үнэхээр хэцүү байна, би яах ёстой вэ?