ЯАГААД ИНГЭЖ ДУРЛАЧИХВАА АХАД?

Сайн байцгаана уу? Энэ өдрийн мэндийг хүргэе. Өөрт тохиолдсон сонин мэдрэмж болон сэтгэлийн нууцаа хуваалцаж, зөвлөгөө авах гэсэн юм. Би одоо 20 настай. Саяхан 40 гаруй настай ахаас машин худалдаж авсан юм. Тэр ах маань надаас намхан, царайлаг биш, энгийн үед хэн ч хараад шууд дурлахааргүй л хүн байсан. Гэхдээ хүнд дурлана гэдэг ийм байдаг юм болов уу? Буруугаар битгий ойлгоорой, тэр ах надад хүний урманд ганц ч хандрах байдлын үг болон үйлдэл гаргаагүй ээ.

Гэвч би яагаад ч юм түүнийг байнга санаж, бодоод байх боллоо. Машинаа худалдаж аваад одоо бид хоёр огт хамааралгүй хүмүүс болсон ч, ямар нэгэн шалтаг гаргаад ч хамаагүй дахин уулзчихмаар санагдаад байна. Уг нь тэр ах эхнэр, хүүхэдтэйгээ хэлсэн. Эхнэр, хүүхэд нь Солонгост байдаг бөгөөд ах нь удахгүй араас нь явна гэж ярьж байсан юм. Тэр бүхнийг бодохоор л цаанаасаа гомдоод, харамсаад байх юм. “Би арай эрт төрөөд, энэ хүнтэй эрт учирсан бол өөрөө найраад, хамт амьдрахгүй юу” гэж хүртэл бодогдох юм.

Энэ бүхэн үнэхээр бүтэхгүй, тэнэг зүйл гэдгийг би өөрөө сайн мэдэж байна л даа. Гэхдээ л тэр ахтай дахин нэг уулзмаар байна. Одоо над руу ганц л чат бичих юм бол би шууд л гүйгээд очмоор байна. Өдөр шөнөгүй бодоод байгааг минь бодоход би үнэхээр түүнд дурлачихсан юм болов уу?