Бэлгэвчийг худалдан авахдаа хүчинтэй хугацааг сайтар анхаарах нь чуха

Өсвөр насныхан, залуу хүмүүсийн зарим нь бэлгэвч хэрэглэхдээ алдаа, эндэл гаргадаг. Бэлгэвч буруу хэрэглэснээр БЗХӨ тэр дундаа ДОХ-ын халдвар авах эрсдэлтэйг санууштай. Бэлгэвч хэрэглэх ерөнхий дүрэм буюу хориглох зарим зүйлд:

-Шүдээрээ боодлыг задлах, хумс, бөгжөөрөө санамсаргүй хүрэх үед бэлгэвчийг үрж гэмтээх тохиолдол бишгүй гардаг учир зааврын дагуу болгоомжтой задлах хэрэгтэй.

-Шодойг сугалах үед бэлгэвч мултарч үтрээнд үлдэх явдал хааяа гардаг болохыг анхаарах хэрэгтэй.

-Эмэгтэй бэлгэвчийг хэрэглэж байхад шодой бэлгэвчийн гадуур орж, үтрээнд үрийн шингэн асгарч болно.

-Бэлгэвчийг тослохдоо ургамлын тос, вазелин гэх мэт тосон суурьтай тос хэрэглэвэл бэлгэвч гэмтэж урагддаг болохыг дахин дахин сануулъя.

-Эрэгтэй хүн дур тавихаас өмнө шодойноос үрийн шингэн ялгарч байдаг тул бэлгийн хавьтал хийхээс өмнө бэлгэвчийг бэлэг эрхтэнд углах хэрэгтэй.

-Бэлгэвчийг халаах, гэрэл, чийгтэй нойтон газарт хадгалах юм бол чанараа алдана гэдгийг мартаж үл болно.

-Бэлгэвч ямар нэгэн шалтгаанаар гэмтсэн бол хэрэглэх гэж оролдох хэрэггүй.

-Бэлгэвч нь латекс хэмээх чанар сайтай материалаар бэлтгэгддэг тул урагдаж гэмтэх нь ховор. Гэхдээ хугацаа хэтэрсэн, зориулалтын бус нөхцөлд хадгалсан бэлгэвч хэврэг болох нь бий.

/Хань/