Sexy Robot Roxxxy…

Энэхүү дур татам бүсгүй хиймэл оюун ухаантай л болохоос үйлчлүүлэгчийнхээ дурын хүслийг эелдгээр биелүүлэх чадвартай. Энэ бол ердийн нэг зайгаар ажилладаг чичирч, хөдөлдөг төхөөрөмж бус. Жинхэнэ хүнээс ялгагдах зүйлгүй шахам эл үзэсгэлэнт робот бүсгүй 165 см-ийн өндөр, 55 кг жинтэй, хүсэл бадраам биеийн галбиртай бөгөөд гоёмсог дотуур хувцсаар гангарсан. Робот бүсгүй хамтрагчийнхаа хөдөлгөөн бүрийг мэдэрч чадах бөгөөд янз бүрийн байрлалаар хамтрагчаа баярлуулж, шаардлагатай үед халуун яриа өрнүүлэх ч чадвартай гэнэ. Түүний яриа, “надад чамтай байх сайхан байна”, “алив ….”, “намайг үнсээч” гэх мэт үгсийг агуулна.

Roxxxy нэртэй, хүрэн үст робот бүсгүй нь хиймэл оюун ухаантай, хүнтэй нэн төстэй зэрэг олон давуу байдлаараа секс хувьсгалын түүхэнд анхдагч болж буй. Энэхүү секс роботыг олноо танилцуулах үзэсгэлэн АНУ-д болсон аж. Түүний нийлэг арьс хүний арьснаас огт ялгарахгүй бөгөөд хамтрагчийнхаа сонирхолд нийцүүлэх бүхнийг үйлдэх мэдрэг төхөөрөмжүүдийг энд тэндгүй агуулжээ. Гэхдээ эдгээр мэдрэг төхөөрөмжүүд зөвхөн өөрийн эзэнд л үйлчилнэ. Өөрөөр хэлбэл, хэн нэгэн танихгүй эрийн хүслээр үйлчилж, харилцаанд орохгүй гэсэн үг. Roxxxy таван өөр хувилбараар худалдаанд гаргахаар төлөвлөсөн байгаа гэнэ. Энэ нь төгс галбиртай фотомодель, галзуу секс эмэгтэй, ахимаг насны эмэгтэй, гэнэн залуу охин. Харин үлдсэн нэг загварыг одоохондоо үзүүлэхгүй байгаа бөгөөд энэ нь онцгой сексийг эрхэмлэгчийн найз охин гэсэн тодотголтойгоор гарах юм. Робот бүсгүй байнга интернэтэд холбоотой байх төхөөрөмжөөр зэвсэглэгдсэн тул өөрийн үйлдвэрлэгчдийн цахим хуудас руу нэвтрэн хуучин программуудаа шинэчлэх боломжтой ажээ. Мөн роботын дотоод компьютер нь хамтрагчийнхаа тухай бүхнийг тогтоон санах чадвартай тул сэтгэл санааг нь мэдэрч, анализ хийн хамтрагчаа сэргээхийн тулд дуртай сэдвээр нь ярилцаж чадах юм байна. Цахилгаан бүсгүй загвараасаа хамааран 7-9 мянган ам.долларын үнэтэй. Удахгүй робот эр гарах тухай ч үзэсгэлэнгийн үеэр яригджээ.