Пэрис Хилтон “1 Night in Paris” бичлэгийнхээ ард байсан үнэнийг дэлгэв

2000-аад оны эхээр дэлхий дахиныг шуугиулж, поп соёлд хамгийн том тэсрэлт хийсэн явдал бол залуу саятан Пэрис Хилтоны насанд хүрэгчдийн бичлэг интернетэд задарсан явдал байв. Тухайн үед 19 настай байсан Пэрис Хилтон өөрийн найз залуу Рик Саломонтой хамт хувийн архивт зориулан хийж байсан бичлэг нь 2004 онд “1 Night in Paris” нэртэйгээр задарч, дэлхий даяар асар их ашиг олсон байдаг.

Яагаад энэ бичлэгийг хийсэн бэ?
Хожим нь Пэрис Хилтон өөрийн баримтат кино болон дурсамж номдоо энэ талаар дэлгэрэнгүй ярьсан байдаг. Түүний хэлснээр тэрээр энэ бичлэгийг дэлхий дахинд цацах эсвэл алдартай болох зорилгоор хийгээгүй, зөвхөн тухайн үеийн найз залуу Рик Саломоны шахалт, ятгалагаар хийсэн гэжээ. Тэрээр: “Би маш залуу, туршлагагүй байсан. Хайртай залуу маань намайг ятгаж, зөвхөн бид хоёрын дунд л үлдэнэ гэж амласан болохоор би итгэсэн” хэмээн тайлбарласан юм.

Дэлхийн хэмжээний урвалт
Гэвч тэдний харилцаа дууссаны дараа Рик Саломон энэхүү хувийн бичлэгийг Пэрисийн зөвшөөрөлгүйгээр насанд хүрэгчдийн компанид заран DVD болон интернетээр цацуулсан байна. Энэ нь Пэрисийн хувьд нэр хүнд, сэтгэл зүйн асар том цохилт болсон бөгөөд тэрээр Рик Саломоныг шүүхэд өгч, задарсан ашгаас нь тодорхой хувийг шүүхээр дамжуулан авч, сайн үйлсэд хандивлаж байжээ.

Сэтгэлийн сэв ба насан туршийн шошго
Пэрис Хилтон хожим нь: “Тэр бичлэг миний амьдралыг бүхэлд нь сүйрүүлсэн. Хүмүүс намайг бизнес эмэгтэй, хувь хүн гэж харахаа больж, зөвхөн тэр бичлэгээр маань дүгнэх болсон. Намайг насан туршдаа дагах ичгүүр болон сэтгэцийн гэмтлийг авчирсан” гэж сэтгэлээ нээсэн билээ.