ЭЭЖ, ЭМЭЭ НАР МИНЬ 7-8 ХҮҮХЭД ТӨРҮҮЛЭЭД Л АМЬДАРДАГ БАЙСАН БИШ ҮҮ?

Сайн байцгаана уу? Өнөөдөр нийгэмд болон гэр бүлийн харилцаанд маш их яригдаж буй жирэмслэлт, төрсний дараах сэтгэл зүй болон эмэгтэйчүүдийн хандлагын талаар өөрийн бодлыг хуваалцаж, хүмүүсийн санал бодлыг сонсмоор байна.

Сүүлийн үед зарим эмэгтэйчүүд яг л хүний өмнөөс хүүхэдтэй болчихсон юм шиг аашилж, “Жирэмсний үеийн сэтгэл зүй”, “Төрсний дараах сэтгэл гутрал”, “Гэртээ суухаар стресстэй байна” гэх мэтээр асуудал үүсгэх нь ихэслээ. Ингээд эрчүүд тэр бүх байдлыг нь бараг 5-10 жил тэвчиж амьдрах ёстой юм шиг хандаж байна.

Бидний өмнөх үеийн ээж нар, эмээ нар минь 7-8 хүүхэд төрүүлээд, ар гэр, ах дүүсээ бүгдийг нь аваад явж болдог л байсан шүү дээ. Тэд нар чинь хүн биш, робот байсан юм уу?

“Намайг ойлго” гэж шаардахаасаа өмнө өөрийгөө хүнд хань болж чадаж байгаа юу, үгүй юу гэдгээ бодох хэрэгтэй юм шиг. Нөхөртөө хаягдсан гээд байгаа хүмүүсийн дийлэнх нь өөрийнхөө алдаа болон хандлагыг ухамсарлах чадамжгүйгээсээ болж байгаа юм биш үү? Одоо залуус сошиалаар ярьсан төрөл бүрийн сэтгэл зүйн термин, траума гэх мэт зүйлсийг шалтаг болгон тэнэгтэхээ болимоор санагдах юм. Та бүхэн энэ асуудалд ямар бодолтой байдаг вэ?