Энэ зан нь таалагдахгүй байх юм

Өөртөө тохиолдоод байгаа асуудлаа бичье. Миний үерхэж байгаа хүүхэн одоо 30 гарсан л даа. Би өөрөөс нь 3 дүү. Бид хоёр одоо тогтмол уулздаг. Ер нь зан ааш аятайхан л санагдаад байдаг юм. Элдэв гачин токсик зан араншин байхгүй. Юм аа нуудаггүй хэлэх гэсэн юм аа хэлчихдэг. Гэтэл иймэрхүү шулуун шударга зантай болохоор олон эрэгтэй найзуудтай байдаг юм байна. Яахав тэд нар нь бүгд эхнэр хүүхэдтэй надаас ах хүмүүс. Тэд нартайгаа утсаар ярихаараа ерөөсөө намайг хажууд нь байна гэж бодохгүй ярих юм.

Өө тиймүү тэгсэн үү тэгвэл тэдийд уулзаад тохирчихий тэхүү гээд л. Тэгээд би яасан юу болсон хэнтэй уулзах гэж байгаа юм гэхээр. Тэр ахтай уулзана. Өө манай ангийн тэр залуу харин тэгээд гээд л ерөөсөө тэрнийгээ юман чинээ бодохгүй. Гэтэл ажиглаад байхад нөгөө залуучууд нь манай найз хүүхэнтэй ярих дуртай санагдсан. Арай ч унтаж хэвтдэггүй байх гэхдээ марзагнаад л юм яриад сууж байдаг юм уу даа л гэж ойлгосон.

Бас заримдаа машинтай явж байх үед нэг залуутай хажууд яриад явчихна. Гол нь ажил хэргээ ярьж байвал бас хүн ойлгоно шдээ. Гэтэл хажууд инээд алдаад л бие биендээ хөнгөхөн маягийн жоүк хэлээд л тэр нь аягүй тухгүй болгоод байх юм. Нэг өдөр бүр хагассайн өдөр залгаж дургүй хүргэсэн. Тэгсэн чинь өнөөдөр найз нь гарч чадахгүй нь ээ хоёулаа маргааш болий тэхүү гээл нээх найрсаг хэлж байх юм. Тэгээд тэр залуутай бараг 10 минут ярьсан шүү. Тэр өдөр яг бид хоёр гоё хоол унд гаднаас аваад л жоохон романтик байх гэж байсан гээд боддоо.

Ер нь оройдоо бид хоёр хамт. Өглөө гараад л бүтэн өдөр хэнтэйгээ юу ярьж өнгөрөөдөг бол гэж бодохоор бас гэдэн хөдлөх гээд байдаг болчихож. Энэ зан нь таалагдахгүй байх юм. Яаж ойлгуулах вэ? Хүнийг зүгээр байхад нь уурлуулчихмааргүй байна…