ЭХНЭРТЭЙГЭЭ НЭГ ОРОНД УНТАЛГҮЙ 4 ЖИЛ БОЛЛОО…

За, нэг зөвлөгөө ч юм уу, эсвэл сэтгэл санааны тусламж авмаар байна! Би одоо 42 настай, эхнэртэйгээ нэг оронд унталгүй 4 жил болж байна. Унтъя гэхээр ямар нэг шалтаг хайх юм. Хоёулаа өөд өөдөөсөө хараад ярилцъя гэхээр л бултах юм уу, эсвэл хэрүүл хийгээд орилж чарлаад унах юм. Нэг удаа “Чи тамхинаас гарвал унтана” гэхээр нь бүтэн 2 жил тамхинаас гарсан ч унтах шинжгүй болохоор буцаад орчихсон.

Орчин цагийн шинэчлэгдсэн найрдагатай ВИАГРА

Би эхнэрээ анхнаас нь санхүүгийн хараат байлгах дургүй байсан болохоор бизнест нь хөрөнгө оруулж, тусалсаар байгаад амжилттай босгож өгсөн. Одоо тэр бүх юмтай, дуртай үедээ гадаад явж амардаг эрх чөлөөт бүсгүй. Заримдаа найзууддаа атаархдаг шүү дээ, цамцыг нь угаагаад, индүүдээд өгдөг эхнэрүүдийг харахаар. Эхнэрээсээ “Миний цамцыг нэг удаа угаагаад тавьчихаж болдоггүй юм уу” гэхэд “Чи ямар хөл гаргүй юу, өөрөө угаана биз” гэдэг. Заавал угаалгах гээд байгаадаа биш, жижигхэн халамжинд л баярлах гээд байдаг юм.

Эхлээд “Өөр хүнтэй болчихсон юм болов уу”, сүүлдээ “Лесби юм болов уу” гэж хүртэл боддог байлаа. Нэг удаа халамцуудаа эгчид нь “Дүү чинь надтай унтаагүй 3-4 жил боллоо, дүүгээ лесби гэдгийг мэдэх үү” гээд хэлчихээд сүүлд нь их санаа зовсон. Хүнтэй болсон бол “Салъя” гэж хэлэхийг нь хүлээгээд л байгаа. Өөрөө түрүүлж явбал “Эхнэр хүүхдээ хаясан гэмтэн” болчих гээд байдаг. Энэ байдлаас болоод сүүлийн 6 сар эрс уур уцаартай болчихлоо. 4 жил гар хангалга хийгээд явахаар арга ч үгүй биз.

Саяхан 4 сард паспортоо хайж байгаад эхнэр маань надад хэлэлгүй 360 сая төгрөгийн үнэтэй 2 өрөө байрны гэрээ хийгээд, 180 саяыг нь бэлнээр төлчихсөн байхыг олж хараад шооконд орлоо. “Яагаад надад хэлээгүй юм” гэхэд “Өөрийнхөө мөнгөөр бизнес хийж байна, чамд хамаагүй” гэсэн. Энэ мөчөөс эхлээд эхнэрээ гэх сэтгэл 00 болсон. 7 хоногийн өмнө бас ам зөрөхөд “Манай гэрээс зайл” гэж байна. Уг нь бид хоёрын дундын л оромж юмсан. Яг яах ёстойгоо ойлгохгүй байна, хаяад явчихъя гэхээр хүүхдүүд бодогдоод, яах ёстой вэ? Зөвлөөч.

📩 Таны амьдралд тохиолдсон бэлгийн харилцааны болон хайр сэтгэлийн сонирхолтой түүх, сэтгэл зүйн асуудал, хөгтэй явдлууд болон бусдаас асууж зөвлөлдмөөр байгаа эмзэг сэдвүүд байна уу?

Та өөрийн түүх, асуултаа манай вебсайтад нууцлалтайгаар нийтлүүлэхийг хүсвэл 📧 cekcmn@yahoo.com цахим хаягаар бидэнд илгээгээрэй. Бид таны нууцыг чандлан хадгалж, олон нийтэд хүргэх болно.