Ээж минь энэ насандаа өөрийгөө биш биднийг бодсоор туулж өнгөрүүлэх юм гэж үү?

Сайн байна уу? Танай хамт олонд энэ захиа очих өдрийн мэнд хүргий. Намайг О гэдэг 20 настай гадаадад сурж амьдарч байгаа жирийн л нэгэн оюутан охин байна. Би та бүхнээс нэгэн зөвөлгөө авах гэсэн юм. Энэ миний эцэг эхийн тухай. Миний ээж намайг их залуухандаа 19 настайдаа намайг ах эгч аавынхаа зэмлэлийг зөрөн байж түрүүлсэн мундаг эмэгтэй харин миний эцэг бол ээжээс минь 10-д насаар ах. Ээжтэй минь гэр бүл болохдоо аав маань өмнө амьдрал зохиож байсан бас хүүхэдтэй гэдгээ нуусан байсан. Намайг 3 настай байхад тэд салцгаасан юм.

Ээж минь хүний урманд ч бидэнд ийм зүйл дутагдаж байна мөнгө төгрөг гэж ааваас хэзээ ч асууж байгаагүй, удалгүй намайг 4 нас гарантай байхад ээж минь нэг ахтай суусан (би аав гэж дууддаг юм). Хойд аав маань бас л бодвол эхэндээ ээжид минь тал засаж хайртай дуртай гэж их гүйдэг байсан байх. Удалгүй бидний зовлонт урт удаан дуусашгүй мэт амьдрал эхэлсэн дээ. Хойд аав байнга архи ууна, ээжийг хуурна, ээжийг минь зодно бид 2-г хар шөнө гудамжинд хөөж гаргана. Ээж бид 2 50-н шар торонд хувцас миний маргаашийн хичээлийг хам хум хийж аваад л хөөгдөөд ээжийнхээ ажил дээр хонодог байсан.

Хойд аав маргааш нь эрүүл болоод л ээжийн өмнө сөхрөөд уучлаарай дахиж тэгэхгүй гээд л бөөн юм болдог ээж мин эмэгтэй хун учраас уучлаад л өнгөрдөг байсан иймэрхүү зүйл байнга тохиолддог байсан сүүлдээ миний сурлагад хүртэл нөлөөлж эхэлсэн. Хамгийн цочирдмоор нь хойд аав маань урьд нь 2-н 2 амьдрал зохиож байсан нь бас л сүүлд мэдэгдсэн эхнэрүүд нь орой болохоор хаалга нүдэж өшиглөж ээж бид 2-г янз янзаар хэлнэ. Олон ч шөнө уйлж өнгөрөөлсэндээ муу ээж минь. Тэр 2 эхнэр нь бас тэтгэмжийн мөнгө нэхнэ тэр бүхнийг мөнгийг ээж минь л өгдөг байсан. Бас би ээжээс байнга гуйна та энэ хүнээс салчих л даа гэж ээж минь хөөрхий олны хэл амнаас их айж бас санаа зовсон байх л даа. Дүүг маань төртөл их зүйл болсондоо тэр бүхнийг энд бичий гэвэл дуусашгүй урт болох байх.

Ээж минь энэ хүнээс жирэмсэн болж хүүхэд гаргахгүй гэдэг байсан ч ээж минь маш хүнд хэлбэрийн хавдар туссан юм. Аймшигтай мэдээ ээж минь яаж тэр бүхнийг давж гарсан юм болдоо. Эмч нар хэлэхдээ хавдарыг нь авсан гэхдээ заавал хүүхэд түрүүлж байж бүр мөсөн арилна тэгэхгүй бол хорт хавдар ч үүсэж магадгүй гэсэн аюултай мэдээ хэлсэн. Ээж минь жирэмсэн болох гэж их зовсон хүүхэд тогтохгүй гээд их эм тан ууж байж жирэмсэн болж 9 сарын дараа миний газар дээр ганц дүү минь мэндэлсэн юм. Бидний гэрэл гэгээ минь.

Аав дүүг минь гарснаас хойш овоо архи тамхинаас хэсэг гарж хүн шиг байсан юм. Дүүг ой гарантай байхад ээж аав 2 бусдын адилаар амьдралаа дээшлүүлэх гэж солонгос улсыг зорьсон. Тэнд бас л аавын хуучин амьдрал үргэлжилсэн хүүхэн, архидалт, зодоон гээд л ээж минь яаж тэр бүхнийг тэвчиж өдий болтол ирснийг бодохоор үнэхээр өрөвдөлтэй. Би дүүгээ хараад хамаатныдаа үлдсэн юм. Би тэгэхэд 9-р ангид байсан, удалгүй би төгсөж гадагшаа сурахаар болсон тэр үед ээж аав 2 эргэж ирэв, хамгийн инээдтэй нь хойд аав ширхэг ч мөнгөгүй ирсэн. Ээж минь хагас бүтэн сайнд ядартлаа хуруу хумсаа хугалан байж ажиллаж хураасан мөнгөөрөө миний охинд хэрэгтэй гээд надад 3 өрөө байр авж өгсөн. Эх хүн гэдэг ийм л агуу.

Би ээжээсээ хэсэг хол байсан болохоор жоохон хөндий болчихсон юм. Бид 2-н дунд ч үл ойлголцол уйлаан гээд л их юм болж байсан. Эцэст нь би энд ирсэн ээж минь намайг өөр шигээ хүн болгохгүй заавал боловсролтой мундаг эмэгтэй болгоно, өөрийн гэсэн байр ажил орлоготой болчоод хүнтэй суух талаар яриарай 26, 27 хүртлээ жирэмсэн болж болохгүй тэгвэл хөөгөөд гаргана шүү гэдэг. Би ч одоо хичээж явна. Ээж минь саяхан бас гадагшаа явсан дүү аав 2 үлдсэн ээжийг явах өдөр аав бас л согтуу байсан гэсэн. Хүн ийм байж болно гэж үү хүн үү адгуус уу. Ээж бид 2 одоо дүүдээ л хамгийн их санаа зовж байна миний дүү их толгой сайтай хүүхэд байгаа юм тийм архичин хүний дэргэд үлдээгээд ирсэн болохоор сэтгэл нь хэцүү байгаа ээжийн минь бас төрсөн эцэг нь болохоор гайгүй болов уу гэсэн итгэлээ тээсээр.

Хамгийн гол нь би ээжийгээ өөр хүнтэй суу гэж хэлсэн энэ миний буруу биш биздээ. Та наад хүнээсэээ салаа ээж би одоо жоохон хүүхэд биш юмны учир начирыг сайн ойлгоно та залуу байна өөрийгөө бод, өөртөө хайртай танийг зовоохгүй хүнтэй суу гэж хэлсэн. Ээж минь дүүд минь л их санаа зовж байгаа болохоор чадахгүй байх шиг байна, надад хойд эцгийн гар харуулсан бас дүүд чинь гээл эхэлдэг. Ээждээ яаж ойлгуулах вэ? Ээж минь их сайхан хүүхэн араас нь өчнөөн ах нар гүйдгийг би мэднээ тэрэн дунд бас сайн хүн байгааг ч би мэднэ. Ээж минь энэ насандаа өөрийгөө биш биднийг бодсоор туулж өнгөрүүлэх юм гэж үү?

Эрчүүдээ, аавуудаа ухаантай байж үз л дээ та нараас гуйж байна. Эмэгтэй хүнийг хэзээ ч битгий гомдоогорой. Хайрлаж халамжилж жаргааж чадахгүй бол яах гэж хүний охин үрийг хуурч авч суудаг юм бэ. Архи тамхи хэнд хэрэгтэй гэж та бүхэн хэрэглэдэг юм бэ. Архичин хүний гэр бүлд заавал нулимс, зодоон нүдээн хагацал байх юм даа. Хааяа эрчүүдийг үзэн ядах шиг. Их урт зүйл бичсэн бол уучлаарай. Миний ээж энэ дэлхийн хамгийн агуу бурхан. Ээж хүн гэдэг үргэлж үр хүүхэд биднийхээ төлөө байх юмдаа. Ээжийгээ хайрлаж яваарай хүмүүсээ…