ХАМТРАГЧ ХАЙЖ БАЙГААД ШИНЖИЛГЭЭ ӨГЛӨӨ, ГЭТЭЛ…

Сайн байцгаана уу? Хосуудын эрүүл мэнд болон бэлгийн харилцааны соёлтой холбоотой нэгэн чухал сургамжтай явдлыг хуваалцахаар бичиж байна. (Энэхүү сэдвийг олон нийтэд хүргэх талаар тухайн бүсгүйтэйгээ урьдчилан ярилцаж, зөвшөөрөл авсан болно.)

Би сүүлийн нэг хоёр жил ганц бие байсан тул хамтрагч хайж байгаа тухайгаа зарлан пост оруулж явсан юм. Ингэж явсаар нэгэн бүсгүйтэй танилцаж, бие биедээ асар их таалагдаж, харилцаа маань нэлээд гүнзгийрсэн билээ. Ингээд харилцаагаа дараагийн шатанд гаргахаас өмнө хоёулаа эмнэлэгт очиж шинжилгээ өгөхөөр тохиролцов.

Интермед эмнэлэг дээр очиж ПСР шинжилгээ өгтөл нөгөө бүсгүйгээс маань бэлгийн замын үрэвсэлтэй хариу гараад бид хоёр хоёулаа маш их гайхаж, шоконд орсон. Бүсгүй маань ч өөрөө ийм асуудалтай байгаагаа огт мэдээгүй байсан юм.

Энэ явдлын дараа би хэд хэдэн чухал зүйлийг маш гүн гүнзгий ухаарлаа. Сүйт бүсгүйтэйгээ салсан уу, эсвэл удаан хугацаанд ганц бие явсан уу гэдгээс үл хамааран хүн бүр бэлгийн замын халдварт өвчин болон үрэвслийн шинжилгээг тогтмол өгч хэвших ёстой юм байна. Мөн залуус, эрчүүд маань бэлгийн харилцаанд орохдоо бэлгэвч болон хамгаалалтыг заавал хэрэглэж сурах хэрэгтэйг ойлгов.

Миний хувьд одоо дахин хамаагүй хамтрагч хайж гүйхгүй. Цаашид шинээр найз бүсгүйтэй болсон ч хамгийн эхэнд иж бүрэн шинжилгээ өгүүлж, эрүүл мэндээ баталгаажуулсны дараа л үерхэж дотносох болно.

Та бүхэн ч гэсэн эрүүл мэнддээ хариуцлагатай хандаарай.